Matayo 7:11 - The Holy Bible In Alur (Lur) Revised Orthography

¹¹ Ka kumeno tek wun, ma wu rac, wung’eyo mio giramia ma ber ni nyithindho mu, Wegwu ma ni i polo bimio gin ma ber ma sagu ngo ni ju m’ukwaye?

Matayo 7:11 ပူးပေါင်းရင်းမြစ်များ

Thangambere 6:5

E Yehova neno nia dubo mi dhanu e dit i ng’om, man nia porolembe mi pidoic mir adunde kubang’e kubang’e en e rac kende thiri thiri.

Thangambere 8:21

Man Yehova ng’wio ng’wic mido ma ng’ar; man Yehova wacu i adundene kumae, Abilamu ng’om kendo ngo ni kum dhanu, kum lembapora mi pidoic mir adunde dhanu en e rac ugambre kum aradu pare; kadi abigoyo gin ceke ma kwo kubang’e kubang’e kendo ngo, calu atimo.

2 Samwil 7:19

Man maeni fodi en e gin ma nok i weng’i, E Rwoth Yehova; ento iyero bende pi ot pa jatic peri pi nindo ma dit ma bibino; man maeni en e calku kura dhanu, E Rwoth Yehova!

Kitabu Pa Yob 15:16

E ka ng’atu ma judagu m’unyothre ke bibedo nenedi, Dhanu ma madhu kier calu pi!

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Zaburi 85:12

Eyo, Yehova bimio gin ma ber; Man ng’om mwa bicego nyaine.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Isaya 49:15

Wi dhaku copo wil kum nyat’nin pare ma dhothi, ma nia ngisi nege ngo kum nyathin m’i ie? eyo, wi maeni copo wil, ento wia btoril piri ngo,

Isaya 63:7

Abiweco pi mer mi bero pa Yehova ku pak pa Yehova, calku gin ceke ma Yehova mio iwa, man bero ma dit yo ba ot mir Israel, m’emio igi calku kisa pare, man calkud udul mer mi bero pare.

Yeremia 17:9

Adunde en e jabombi ma sagu gin ceke, man enyothre apila: ng’a ma copo ng’eye?

Yeremia 33:14

Nen, ceng’ ubino, Yehova wacu, nia abitimo lembe ma ber maeni m’ayero pi ot mir Israel man pi ot mi Yuda.

Hoseya 14:2

Wugam lembe wucidh kudo, man wudwog ba Yehova: wuwac ire kumae, Kab kier ceke woko, man ijol gin ma ber: e wabithiero lam mi dendhogwa calu lam mi thwoni dhiang’.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Malaki 1:6

Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Matayo 23:9

Man kud wulwong’ ng’atu moko ya wegwu i ng’om: kum ng’atu acel e ma Wegwu, en e ng’atu ma ni i polo.

Matayo 7:10

kadi tek ekwaye ku rec, ebimio ire thwoli?

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Jurumi 3:19

Nie wang’eyo nia gin ma tek cik uyero eyero ni ju ma gini the cik; kara dhok ceke kubang’gi kubang’gi bed amia, man ng’om ceke de jukel i lembapoka pa Mungu:

Jurumi 3:9

Ka ke ang’o? ber mwa sagu ber migi? Ungo, ki ngo: kum walar waporo nia Juyahudi giku Juyunani de, gin ceke gini the dubo:

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

Jugalatia 3:22

Ento lembagora pa Mungu ciko ba gin ceke the dubo, kara lembang’ola mi yioyic i Yesu Kristu umire ni ju m’uyio.

Yakobo 1:17

Giramia ceke ma ber kubang’gi kubang’gi man giramia ceke ma ndhu cu kubang’gi kubang’gi, uai malu, uloro piny ku ba Wego mi der, ma lokri rr umbe kude, kadok tipopiny ma podho kum lokri rr.

1 Yohana 3:1

Wunen maram mer ma Wego maru kowa bedo ko m’emio iwa, ketho julwong’owa nyithindho pa Mungu; wabedo kumeno de. Kum lembe nini ng’om ung’eyowa ngo, kum eng’eye ngo.

1 Yohana 4:10

I maeni mer ungo, nia wamaru Mungu, ento nia emaruwa, eoro wode de bed ni lam mi dubo mwa.