Mika 1:16 - The Holy Bible In Alur (Lur) Revised Orthography

¹⁶ Luny wii, man thum yukwii woko ni nyithindho mir anyong’a peri: kok dhu wii m’uwang’ calu acur; kum gicidho i ng’eca kud i beng’i.

Mika 1:16 ပူးပေါင်းရင်းမြစ်များ

2 Ubimo 17:6

I rundi mir abung’wende pa Hoceya m’ubimo mir Ascur umaku Samaria, man eyaku Israel etero i Ascur, man ekethogi i Hala, man wi Habor, ma kulo mi Gozan, man i adhura mi Jumedi.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Isaya 15:2

Giidho malu i Bayith, man i Dibon, ba ka ma malu, niywak: Moab ugoyo nduru kum Nebo, man kum Medeba; wie m’uwang’ ni i wigi ceke, junyaru tik kubang’e kubang’e ceke.

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Yeremia 16:6

Ju ma dongo ku ju ma thindho bitho i ng’om maeni; jubiyikogi ngo, kadok dhanu de biywagugi ngo, kadi gibithumbri gigi de ngo pigi, kadi gibigwaru wigi de ngo pigi;

Yeremia 4:8

Kum maeni wutwiru ku goniu, wuywak man wugoi nduru; kum ng’ecwiny ma lake tek pa Yehova lokre cen ungo kud i kurawa.

Yeremia 47:5

Wie m’uwang’ uwok kum Gaza; judwoko Ackelon ni gin mananu, en e donge m’udong’ i poga migi: ibithumbri giri rokani?

Yeremia 6:26

E nyar dhanu para, twiri ku gonia, man inyembri i vuru: tim iri ywak, calu pi wod kulong’, goi nduru ma kec hai; kum janyoth bibino pio i kumwa.

Yeremia 7:29

Nyar yukwii, E Yerusalem, man ibaye cen, man iting’ ywak wi ka m’utingre ma lelele; kum Yehova kwero man ekuno dhanum’utuk mi kwinyo pare.

Ywak 2:19

Ai, kok ku diewor, i thekri mi kur; Konj adundeni woko calu pi i wang’ Rwoth: Thang’ cingi yor i bang’e pi kwo mi nyithindho peri ma thindho, m’uvoc ku kec dhu gengi kubang’e kubang’e.

Amos 7:11

Kum Amos uwacu kumae, Yeroboam bitho ku palamularu, e jubiyaku Israel kud i ng’om pare andha.

Amos 7:17

ka kumeno Yehova wacu kumae: Cegi bibedo won asara i adhura, man woti ku nyigi bipodho ku palamularu, man jubipoko ng’om peri ku wang’piny; man in giri ibitho i ng’om m’ucido, e jubiyaku Israel kud i ng’om pare andha.

Amos 8:10

E abiloko agba mu ni ywak, man wer mu ceke ni goyonduru; man abikelo gonia wi pier ceke, man lunywic i wie kubang’e kubang’e; man abikethe calu ywak mi wodo ma kulong’, man kajikne calu ceng’ ma kec.

Poi Mi Cik 28:41

Ibinyolo nyithindho ma co ku nyithindho ma nyir, ento gibibedo peri ngo; kum gibicidho i ng’eca.