Matayo 8:2 - The Holy Bible In Alur (Lur) Revised Orthography

² Man nen, ng’atu ma won joi ubino i bang’e, erwo ire de, ewacu kumae, Rwoth, tek iyenyo, icopo dwoka leng’.

Matayo 8:2 ပူးပေါင်းရင်းမြစ်များ

2 Samwil 3:39

Man abedo ng’ic i ceng’ maeni, kadok juwira ni ubimo; e dhanu maeni ma gi wot Zeruia gi tek ira m’usagu: Yehova cul kum jatic rac calku dubo pare.

2 Ubimo 15:5

Man Yehova goyo ubimo, ketho nia ebedo won joi cil i ceng’ mi tho pare, man ebedo i ot m’ukoc. Man Yotham ma wod ubimo en e wi juot, m’ebepoko ko lembe mi dhanu m’i ng’om.

2 Ubimo 5:1

Nie Naman, ma jego mir udul p’ubimo mi Cami, en e ng’atu ma dit i wang’ rwoth pare, man mi yung, kum Yehova mio aloci ni Cami ni kume: en e ng’atu ma tek ma jarukara bende, ento en e won joi.

2 Ubimo 5:27

Ka kumeno joi pa Naman bimoko i kumi, man kum kodhini mi nja. Man eai kud i vute m’e won joi ma tar calu pei.

Kitabu Mir Ang’wende Pa Musa Wel 12:10

Man afuru ai malu ku wi Hema; man, nen, Miriem en e won joi, tar calu pei; e Harun uneno Miriem, man, nen, en e won joi.

Matayo 10:8

Wukei kum weg tho, wuketh ju m’utho cer, wulony weg joi, wuwodh pajogi woko: wumaku k’abamba, dong’ wumi k’abamba.

Matayo 13:58

Man etimo tic ma tek dupa ngo keca kum yioyic migi m’umbe.

Matayo 14:33

Man ju ma gini i yei girwo ire, giwacu kumae, In i Wod Mungu andha.

Matayo 15:25

Ento ebino erwo de ire, ewacu kumae, Rwoth, konya do.

Matayo 18:26

Ka kumeno jatic upodho piny erwo ire, ewacu kumae, Rwoth, twi cwinyi i kuma, man abiculo iri ceke.

Matayo 2:11

E gibino i ot man gineno nyathin ma nok ku Mariamu ma min mire; e gipodho piny girwo ire; man gigonyo piny migi m’akana githiero ire giramia, mola ma kwar kud udok ma ng’wice ng’ar man mo ma ng’wice ng’ar.

Matayo 20:20

Meg wot Zebedayo ulund ubino i bang’e ku wote, m’eberwo ko ire, ekwayu gin moko de i bang’e.

Matayo 26:6

Nie kan eni i Bethania, i ot pa Simon ma won joi,

Matayo 28:17

E ka ginene, girwo ire; ento jumoko cwinygi bedo jiji.

Matayo 28:9

Man nen, girombo giku Yesugi, ewacu kumae, Moth iwu. E gibino gimaku tiende, girwo ire.

Matayo 4:9

man ewacu ire kumae, Gin maeni ceke abimio iri, tek ibipodho piny irwo de i bang’a.

Matayo 8:1

E kan eai wi got eloro piny, udul dhanu ma dit gilubo ng’eye.

Matayo 8:25

Man gibino i bang’e, gicewe de, giwacu kumae, Bodhwa, Rwoth; waberwinyo.

Matayo 9:18

E kinde m’eyero gin maeni igi, nen, jabim moko bino, erwo de i bang’e, ewacu kumae, Kawono nyara en e avu: ento ibin iketh cingi i kume, man ebibedo kwo.

Luka 4:27

Man weg joi de dupa nuti i Israel i nindo pa Elia ma jabila; ng’atu moko mbe i kindgi de ma julonyo kume, ento Naman kende ma Jacami.

Yohana 9:38

Ewacu kumae, Rwoth, ayio. E erwo ire.

Tic Mi Jukwenda 10:14

Ento Petro wacu kumae, Kumeno ngo, Rwoth; kum gin ma swa ku m’ucido de fokacamu ki ngo.

Tic Mi Jukwenda 10:25

E kan etimbre nia Petro mondo, Kornelio girombo gikude, e epodho piny the tiende, man erwo ire.

1 Jukorinto 14:25

lembamung’a mi cwinye de wok ka ma leng’; kum kumeno ebipodho piny i wang’e man ebirwo ni Mungu, m’ebiwacu ya Mungu ni i kindwu andha.

Lembanyutha 19:10

Man apodho piny the tiende nirwo ire. Man ewacu ira kumae, Kud itim kumeno: an a jatic wedu wakudi ku juwedu de ma gibedo ku lembatuca pa Yesu: rwo ni Mungu: kum lembatuca pa Yesu en e tipo mi lembila.