Matayo 7:14 - The Holy Bible In Alur (Lur) Revised Orthography

¹⁴ Kum dhugang’ ubedo diny, yo de bedo likili, ma tundo i kwo, ju ma lam de e ma ginwang’e.

Matayo 7:14 ပူးပေါင်းရင်းမြစ်များ

Zaburi 16:11

Ibinyutho ira yo mi kwo: Udul mi mutoro ni i weng’i; Mutoro mi nja ni i cingi ma yor acwic.

Lembrieko 8:20

Awotho i yo mi bedopwe, I die yo mi pokolembe;

Isaya 30:21

e ithi biwinjo lembe yor i ng’ei, m’uwacu kumae, Maeni yo, wuwoth i ie; kinde ma wulokru yo ku cing’ ma yor acwic, man kinde ma wulokru yor acam.

Isaya 35:8

Man gengi bibedo kuca, ku yo, man jubilwong’e kumae, Yo mi leng’cwiny; gin m’ucido bikadhu kud i wie ngo; ento ebibedo ni ju ma juwarugi: juwoth, eyo jukusegu, bikier i ie ngo.

Isaya 57:14

Man ebiwacu kumae, Wubol malu, wubol malu, wuyik yo, wukab gin ma redho jo kud i yo mi dhanu para.

Yeremia 6:16

Yehova wacu kumae, Wucung i yo man wunen, wupenj de pi yo ma con, ma yo ma ber ni i ie; man wuwoth i ie, e wubinwang’u yom ni ng’eyong’ec mu: ento giwacu kumae, Wabiwotho i ie ngo.

Matayo 20:16

Kum ku meno m’udong’ cen gibibedo ma kwong’a, ma kwong’a de bidong’ cen.

Matayo 22:14

Kum julwong’o dhanu dupa, ento dhanu ma nyanok re ma jugoyo nying’gi.

Matayo 7:13

Wumond ku dhugang’ ma diny: kum dhugang’ ubedo lac, yo de bedo her, ma tundo kanyoth, gi dupa de ma gimondo i ie kud i yoje.

Matayo 7:15

Wukuru ni jubila mi ndra, m’ubino i beng’wu ku kendi mi rombe, ento ku yor i igi gin urudi m’uwor.

Marko 8:34

E elwong’o udul dhanu gibin i bang’e ku julubne, man ewacu igi kumae, Tek ng’atu moko yenyo elub ng’eya, wek ekwere gire, eting’ yen m’athara pare, elub ng’eya.

Luka 12:32

Kud wulwor, wun udul ma nyanok; kum enyayu mutoro i Wegwu nimio iwu ker.

Yohana 16:2

Gibiwodhowu woko kud i cokri: eyo, saa bebino, nia ng’atu m’unegowu biwacu nyo ethiero rwo ni Mungu.

Yohana 16:33

Ayero giki maeni iwu, kara wubed ku kwiocwiny ni kuma. Masendi ni i beng’wu i ng’om: ento dong’ cwinywu bed tek; avoyo ng’om.

Tic Mi Jukwenda 14:22

ma gicikuteng’o ko ng’eyong’ec mi julub, gicikujukogi de ya gibed asu i yioyic man nia wakowamondo be ku masendi dupa i ker pa Mungu.

Jurumi 12:2

Man kud wuporu ku ng’om maeni: endre wubed ma kothwu lokre ni kum dwoko pidoiwu nyen, kara wung’ei yeny ma Mungu yenyo m’e ber m’e yire de m’e cu ma ndhu de.

Jurumi 9:32

Pirang’o’ Kum giyenye ku yioyic ungo, endre calu eyenjre ku tic. Gikier kum kidi ma redhojo;