Matayo 9:6 - The Holy Bible In Alur (Lur) Revised Orthography

⁶ Ento kara wung’ei nia Wod dhanu bedo ku ng’ol wi ng’om m’eweko ko dubo woko (elund ewacu ni won tho ma nego kum nding’ kumae), Ai malu, ting’ kavuto peri, ici ba ot peri.

Matayo 9:6 ပူးပေါင်းရင်းမြစ်များ

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Matayo 4:24

E pire yik cil i Cami ceke: man gikelo dhanu ma kumgi lith ceke i bang’e, m’ubedo ku tho m’unyang’ i kum ma kwonde tung’ tung’ ku gin ma sendojo, ku weg pajogi, ku weg thimbu de, ku ju m’ubedo ku tho ma nego kum nding’; man ekeyo kumgi.

Matayo 8:20

E Yesu wacu ire kumae, Kaki bedo ku odng’om, winyo ma kor polo de gibedo ku odgi; ento Wod dhanu bedo ku kamoko ngo m’ejeng ie wie.

Matayo 9:2

Man nen, gikelo ng’atu ma won tho ma nego kum nding’ i bang’e, m’evuto wi kavuto: e Yesu m’uneno yioyic migi ewacu ni won tho ma nego kum nding’ kumae, Wodo, cwinyi bed tek: dubo peri wekre woko.

Matayo 9:5

Kum makani ma yot ma sagu, wacu kumae, Dubo peri wekre woko; kadi wacu kumae, Ai malu, iwothi?

Matayo 9:7

Man eai malu, ecidho ba ot pare de.

Marko 2:10

Ento kara wung’ei nia Wod dhanu bedo ku ng’ol wi ng’om mi wekodubo woko (ewacu ni won tho ma nego kum nding’ kumae),

Marko 2:7

Ng’atuni weco kumeno nedi? eyero lembacidi kum Mungu: ng’a ma copo weko dubo woko ndhu ng’atu acel, en e Mungu?

Luka 5:21

Man jugorcik ku Jufarisayo gimaku poro lembe, giwacu kumae, Maeni ng’a m’uyero lembacidi kum Mungu? Ng’a ma copo weko dubo woko, ma k’e Mungu kende ngo?

Yohana 10:28

amio igi kwo ma rondo ku rondo; man gibirwinyo ki ngo, ng’atu moko mbe de ma bimayugi kud i cinga.

Yohana 17:2

cil calu imio ire ng’ol wi kum nzu, kara emi kwo ma rondo ku rondo ni ceke m’imio ire.

Yohana 5:27

man emio ire ng’ol m’etim ko lembapoka, kum en e Wod dhanu.

Yohana 5:8

Yesu wacu ire kumae, Ai malu ting’ kavuto peri, iwothi.

Tic Mi Jukwenda 5:31

En Mungu dode ku cinge ma yor acwic ya ebed Jaker ku Jalar, kara emi lokocwiny ni Israel, ku ruco dubo.

Tic Mi Jukwenda 9:34

E Petro wacu ire kumae, Ainea, Yesu Kristu keyo kumi: ai malu, ipedh kavuto peri. E eai malu tho.

2 Jukorinto 2:10

Ento ni ng’atu ma wuweko ire gin moko woko, an bende aweko woko: kum gin ma tek an bende adaru weko woko, tek adaru weko gin moko, meca aweke ni kum lembe mu i wang’ Kristu;

2 Jukorinto 5:20

Ka kumeno wa judhulembe ka Kristu, calu ma tek Mungu bekwayu kudwa: wabekwayuwu ma tek ni kum Kristu, wuketh kindwu pot ku Mungugi.

Juefeso 4:32

man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

Jukolosai 3:13

ma wuoi ko lembe ma kum juwedu ma ng’atuman uoi lembe ma kum wadi man kum wadi, ma wuwek ko lembe ma kum juwedu ma ng’atuman uwek lembe ma kum wadi man kum wadi, tek ng’atu moko lembe ni i ie kum ng’atu moko: cil calu Rwoth uweko lembe mu, e wun bende wutim kumeno: