Matayo 5:34 - The Holy Bible In Alur (Lur) Revised Orthography

³⁴ ento awacu iwu kumae, Kud ikwong’ kwong’ ki; kadi ku polo, kum en e komker pa Mungu;

Matayo 5:34 ပူးပေါင်းရင်းမြစ်များ

Zaburi 11:4

Yehova ni i hekalu pare ma leng’; Yehova, komker pare ni i polo; Wang’e neno, biendwang’e mulo, nyithindho mi dhanu.

Eklizia 9:2

Gin ceke wok kum dhanu ceke cal acel: lembe acel wok kum ng’atu ma pwe man kum jadubo; kum ng’atu ma ber man kum ng’atu ma leng’ man kum ng’atu m’ucido: ni ng’atu ma thiero lam man kum ng’atu ma thiero lam ungo; calu ng’atu ma ber bedo, e jadubo bedo kumeca; man ng’atu ma kwong’o kwong’, calu ng’atu ma lworo kwong’.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 66:1

Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Tic Mi Jukwenda 7:49

Polo en e komker para, Ng’om ke kom mi tienda: Ot manedi ma wubigomo ira? Rwoth uwacu: Kadi kani ma kayom para?

Yakobo 5:12

Ento ma sagu wi gin ceke, juwada, kud wukwong’ kwong’, kadi ku polo, kadok ku ng’om, kadok ku kwong’ mange de: endre wuwek eyo mu bed ndhu ni eyo, man ungo mu de ubed ndhu ni ungo; kara pokolembe kud upodh i wiwu.