Mika 1:6 - The Holy Bible In Alur (Lur) Revised Orthography

⁶ Ka kumeno abidwoko Samaria ni udhuru mi thim, man calu ka ma jupidho ie podho mir ulok; man abibayu kidine piny i poga, man abiyabu there.

Mika 1:6 ပူးပေါင်းရင်းမြစ်များ

2 Samwil 17:13

Mange ke, tek jugame i adhura, Israel ceke bilund kelo uno bang’ adhura nica, man wabiywaye i kulo, maram jubinwang’u ko kidi acel ma nok de ngo kuca.

2 Ubimo 18:10

Man ka rundi adek uthum gimake: i rundi mir abusiende pa Hezekia, ma en e rundi mir abung’wende pa Hoceya m’ubimo mir Israel, jumaku Samaria.

2 Ubimo 18:9

Man etimbre i rundi mir ang’wende p’ubimo Hezekia, ma en e rundi mir abirone pa Hoceya ma wod Ela m’ubimo mir Israel, nia Calmaneser m’ubimo mir Ascur uidho malu kum Samaria, man etieke kud ali.

2 Ubimo 19:25

Iwinjo ngo maram atimo ko maeni con, man atime i nindo ma coni? kawono aketho etimbre kakare, kara ebed tic peri ya inyoth adhura ma tek udok ni udhuru mi nyoth.

Isaya 17:1

Ewolembe ma pi Dameski. Nen, a jukabu Dameski kud ubed ni adhura, e ebibedo ni udhuru mir uvuru.

Isaya 25:12

Man ebirwombo ot ma tek mi gang’kidi peri piny, apedha piny, aredha de i ng’om, cil i utur.

Isaya 25:2

Kum idwoko adhura ni udhuru, man adhura ma tek ni susu, ot ma ber mi juwirok ubedo ni adhura ngo; jubigome kendo ki ngo.

Yeremia 31:5

E ibipidho podho mir ulok wi gudi mi Samaria kendo; jupidh bipidho, e anyong’a binegogi kum nyinge.

Yeremia 51:25

Nen, an a jadhogi, E got ma nyotho, Yehova wacu, ma nyotho ng’om ngung’; e abirieyo cinga i kumi, man abing’ieli piny kud i cana, man abidwoki ni got ma wang’.

Yeremia 51:37

E Babeli bidoko ni uvuru, man kabedo mir utho, ku wang’uic, man cac, ma ng’atu moko mbe m’ubed i ie.

Yeremia 9:11

Man abidwoko Yerusalem ni udhuru, ni kabedo mir utho; man abidwoko adhura mi Yuda ni uvuru, ma ng’atu moko mbe m’ubedo i ie.

Ywak 4:1

Mola ma kwar urieny ungo mire! mola ma kwar ma leng’ m’usagu lokre mire! Kidi mi kamaleng’ ukonjre woko i gengi kubang’e kubang’e.

Ezekiel 13:14

E abirwombo gang’ ma wufuyo kud uza kumeca, man abirwombe piny i ng’om, ketho nia there bibedo ngbeng’; man ebipodho, man wubinyothru i kinde: e wubing’es’o nia an a Yehova.

Hoseya 13:16

Samaria biyeyo dubo pare; kum ejai ni Mungu pare: gibipodho ku palamularu; jubirwadu mukere migi nziki nziki, man jubiriedo i mon migi ma igi nuti.

Amos 5:11

Ka kumeno kum wunyono jacan, man wugamu girawodha mi nganu i bang’e: wugomo udi mi kidi m’apaya, ento wubibedo i igi ngo; wupidho podho mir ulok ma ber, ento wubimadhu pigulokne ngo.

Amos 6:8

Rwoth Yehova kwong’o kude gire, Yehova, Mungu mir udul, uwacu kumae: Adagu dwong’ pa Yakobo, man adagu udi pare ma beco; ka kumeno abimio adhura ku gin ceke ma ni ie.

Mika 3:12

Ka kumeno jubifuro Sayuni calu podho, man Yerusalem bidoko ni uvuru, got mi ot de calu ka ma malu mi luli.

Habakuk 3:13

Iwok ni both mi dhanu peri, Pi both pa ng’atu m’iwiro; Itong’o lero kud i ot pa jadubo, M’iyabu mbegi cil i ng’ut. Sela.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.