Matayo 5:5 - The Holy Bible In Alur (Lur) Revised Orthography

⁵ Mugisa ni ju m’ubedo mol: kum ng’om bidoko aba migi.

Matayo 5:5 ပူးပေါင်းရင်းမြစ်များ

Zaburi 147:6

Yehova jengo ju ma mol Ejwigo jadubo piny i ng’om.

Zaburi 149:4

Kum anyong’a nego Yehova kum dhanu pare: Ebiruko ju ma mol ku both.

Zaburi 22:26

Ju ma mol gibicamu man gibiyeng’; Gibipaku Yehova gi ju ma giyenye: Wek adundeni bed kwo mi nja.

Zaburi 25:13

Ng’eyong’ec pare bibedo yo; Man ng’om bibedo ni aba ni nyikwaye.

Zaburi 25:9

Ebitelo wi ju ma mol i pokolembe; Man ebiponjo ju ma mol ku yo pare.

Zaburi 37:11

Ento ju ma mol gibicamu ng’om ni aba, Man gibinyayu mutoro i igi gigi kum dit mi kwiocwiny.

Zaburi 37:22

Kum wadi ju m’emio mugisa igi gibicamu ng’om ni aba; Man ju m’ekwong’ogi jubikabugi woko.

Zaburi 37:29

Won bedopwe bicamu ng’om ni aba, Man ebibedo i ie mi nja.

Zaburi 37:34

Kur Yehova, man imok kum yo pare; Man ebiyungi kara icam ng’om ni aba: Kinde ma jukabu judubo, ibineno maeni.

Zaburi 37:9

Kum jubikabu jutim rac woko; Ento ju m’ukuro Yehova, gibicamu ng’om ni aba.

Zaburi 69:32

Ju ma mol gineno maeni, man anyong’a negogi: Wun ma wuyenyo Mungu, wek adundewu bed kwo.

Isaya 11:4

ento ebipoko lembe mi jucan ku bedopwe, man ebijuko ju ma mol m’i ng’om de ku bedopwe; e ebigoyo ng’om ku dul mi dhoge; man ebinego judubo ku yuyo mi dendhoge.

Isaya 29:19

Ju ma mol bende binyayu mutoro migi i Yehova, man anyong’a binego jucan ma kind dhanu ni kum Ng’atu Maleng’ mir Israel.

Isaya 60:21

Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Zefania 2:3

Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Kitabu Mir Ang’wende Pa Musa Wel 12:3

Nie ng’atu ma Musa e mol dit, ma sagu dhanu ceke ma gini i wang’ ng’om.

Matayo 11:29

Wuting’ mberembere para i wiwu, wumak ponji de i bang’a; kum an a ming’ a mol de i adunde: e wubinwang’u yom i ng’eyong’ec mu.

Matayo 21:5

Wuyer ni Nyasayuni Nen, Ubimo peri bebino i beng’i, Emol ebewotho de ku wi kana, Wi nyathi kana ma thwone.

Jurumi 4:13

Kum lembang’ola mire ni Ibrahim ku nyikwaye de ni kum cik ungo nia ebed jacampacu m’i ng’om, endre ni kum bedopwe mi yioyic.

Jugalatia 5:23

ko molcwiny, ku kwerigyo, cik umbe kum wagi gin maeni.

Juefeso 4:2

ku ming’o ceke ku molcwiny, ku mwonyo lembe hai, ku reyo lembe the tielo i mer ma ng’atuman reyo lembe ma kum wadi man kum wadi;

Jukolosai 3:12

Ka kumeno wurony, calu dhanu ma Mungu goyo wigi, ma leng’ man jumer de, adunde mi ngisi, ku bedo ber ku dhanu, ku ming’o, ku molcwiny, ku mwonyo lembe hai;

1 Timoteo 6:11

Ento in re, in i dhanu pa Mungu, ring gini; man ilub peri tok bedopwe, ku bedo ma ayi Mungu ni kume, ku yioyic, ku mer, ku twiocwiny, ku molcwiny.

2 Timoteo 2:25

ku ponjo ju ma piwu nge kugi ku molcwiny; kuno nyo Mungu bimio igi lokocwiny cil ku ng’eyong’ec mi lemandha,

Tito 3:2

nia ku giyer lembacidi kum ng’atu moko, ku gibed ku piem, gibed yo, ma ginyuth ko molcwiny ceke ni dhanu ceke.

Yakobo 1:21

Kum kumeno wucor lemsasa ceke cen ku dubo m’udhir, man wujol lembe ma jupidho i iwu ku molcwinywu, ma copo bodho ng’eyong’ec mu.

Yakobo 3:13

Ng’a ma riu i kindwu m’ung’eyo lembe? wek enyuth tic pare ku kwo pare ma ber ku molcwiny mi rieko.

1 Petro 3:15

ento wudwok Kristu leng’ yo i adundewu calu Rwoth: ma wubedo ko ayika thiri thiri ma wudwok ko lembe ni dhanu ceke kubang’gi kubang’gi ma gipenjowu ku thelembe mi genogen ma ni i iwu, ento ku molcwiny man lworo:

1 Petro 3:4

endre dong’ ebed ng’atu m’ukandre mir adunde, i kendi ma nyothre ngo mi cwiny ma mol ku ma yo de, ma wel pinje dit i wang’ Mungu.