Matayo 6:2 - The Holy Bible In Alur (Lur) Revised Orthography

² Ka kumeno kinde m’imio giramia kud ikudh agwara i weng’i, calu weg ambili timo i kacokri kud i gengi de, kara ginwang’ dwong’ ba dhanu. Awacu iwu andha kumae, Gidaru maku sukulia migi.

Matayo 6:2 ပူးပေါင်းရင်းမြစ်များ

Zaburi 112:9

Elalu, emio ni jucanpiny; Bedopwe pare bedo mi nja: Jubidodo tunge ku yung.

Zaburi 37:21

Judubo gamu banja, man e Culo ngo; Ento won bedopwe timo ku bero, man emio.

Lembrieko 19:17

Ng’atu ma ngisi nege kum jacan mio banja ni Yehova, Man ebidwoko wang’ tic ma ber pare ire kendo.

Lembrieko 20:6

Dhanu ma dit ceke ng’atuman biyero pi bedober pare gire; Ento ng’a ma copo nwang’u won bedo mandha?

Eklizia 11:2

Pok makapiny wang’ abiro, eyo, kadok abora; kum ing’eyo ngo gin ma rac ma biwok i ng’om.

Isaya 10:6

Abiore kum thek m’ucido, man abimio ire ng’ol kum dhanu mi kwinyo para, kara emak ayeki, man emak amaci, man kara enyongi piny calu unzabu m’i gengi.

Isaya 58:7

En e nia jupok kwen peri ni ju ma kec unegogi ngo, man nia ikel jucan ma jubayu i ot peri? kinde m’ineno ng’atu ma muneru, ya iume; man nia kud ipond ni juot peri ma dhe?

Isaya 9:17

Ka kumeno anyong’a binego Rwoth ungo kum awobi migi, kadok ngisi de binege ngo kum tic migi ku mon ma coggi tho; kum kubang’gi ceke ng’atuman en e ng’atu m’ucido man jatim rac, man ku ba dhok ceke weco lem ma kite mbe. Kadok maeni ceke timbre de ng’ecwiny pare lokre woko ngo, ento cinge rieire asu.

Hoseya 8:1

Keth agwara i dhogi. Calu acur ebino kum ot pa Yehova, kum gituro lembariba para, man gidubo kum cik para.

Matayo 15:7

Wu weg ambili, yang’ Isaya ewo piwu dre, m’ewacu ko kumae,

Matayo 16:3

Kugweno ke wuwacu kumae, Piny bibedo rac tinuni kum polo bogre piny de mino. Wung’eyo ng’io wang’ polo; ento wucopo ng’io giranyutha mi nindo ngo.

Matayo 22:18

Ento Yesu ng’eyo dubo migi, man ewacu kumae, Nedi wumulo ia, wu weg ambili?

Matayo 23:5

Ento tic migi ceke gitimo kara dhanu ginen: kum giketho ngisa migi mi lem pa Mungu udok lac, man gikoko dhu kendi migi de,

Matayo 23:6

gimaru ka m’usagu de i agba, ku kom m’usagu i kacokri,

Matayo 24:51

man ebifode dit, ebiketho maka pare karacelo ku weg ambili: ywak ku kayu lak de bibedo nuti.

Matayo 5:18

Kum awacu iwu andha kumae, Cil ma polo ku ng’om ukadhu woko, nyiguta acel kadi ng’et nyiguta acel de bikadhu woko ki ngo kud i cik, ma fodi gin ceke kutimbre kakare ngo.

Matayo 6:16

Mange ke ka wuweko cam, kud wubed, calu dhanu ma weg ambili, ku weng’wu mi can: kum giranju wang’gi, kara dhanu ginen nia giweko cam. Andha awacu iwu kumae, Gidaru maku sukulia migi.

Matayo 6:3

Ento kan imio giramia, kud iwek cingi ma yor acam ung’ei gin ma cingi ma yor acwic ubetimo:

Matayo 6:5

Man ka wurwo kud wubed calu weg ambili: kum gimaru rwo ma gicungo ko i kacokri ku i akarayo de, kara dhanu nengi. Awacu iwu andha kumae, Gidaru maku sukulia migi.

Matayo 7:5

In i won ambili, ilar ikab riu kud i weng’i in; e ibilund neno cu nikabu ng’iline kud i wang’ umeru.

Marko 12:39

ku bedo wi kom ma sagu wadi i kacokri, ku ka ma sagu wagi i agba:

Marko 7:6

Ewacu igi kumae, Isaya yang’ uewo piwu dre wu weg ambili, calu jugoro kumae, Dhanu maeni giyunga ku dendhoggi, Ento adundegi bor kuda.

Luka 11:41

Ento wumi gin ma ni i iwu ni giramia; e ka gin ceke bibedo leng’ iwu.

Luka 11:43

Can i wiwu Jufarisayo! kum wumaru kom ma sagu ceke i kacokri, ku moth de i katali.

Luka 12:33

Wulok piny ma wubedo ko, man wumi giramia ni jucan; wukwoi gbethe ma biti ngo iwu giwu, piny m’akana ma thum ungo i polo, ka ma jakwo tundo ceng’ni i ie ngo, kadok ukoko de nyotho ngo i ie.

