Matayo 6:9 - The Holy Bible In Alur (Lur) Revised Orthography

⁹ Ka kumeno wurwo kumae, Wegwa ma ni i polo, Nyingi bed leng’.

Matayo 6:9 ပူးပေါင်းရင်းမြစ်များ

2 Samwil 7:26

Man dong’ judwok nyingi dwong’ mi nja, juwae kumae, Yehova mir udul en e Mungu mir Israel; man ot pa Daudi ma jatic peri jubiketho ecungo i weng’i.

1 Ubimo 8:43

iwinj kud i polo ma kabedo peri, man itim calku gin ceke ma welo lwong’i pire; kara dhanu ceke m’i ng’om ging’ei nyingi, kara gilwori, calu dhanu peri Israel, man kara ging’ei nia ot maeni m’agomo ulwongre ku nyingi.

I Lemkei 17:24

Man wek nyingi cungi man ebed dwong’ mi nja, m’iwacu ko kumae, Yehova mir udul en e Mungu mir Israel, en e Mungu ni Israel: man ot pa Daudi ma jatic peri ucungo i weng’i.

2 Lemkei 20:6

man ewacu kumae, E Yehova, Mungu pa kwaruwa, in i Mungu m’i polo ngo? man in i jabim wi ker ceke mi thek ungo? man tego ku tek de ni i cingi, ketho nia ng’atu moko mbe ma copo goyo kore i weng’i.

Nehemia 9:5

Julawi, en e Yecuwa, man Kadmiel, ku Bani, man Hacabneya, ku Kerebia, man Hodia, ku Cebania, man Pethahia, gilund giwacu kumae, Wucungi man wumi mugisa ni Yehova Mungu mu m’ugambre nja cil nja; e mugisa bed kum nyingi mi dwong’, m’edodre malu wi mugisa ku pak ceke.

Zaburi 111:9

Eoro war ba dhanu pare; Eng’olo lembariba pare mi nja: Nyinge leng’ man mi yung.

Zaburi 115:3

Ento Mungu mwa ni i polo: Etimo gin ma nyayu mutoro i ie.

Zaburi 72:18

Mugisa ni Yehova Mungu, Mungu mir Israel, M’e kende m’etimo gin ma wang’uijo;

Isaya 37:20

Ka kumeno kawono, E Yehova Mungu mwa, larwa ni cinge, kara thek ceke m’i ng’om ung’ei nia in i Yehova, ndhu in i kendi.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 6:3

Man acel ulwong’o ba wadi, man ewacu kumae, Yehova mir udul leng’, leng’, leng’: ng’om ngung’ upong’ ku dwong’ pare.

Isaya 63:16

Kum in i Wegwa, kadok Ibrahim ung’eyowa ngo, man Israel uyiowa ngo: in, E Yehova, in i Wegwa, Jawar mwa m’ugambre con en e nyingi.

Isaya 64:8

Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

Isaya 66:1

Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Ezekiel 36:23

Man abidwoko nyinga ma dwong’ leng’, m’ucidre i kind thek, ma wucido i kindgi; e thek bing’eyo nia an a Yehova, Rwoth Yehova wacu, kinde m’adwokra leng’ ni kumwu i wang’gi.

Ezekiel 38:23

Man abiyungra gira, man abidwokra gira leng’ e abiketho ang’eira i wang’ thek dupa; e gibing’eyo nia an a Yehova.

Lembe Mi Julawi 10:3

E Musa wacu ni Harun kumae, Maeni en e lembe ma Yehova yero, uwacu kumae, Abibedo leng’ ni kum ju m’ucoro ceng’ni an, man abinwang’u dwong’ i wang’ dhanu ceke. E Harun ubedo ling’.

Habakuk 2:14

Kum ng’om bipong’ ku ng’eyong’ec mi dwong’ pa Yehova, calu pi umo nam.

Zekaria 14:9

Man Yehova bibedo Ubimo wi ng’om yu: i ceng’ maeca Yehova bibedo acel, nyinge de acel.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 10:29

Kira ario juloko ku sente ngo? man acel m’i kindgi mbe ma bipodho i ng’om ma Wego mbe:

Matayo 23:9

Man kud wulwong’ ng’atu moko ya wegwu i ng’om: kum ng’atu acel e ma Wegwu, en e ng’atu ma ni i polo.

Matayo 26:29

Ento awacu iwu kumae, Ugambre kawono abimadhu kum nying ulok maeni ngo, cil i ceng’ maeno kan amadhe m’e nyen i ker pa Vwa karacelo kudu.

Matayo 26:42

Ecidho cen kendo mir arionde, erwo de, ewacu kumae, Vwa tek maeni copo kadhu woko ngo, tek amadhe ngo, dong’ etimbre kacwinyi.

Matayo 5:16

Cil kumeno wek der mu urieny i wang’ dhanu; kara ginen tic mu ma ber, giyung Wegwu de ma ni i polo.

Matayo 5:48

Ka kumeno wubed ndhu cu, calu Wegwu ma ni i polo bedo ndhu cu.

Matayo 6:14

Kum tek wuweko kier mi dhanu, Wegwu ma ni i polo biweko mu bende.

Matayo 6:6

Ento in, kan irwo, mond i kusika peri, e kan iciko dhugola i wii, irwo ni Wuru ma eni i ka ma nyalwe, Wuru de m’uneno ku ka ma nyalwe ebimio sukulia iri.

Matayo 7:11

Ka kumeno tek wun, ma wu rac, wung’eyo mio giramia ma ber ni nyithindho mu, Wegwu ma ni i polo bimio gin ma ber ma sagu ngo ni ju m’ukwaye?

Luka 15:18

Abiai abicidho ba vwa, abiwacu ire kumae, Vwa, adubo ni polo man i weng’i de;

Luka 15:21

Wode wacu ire kumae, Vwa, adubo ni polo, kud i weng’i de: aromo ngo kendo ya julwong’a wodi.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Yohana 20:17

Yesu wacu ire kumae, Kud imul kuma; kum fodi aidho ba Wego ngo; ento ci ba utumira, man iwac igi nia abecidho ba Vwa ba Wegwu de, ba Mungu para man Mungu mu.

Jurumi 1:7

ni dhanu ceke ma gini i Rumi, ma jumer pa Mungu, ma julwong’ogi gibed jumaleng’: Bero iwu man kwiocwiny m’uai ba Mungu Wegwa man Rwoth Yesu Kristu.

Jurumi 8:15

Kum wujolo tipo mi ng’eca kendo ngo ni lworo, ento wujolo tipo mi dwok ma judwoko kowu ni nyithindho, ma walwong’o ko kumae, Abba, Vwa.

Jugalatia 1:1

Paolo, jakwenda (ma dhanu ketho re Jngo, kadi ni kum dhanu de ngo, ento ni kum Yesu Kristu, man Mungu ma Wego, m’uting’e kud i kind ju m’utho),

Jugalatia 4:6

Man kum wubedo wote, Mungu oro Tipo pa Wode i adundewa, m’uywak kumae, Abba, Vwa.

1 Timoteo 6:16

m’e won kwo ma rondo ku rondo, m’ebedo i der ma jukucoptundo i vute ngo; ma ng’atu moko foduneno ngo, kadi m’ecopo nendre de ngo: yung ubed ire ku tego rondo ku rondo. Amen.

1 Petro 1:17

Man tek wulwong’e calu en e Wego, m’epoko lembe mi dhanu ng’atuman calku tic pare ma dhanu bedo ko tung’ tung’ ungo i wang’e, e wubed ku lworo i nindo mi bedo mu:

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.