Mika 1:7 - The Holy Bible In Alur (Lur) Revised Orthography

⁷ Man ayi gin m’acwia m’ang’ika pare jubiodo nziki nziki, man sukulia pare ceke jubiwang’u ku mac, man abiketho mungu pare m’araga ceke bedo kende; kum ecokogi ku sukulia pa won asara, man gibidok ba sukulia pa won asara.

Mika 1:7 ပူးပေါင်းရင်းမြစ်များ

2 Lemkei 31:1

Nie kinde ma maeni ceke thum, I Israel ceke ma ginuti giwok woko bang’ adhura mi Yuda, man gituro mbegi nziki nziki, man gitong’o mungu m’araga piny, gituro ka ma malu de piny ku pemblam kud i Yuda ceke man Benyamin, i Efraim bende man Manase, cil ma ginyotho kogi ceke. Nyithindho mir Israel ceke gilund gidok ku ba dhanu ceke ng’atuman ba piny pare, i adhura migi ma dhe.

Isaya 2:18

E mungu m’araga bikadhu woko pet.

Isaya 23:17

Man ebitimbre yo ng’ei rundi pier abiro, nia Yehova biliewo Turo, e ebidwogo ba sukulia pare, man ebitimo tarwang’ ku ker ceke m’i ng’om wi wang’ ng’om.

Isaya 27:9

Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

Ezekiel 6:6

I kabedo mu ceke jubidwoko adhura ni susu, man ka ma malu bidoko ni uvuru; kara judwok pemblam mu ni susu man ni uvuru, man kara jutur mungu m’araga mu man gijiki, man kara jung’ol ayi gin m’acwia mu mi ceng’ piny, man kara tic mu kabre woko.

Hoseya 2:12

Man abinyotho ulok pare ku yendubolo pare, m’ewacu pire kumae, Maeni sukulia para ma jumer para gimio ira; man abidwokogi ni luli, e yedi m’i thim bicamugi.

Hoseya 2:14

Ka kumeno, nen, abibidhe, man abikele i langa, man abiyero lembjuk ire.

Hoseya 2:5

kum meggi timo asara, en m’egamu ic migi etimo ku lewic; kum ewacu kumae, Abicidho tok jumer para, m’umio ira kwen para ku pi para, yukrombe para man atutu para, mo para ku giramadha para.

Hoseya 8:5

Ebayu nyathi dhiang’ peri woko, E Samaria; ng’ecwiny para opo i kumgi; ebibedo rokani ma fodi gikutundo ngo kum bedo ma leng’i?

Hoseya 8:6

Kum cil maeni ai bang’ Israel; jabodho time en, man en e Mungu ngo; eyo, nyathi dhiang’ mi Samaria jubituro nziki nziki.

Yoel 3:3

e gigoyo jara pi dhanu para, man gimio nyathin ma nico pi won asara, giloko nyathin ma nyaku de ku pigulok, kara gimadhi.

Lembe Mi Julawi 26:30

E abinyotho ka ma malu mu, man abing’olo ayi m’acwia mi ceng’ mu piny, man abibayu avujwu wi kum mungu m’araga mu; e ng’eyong’ec para bidagu wu.

Poi Mi Cik 23:18

Kud ikel sukulia pa won asara, kadi sukulia pa gwok, i ot pa Yehova peri kum lembang’ola moko: kum maeni ario de en e ginmajudagu ni Yehova Mungu peri.

Poi Mi Cik 9:21

E agamu dubo mu nyathi dhiang’ ma wutimo, man awang’e ku mac, anyone de, m’arege ko nyung’u nyung’u, maram edoko ko yom calu utur: man aoyo uturne i kulo m’umol kud i got.

Lembanyutha 18:3

Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 18:9

Man ju m’ubimo m’i ng’om, m’utimo tarwang’ kude m’ubedo i ayunga ceke de gikugi, gibiywak ku goyo nduru i wie, ka gineno yiro mi wang’ m’ewang’ ko,

1 Samwil 5:4

Man ka giai pir kugweno urwone, nen, Dagon upodho arieba wang’e i ng’om i wang’ sanduk pa Yehova; man wi Dagon ku cinge ario de ung’ol uvuto wi riu mi dhugola; dund Dagon kende e m’udong’ ire.