Matayo 7:13 - The Holy Bible In Alur (Lur) Revised Orthography

¹³ Wumond ku dhugang’ ma diny: kum dhugang’ ubedo lac, yo de bedo her, ma tundo kanyoth, gi dupa de ma gimondo i ie kud i yoje.

Matayo 7:13 ပူးပေါင်းရင်းမြစ်များ

Thangambere 6:12

Man Mungu neno ng’om, man, nen, enyothre; kum weg kum ceke ginyotho yo migi wi ng’om.

Thangambere 6:5

E Yehova neno nia dubo mi dhanu e dit i ng’om, man nia porolembe mi pidoic mir adunde kubang’e kubang’e en e rac kende thiri thiri.

Lembrieko 16:25

Yo nuti ma nen atira ni dhanu, Ento kajikne en e yo mi tho.

Lembrieko 7:27

Ot pare ni yo bang’ liel. Ma loro piny ba kusika mi tho.

Lembrieko 9:6

Wuweki, wu ju m’ung’eyo lembe ngo, man wubed kwo; Man wuwoth i yo mi ng’eyothelembe.

Isaya 1:9

Tek Yehova mir udul kuweko iwa nyathi dong’ dhanu moko ngo, kuno di wabedo calu Sodoma, kuno di wabedo calu Gomora.

Isaya 35:8

Man gengi bibedo kuca, ku yo, man jubilwong’e kumae, Yo mi leng’cwiny; gin m’ucido bikadhu kud i wie ngo; ento ebibedo ni ju ma juwarugi: juwoth, eyo jukusegu, bikier i ie ngo.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Matayo 23:13

Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Matayo 25:46

E joni gibicidho migi i masendi ma rondo ku rondo: ento weg bedopwe i kwo ma rondo ku rondo.

Matayo 3:2

Wulok cwinywu; kum ker mi polo ni ceng’ni.

Matayo 3:8

Ka kumeno wuceg nyingwu m’uromo ku lokocwiny:

Matayo 7:14

Kum dhugang’ ubedo diny, yo de bedo likili, ma tundo i kwo, ju ma lam de e ma ginwang’e.

Luka 14:33

Ka kumeno ng’atu ma tek ni i kindwu m’ukuno gin ceke m’ebedo ko ngo, ecopo bedo jalubna ngo.

Luka 9:33

Man etimbre, kinde ma gibeweke, nia Petro wacu ni Yesu kumae, Japonji, e ber iwa kum wanuti keni: dong’ wajiu otbak adek; acel iri, acel ni Musa, acel ke ni Elia: man eng’eyo ngo gin m’eyero.

Yohana 10:9

An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Tic Mi Jukwenda 3:19

Ka kumeno wulok cwinywu, man wulokru kendo, kara dubo mu kabre woko, kara nindo mi yepocwiny uai i vut Rwoth;

Jurumi 9:22

Ang’o tek Mungu, m’eyenyo enyuth kwinyo pare, man eketh tego pare ng eire, eciro ku mwonyolembe hai agulu mi kwinyo ma juyiko ni nyoth ma junyothri ko:

2 Jukorinto 4:4

i joca mungu mi ng’om maeni yutho wang’ pidoic mi ju ma juyic ungo, kara der mi lembanyong’a ma juboth ko mi dwong’ pa Kristu, ma en e ayi Mungu kud uler igi.

2 Jukorinto 6:17

Kum kumeno Wuai woko kud i kindgi, man wubed tung’, Rwoth uwacu, Man kud wuraul gin m’ucido; E abijolowu.

Jugalatia 5:24

Man ju ma gi pa Kristu Yesu giguro kum kud avane man awanya ma racne de kor yen m’athara.

Jufilipi 3:19

ma kajik migi en e nyoth, usauigi e ma mungu migi, man kulula migi ni i lewic migi, ma giketho migi pidoigi kum gin m’i ng’om.

1 Yohana 5:19

Wang’eyo nia wa pa Mungu, man ng’om ngung’ de vuto i ng’atu ma rac.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 20:3

gibole de i longro ma there mbe, e giciko dhoge, man gimwono ayi i wie, kara kud ebomb thek kendo, cil ma rundi rubanga thum ko: yo ng’ei maeni jubikogonye be mi nindo ma nyanok.