Matayo 5:3 - The Holy Bible In Alur (Lur) Revised Orthography

³ Mugisa ni jucan mi tipo: kum ker m’i polo en e migi.

Matayo 5:3 ပူးပေါင်းရင်းမြစ်များ

2 Lemkei 33:12

E kinde m’eni i can, ekwayu Yehova Mungu pare, man ejwigre gire dit i wang’ Mungu pa kwaru pare.

2 Lemkei 33:19

Rwo pare bende, man maram Mungu yio ko ire, ku dubo pare ceke man kier pare, man ka m’egomo ie ka ma malu, m’eketho ko mungu m’araga kud ayi gin m’apaya, ma fok ejwigre gire ngo, nen, gigore i lemkei pa Hozai.

2 Lemkei 33:23

Man ejwigre gire ngo i wang’ Yehova, calu Manase ma won ujwigre gire; ento Amon maeni ucikusagu asaga ku dubo.

2 Lemkei 34:27

kum adundeni bedo yom, man ijwigri giri i wang’ Mungu, kinde m’iwinjo lembe pare ma kum ka maeni, man kum dhanu m’ubedo kakeni, man ijwigri giri i wang’a, iyeco kendi peri de, man iywak i wang’a; an bende awinji, Yehova wacu.

2 Lemkei 7:14

tek dhanu para, m’ulwongre ku nyinga, bijwigri gigi, man gibirwo, gibiyenyo wang’a de, man gibilokri kud i yo migi mi dubo; abilund winjo kud i polo, man abiweko dubo migi woko, e abicangu ng’om migi.

Kitabu Pa Yob 42:6

Kum kumeno adagra gira, Man aloko cwinya i utur man vuru.

Zaburi 1:1

Mugisa ni ng’atu m’uwotho ngo i lembapora mi judubo, Kadi m’ucungo ngo i yo mi judubo, Kadi m’ubedo ngo wi kom mi jucac:

Zaburi 112:1

Wufoi Yehova. Mugisa ni ng’atu m’ulworo Yehova, Ma anyong’a nege dit kum lembang’ola pare.

Zaburi 128:1

Mugisa ni ju ma lworo Yehova kubang’gi kubang’gi, Ma wotho i yo pare.

Zaburi 146:5

Ng’atu m’ubedo ku Mungu pa Yakobo ni kony pare en e jamutoro, Ma genogen pare ni i Yehova Mungu pare:

Zaburi 2:12

Wucwi limb wod, ng’ecwiny umaru nege, man wunyothru i yo, Kum kwinyo pare dhingo opo. Mugisa ni dhanu ceke m’upondo i bang’e.

Zaburi 34:18

Yehova ni ceng’ni ju ma adundegi tur, Man ebodho wagi ju ma cwinygi dieng’ kum dubo migi.

Zaburi 41:1

Mugisa ni ng’atu m’upido pi jacan: Yehova bibodhe i ceng’ ma rac.

Zaburi 51:17

Lam pa Mungu en e cwiny m’utur: Adunde m’utur m’udieng’ kum dubo, E Mungu, ibicayu ngo.

Zaburi 84:12

E Yehova mir udul, Mugisa ni ng’atu m’ugeni.

Lembrieko 16:19

Bedo ku cwiny ma mol karacelo ku jucan e ber, Sagu poko ayeki ku jukuhaya.

Lembrieko 29:23

Kuhaya mi dhanu bijwige; Ento ng’atu ma cwinye mol binwang’u yung.

Lembrieko 8:32

Ka kumeno kawono, wota, wuwinja; Kum ju m’uworo yo para gi jumugisa,

Isaya 30:18

E ka kumeno Yehova bikuro, kara ebed ku bero i kumi; e ka kumeno ebidodre, kara kisa nege i kumi: kum Yehova en e Mungu mi pokolembe; mugisa kwany dhanu ceke m’ukure.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Mika 6:8

Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

Matayo 11:25

I nindo maeno Yesu loko lembe ewacu kumae, Afoi, E Vwa, Rwoth m’i polo ku ng’om, nia ipanu gin maeni ni jurieko ku jung’eilembe bende, inyuthogi de ni mukere:

Matayo 11:6

Man ng’atu ma tek binwang’u gin moko mbe i ia m’uketho ekier, mugisa ire.