Luka 12:56

Wu weg ambili, wung’eyo maram wung’io ko wang’ ng’om ku polo; ento nedi wung’eyo ngo maram wung’i ko nindo maeni?

Luka 13:15

Ento Rwoth uloko lembe ewacu ire kumae, Wu weg ambili, wun kubeng’wu kubeng’wu ng’atuman gonyo dhiang’ pare kadi kana pare kud i dwol, epeye ba pi de ngo?

Luka 20:46

Wukuru giwu ni jugorcik, ma gimaru woth ma ku kendi ma lor lor, man gimaru moth de i katali, ku bedo ma i ka m’usagu i kacokri, ku bedo ma i ka m’usagu i agba;

Luka 6:24

Ento can i wiwu wu ju ma wulony! kum wumaku juk mu.

Luka 6:42

Kadi icopo wacu ni umeru nenedi kumae, Umira, wek akab ng’ili ma ni i weng’i, kan ineno riu ma ni i weng’i in ungo? I won ambili, ilar iwodh riu kud i weng’i in, kan ibilund neno cu m’ikabu ko ng’ili kud i wang’ umeru.

Yohana 13:29

Kum jumoko wacu nyo, kum usau ni ba Yuda, Yesu wacu ire kumae, Ng’ieu gin ma cande ni kumwa mir agba; kadi nia emi gin moko ni jucan.

Yohana 5:41

Agamu dwong’ ungo ba dhanu.

Yohana 5:44

Wucopo yio nenedi ma wujolo dwong’ ng’atuman ba wadi man ba wadi, man wuyenyo dwong’ ungo m’uai ba Mungu m’e kende?

Yohana 7:18

Ng’atu m’uyero lembe m’uai i bang’e gire eyenyo dwong’ ire gire: ento ng’atu m’uyenyo dwong’ pa ng’atu m’uore, ng’atuno en e andha, gondri de moko mbe i ie.

Tic Mi Jukwenda 10:2

en e jabero, en e ng’atu ma lworo Mungu de ku juode ceke, m’ebedemio giramia dit ni dhanu, ebederwo ni Mungu de thiri thiri.

Tic Mi Jukwenda 10:31

man ewacu kumae, Kornelio, rwo peri winjre giramia peri de gibedo ni poi i wang’ Mungu.

Tic Mi Jukwenda 10:4

En de, kan enene tel, e lworo make, ewacu kumae, Girang’o, Rwoth? Man ewacu ire kumae, Rwo peri ku giramia peri giidho malu gibedo ni poi i wang’ Mungu.

Tic Mi Jukwenda 11:29

E julub kubang’gi ceke gikeco ya gior piny ma kakorgi bang’ umego ma gini i Yahudi

Tic Mi Jukwenda 24:17

Nie ka rundi moko kadhu abino nikelo giramia ba thek mwa, kud ajok bende:

Tic Mi Jukwenda 9:36

Nwang’u jalub acel ma nyinge Tabitha, ma ka juloke edoko Dorka, eni i Yopa: dhaku maeni pong’ ku tic ma ber ku tic ma ni jucan m’etimo bende.

Jurumi 12:8

kadi ng’atu m’ujuko juk de ni jukojuk pare: ng’atu m’umio de, dong’ etime k’abamba; ng’atu m’ubimo bim de, ebim kud amora; ng’atu ma kisa nege de, enege k’anyong’a.

1 Jukorinto 13:3

Man tek awodho piny para ceke ya atung ko jucan, man tek amio kuma juwang’ awang’a, ento mer umbe kuda, meca eloko ira gin moko ngo.

Jugalatia 2:10

mae kende ma giyenyo nia wapoi kum jucan; e eni ma an bende ayenyo dit atim.

Juefeso 4:28

Dong’ ng’atu ma kwalu kud ekwai kendo: ento ma sagu dong’ etim tic, m’etimo ku cinge gin maeno ma dre, kara ebed ku gin m’emi ni ng’atu ma canpiny ni i kume.

1 Jutesaloniki 2:6

kadi wabeyenyo dwong’ mi dhanu de ngo, kadok m’uai i beng’wu kadi ba jumange de, nwang’u wacopo wacu y a wa weg ng’ol calu jukwenda pa Kristu.

1 Timoteo 6:18

kara gitim ber, kara gilony i tic ma ber, kara gibed ayika mi miomic, gibed jungisi de;

Filemon 1:7

Kum mutoro nega dit ku jukojuk de i mer peri, kum adunde jumaleng’ uyepo ni kumi, umira.

Juebrania 13:16

Ento wiwu kud uwil kum timo ber ku ribri de: kum lam ma kumeni nyayu mutoro i Mungu.

1 Petro 4:11

tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

1 Samwil 15:30

Elund ewacu kumae, Adubo: ento mi ira yung kawono, akwei, iwang’ judongo mi dhanu para, man i wang’ Israel, man ilokri kendo i bang’a, kara arwo ni Yehova Mungu peri.