Matayo 5:4 - The Holy Bible In Alur (Lur) Revised Orthography

⁴ Mugisa ni ju ma can unegogi: kum gibijukri.

Matayo 5:4 ပူးပေါင်းရင်းမြစ်များ

Isaya 12:1

Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

Isaya 25:8

Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

Isaya 30:19

Kum dhanu bibedo i Sayuni i Yerusalem; ibiywak kendo ngo; ebinyutho bero iri andha kan iywak i bang’e; kinde m’ebiwinjo, ebiloko iri lembe.

Isaya 35:10

e ju ma juwaru pa Yehova bidwogo, man gibibino ku wer ba Sayuni; man mutoro mi nja bibedo i wigi: e gibinwang’u mutoro kud anyong’a, e can ku gamucwiny bipiei woko.

Isaya 57:18

Aneno yo pare, man abicange: abitelo wie bende, man abidwoko jamjuk ire man ni juywak pare.

Isaya 66:10

Anyong’a negwu karacelo ku Yerusalem, man anyong’a negwu pire, wun ceke ma wumare: anyong’a negwu ku mutoro karacelo kude, wun ceke ma wuywage;

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Ezekiel 7:16

Ento ju m’i kindgi m’uboth gibiboth, man gibibedo wi gudi calu akuru m’i poga, kagi ceke ma gicur acura, kubang’gi kubang’gi ng’atuman i kier pare.

Ezekiel 9:4

Man Yehova wacu ire kumae, Kadh ku kind adhura, kud i kind Yerusalem, man iketh ayi wi ter nyim dhanu m’ugamu cwinygi man ma giywak kum ginmajudagu ceke m’utimbre i kinde.

Zekaria 12:10

Man abikonjo tipo mi bero ku kwac wi ot pa Daudi, man wi ju m’ubedo i Yerusalem; man gibineno i bang’a ma gicobo; e gibiywak pire, calu ng’atu ma ywak pi wode ma kulong’, man can binegogi pire, calu ng’atu ma can nego pi kayu pare.

Luka 16:25

Ento Ibrahim wacu kumae, Woda, poi nia i rundi m’ibedo ie kwo inwang’u gin peri ma ber, Lazaro de kumeno enwang’u gin ma rac: ento kawono ejukre keni, in ke ini i ndiba.

Luka 6:21

Mugisa iwu wu ju ma kec unegowu kawono: kum wubiyeng’. Mugisa iwu wu ju m’uywak kawono: kum wubing’iero.

Luka 6:25

Can i wiwu, wun ma wuyeng’ kawono! kum kec binegowu. Can i wiwu, wun ma wung’iero kawono! kum can binegowu man wubiywak.

Luka 7:38

ecungo ko yor i ng’eye ba tiende, ku ywak, man emaku cwiro piwang’e wi tiende, eyweyogi de ku yukwie, man ecwio tiende, ewirogi de ku mo.

Luka 7:50

Ewacu ni i dhaku kumae, Yioyic peri e m’ubodhi; cidh ma cwinyi kwio.

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Lembanyutha 21:4

man ebiyweyo piwang’ pet kud i wang’gi; man tho bibedo nuti i kendo ngo; kadok can, kadi ywak, kadok remokum de bibedo nuti kendo ngo: gin i ma kwong’a daru kadhu.