Matayo 13:16

Ento mugisa ni weng’wu, kum gineno; ni ithwu de, kum giwinjo.

Matayo 19:14

Ento Yesu wacu kumae, Wuwek nyithindho ma thindho, kud wukwergi, ku bino i bang’a: kum ker m’i polo en e mi ju ma wagi kumeno.

Matayo 24:46

Mugisa ni jamiru maeno, ma rwoth pare kan ebino binwang’u ebetimo kumeca.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 3:2

Wulok cwinywu; kum ker mi polo ni ceng’ni.

Matayo 8:11

Man awacu iwu, nia dupa biai yo nyangu ku yo reto bende, man gibibedo piny gikud Ibrahimgi, man Isak, ku Yakobo, i ker m’i polo:

Marko 10:14

Ento ka Yesu neno maeni, lembene ton i ie, ewacu igi kumae, Wuwek nyithindho ma thindho gibin i bang’a; kud wukwergi: kum ker pa Mungu en e mi wagi joni.

Luka 11:28

Ento ewacu kumae, Ma sagu, mugisa ni ju m’uwinjo lem pa Mungu, m’uwore de.

Luka 18:14

Awacu iwu kumae, Ng’atu maeni loro piny i ot pare ma lembe m’i wie gonjre ma sagu pa jalwadi: kum ku ba dhanu ceke m’uyungre gire jubijwige; ento ng’atu m’ujwigre gire jubiyunge.

Luka 22:29

man ang’olo iwu ker, cil calu Vwa ng’olo ira,

Luka 22:30

kara wucam wumadh de dhu mesa para i ker para; man wubijany wi komker ku poko lembe wi suru apar wi ario mir Israel.

Luka 4:18

Tipo pa Rwoth ni i wia, Kum ewira kara ayer lembanyong’a ni jucan: Eora niyero pi gony ni ju ma juyakugi, Man pi dwoko nenopiny ni abinga, Nigonyo ju ma kumgi dhuth,

Yohana 20:29

Yesu wacu ire kumae, Kum idaru nena, iyio: mugisa ni ju ma gineno ngo, ento giyio.

Poi Mi Cik 8:2

Man ipoi kum yo ceke ma Yehova Mungu peri telo ie wii rundi pier ang’wen maeni i langa, kara ejwigi, emul ko ii, kara eng’ei gin ma ni i adundeni, tek ibigwoko lembang’ola pare, kadi ungo.

Yakobo 1:10

jalonyo bende, kum jujwige: kum ebikadhu woko pami thiuboko m’i lum.

Yakobo 1:12

Ng’atu m’uciro abidhe mugisa kwanye; kum ka judaru mulo ie, ebinwang’u jamkermiwic mi kwo, ma Rwoth ung’olo ni ju m’umare.

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

Lembanyutha 19:9

Man ewacu ira kumae, Kieu kumae, Mugisa ni ju ma julwong’ogi ni cemo mir uthieno mir ambadha pa Nyathi Rombo. Man ewacu ira kumae, Maeni lemandha pa Mungu.

Lembanyutha 22:14

Mugisa ni ju m’ulwoko kendi migi, kara gibed ku ng’ol ma gibin ko ba yen mi kwo, ma gimond ko ku i dhugola i adhura.

Lembanyutha 3:17

Kum iwacu kumae, An a lony, man alimo lonyo, man can gin moko mbe m’unega; m’ing’eyo de ngo nia in i jacan m’umbe mutoro de man m’umbe piny man abinga, muneru de: