Matayo 7:7 - The Holy Bible In Alur (Lur) Revised Orthography

⁷ Wukwai, man ebimire iwu; wuyeny, e wubinwang’u; wudwong’, e ebiyabre iwu:

Matayo 7:7 ပူးပေါင်းရင်းမြစ်များ

Thangambere 26:32

Man etimbre cing’ nica, nia jutic pa Isak gibino, man giyero ire pi pi m’atong’a ma gitong’o, man giwacu ire kumae, Wanwang’u pi.

1 Ubimo 3:5

Mungu nyuthre ni Suleman ku wang’ lek ku diewor: e Mungu wacu kumae, Penj gin m’abimio iri.

Zaburi 10:17

Yehova, iwinjo yeny ma ju ma mol uyenyo: Ibiyiko adundegi, ibiketho ithi winjo;

Zaburi 10:4

Jadubo wacu kumae, ku kuhaya mi wang’e, Ebilwong’e ngo. Pidoic pare ceke kumae, Mungu mbe.

Zaburi 119:12

In i jamugisa, E Yehova: Ponja ku cik peri.

Zaburi 27:8

Kinde m’iwacu kumae, Wuyeny wa ng’a; adundena wacu iri kumae, Abiyenyo weng’i, Yehova,

Zaburi 34:4

Ayenyo Yehova, man eloko ira lembe, Man elara kud i lworo para ceke.

Zaburi 37:4

Anyong’a bende negi giri i Yehova; Man ebimio iri yeny ma adundeni yenyo.

Zaburi 50:15

Man ilwong’a i ceng’ mi can: Abibodhi, man ibiyunga.

Zaburi 69:32

Ju ma mol gineno maeni, man anyong’a negogi: Wun ma wuyenyo Mungu, wek adundewu bed kwo.

Zaburi 70:4

Wek anyong’a ku mutoro neg dhanu ceke m’uyenyi; Man wek wadi ju m’umaru both peri giwac thiri thiri kumae, Wek Mungu bed dwong’.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Lembrieko 8:17

Amaru ju m’umara; Man ju m’uyenya ngili ngili gibinwang’a.

Wer Pa Suleman 3:2

Awacu kumae, Abiai kawono, man abiwotho kind adhura; I gengi man i yo ma lac Abiyenyo ng’atu ma ia maru: Ayenye, ento anwang’e ngo.

Isaya 30:19

Kum dhanu bibedo i Sayuni i Yerusalem; ibiywak kendo ngo; ebinyutho bero iri andha kan iywak i bang’e; kinde m’ebiwinjo, ebiloko iri lembe.

Yeremia 33:3

Lwong’a, e abiloko iri lembe, man abinyutho iri gin ma dit, man ma tek, m’ing’eyo ngo.

Amos 5:4

Kum Yehova wacu kumae ni ot mir Israel, Wuyenya, e wuibedo kwo;

Matayo 18:19

Kendo awacu iwu, nia tek juario m’i ng’om cwinygi ripo pi gin moko ma gikwayu, Vwa m’i polo biketho etimbre igi.

Matayo 21:22

Man gin ceke, ma tek wubikwayu i rwo, wuyio de, wubigamu.

Matayo 6:33

Ento ma kwong’a wuyeny ker pare, ku bedopwe pare; man gin maeni ceke bimedre iwu.

Matayo 7:11

Ka kumeno tek wun, ma wu rac, wung’eyo mio giramia ma ber ni nyithindho mu, Wegwu ma ni i polo bimio gin ma ber ma sagu ngo ni ju m’ukwaye?

Matayo 7:8

kum ku ba dhanu ma kwayu enwang’u; man ng’atu ma yenyo enyudo; ng’atu ma dwong’o de ebiyabre ire.

Marko 11:24

Ka kumeno awacu iwu kumae, Gin ceke ma tek wurwo wupenjo pire de, wuyi nia wujologi, e wubibedo kugi.

Luka 13:25

ka won ot uai malu, eciko dhugola de, man wumaku cungo woko, wudwong’o dhugola de, wuwacu kumae, Rwoth, yab iwa; man ebidwoko lembe ebiwacu iwu kumae, Ang’eyo wu ngo kadok ka ma wuai i ie de;

Luka 18:1

Man eyero lembabola igi nia dong’ girwo thiri thiri, cwinygi kud uai;

Yohana 15:16

Wugoyo wia ngo, ento an e m’agoyo wiwu, akethowu de, kara wucidh wuceg nyingwu, nyingwune de dong’: kara gin ma tek wukwayu ba Wego ku nyinga, emi ginde iwu.

Yohana 15:7

Tek wubedo i ia, lem para de bedo i iwu, wupenj gin ma tek wuyenyo, manebitimbre iwu.

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

Jurumi 3:11

Moko mbe m’ung’eyo ng’ec, Moko mbe de m’uyenyo Mungu;

Juebrania 11:6

man ma yioyic umbe nyayu mutoro i ie copre ngo; kum ng’atu m’ubino ba Mungu maku ekoeyi be nia enuti, man e jamic mi ju ma giyenye.

Yakobo 5:15

man rwo ma ku yioyic bikeyo kum ng’atu ma kume lith, e Rwoth biting’e malu; man ke tek edubo lembe moko, jubiweko pire woko ire.

1 Yohana 3:22

man gin ma tek wakwayu wagamu i bang’e, kum waworo cik pare watimo de gin ma nyayu mutoro i wang’e.