Mika 1:1 - The Holy Bible In Alur (Lur) Revised Orthography

¹ Lembe pa Yehova m’ubino ba Mika ma Jamoracti i nindo pa Yotham, kud Ahaz, man Hezekia, ma gin ubimo mi Yuda, m’eneno pi Samaria ku Yerusalem.

Mika 1:1 ပူးပေါင်းရင်းမြစ်များ

2 Ubimo 15:32

I rundi mir arionde pa Peka ma wod Remalia m’ubimo mir Israel, Yotham ma wod Uzia m’ubimo mi Yuda maku camu ker.

2 Ubimo 15:5

Man Yehova goyo ubimo, ketho nia ebedo won joi cil i ceng’ mi tho pare, man ebedo i ot m’ukoc. Man Yotham ma wod ubimo en e wi juot, m’ebepoko ko lembe mi dhanu m’i ng’om.

2 Ubimo 16:1

I rundi apar wi abirone pa Peka ma wod Remalia, Ahaz ma wod Yotham m’ubimo mi Yuda maku camu ker.

2 Ubimo 18:1

Nie etimbre i rundi mir adege pa Hoceya ma wod Ela m’ubimo mir Israel, nia Hezekia ma wod Ahaz m’ubimo mi Yuda maku camu ker.

2 Lemkei 28:1

Ahaz rundi pare pier ario kinde m’emaku camu ker; man ecamu ker rundi apar wi abusiel i Yerusalem: man etimo gin m’atira ngo i wang’ Yehova, calu Daudi ma kwaru mire;

2 Lemkei 29:1

Hezekia maku camu ker kinde ma rundi pare pier ario wi abic; man ecamu ker rundi pier ario wi abung’wen i Yerusalem: man nying’ min mire Abija, ma nya Zekaria.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 1:2

Wuwinji, E polo, man icik ithi, E ng’om; kum Yehova yero kumae: Agwoko man atungo nyithindho, e gijai ira.

Isaya 7:1

Man etimbre i nindo pa Ahaz ma wod Yotham, ma wod Uzia, m’ubimo mi Yuda, nia Rezin m’ubimo mir Cami, man Peka ma wod Remalia, m’ubimo mir Israel, giidho ba Yerusalem kara gitim ali i kume, ento gicopo make ngo.

Isaya 7:9

man wi Efraim en e Samaria, man wi Samaria en e wod Remalia. Tek wubiyio ngo, wubicungo ngo andha.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Hoseya 1:1

Lembe pa Yehova m’ubino bang’ Hoseya ma wod Beri, i nindo pa Uzia, ku Yotham, kud Ahaz, man Hezekia, gi ju m’ubimo mi Yuda, man i nindo pa Yeroboam ma wod Yoac, m’ubimo mir Israel.

Hoseya 4:15

Kadok in, Israel, itimo tarwang’, ento Yuda kud ukier; man kud wubin i Gilgal, kadok kud wuidh Beth-aven, kadi kud wukwong’ kwong’ kumae, Calu Yehova bedo kwo.

Hoseya 8:14

Kum Israel wie wil kum Jacwicne, man egomo udi ma dwong’; man Yuda medo adhura ma tek; ento abioro mac wi adhura pare, man ebiwang’u udi ma tekne.

Amos 1:1

Lembe pa Amos, ma ni i kind jukwac mi Tekoa, m’eneno pir Israel i nindo pa Uzia m’ubimo mi Yuda, man i nindo pa Yeroboam ma wod Yoac m’ubimo mir Israel, rundi ario ma fodi digidi kuwok ungo.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Mika 1:5

Maeni ceke wok kum gondri pa Yakobo, man kum dubo mi ot mir Israel. Gondri pa Yakobo en e ang’o? en e Samaria ngo? man ka ma malu pa Yuda ang’o? gi Yerusalem ngo?

Mika 3:9

Wuwinj maeni, akwayuwu, wu juwic mi ot pa Yakobo, man jubim mi ot mir Israel, ma wudagu pokolembe, man ma wuroco lem m’atira ceke.

Habakuk 1:1

Ewolembe ma Habakuk ma jabila neno.

2 Petro 1:21

Kum lembila moko mbe ma fodubino ku yeny ma dhanu yenyo: ento dhanu yero lembe m’uai ba Mungu, ma Tipo Maleng’ ucung’o kogi en.