Matayo 5:18 - The Holy Bible In Alur (Lur) Revised Orthography

¹⁸ Kum awacu iwu andha kumae, Cil ma polo ku ng’om ukadhu woko, nyiguta acel kadi ng’et nyiguta acel de bikadhu woko ki ngo kud i cik, ma fodi gin ceke kutimbre kakare ngo.

Matayo 5:18 ပူးပေါင်းရင်းမြစ်များ

Zaburi 102:26

Gibithum, ento ibibedo; Eyo, kagi ceke gibiti calu kendi; Ibilokogi calu kanzu, e gibilokri;

Zaburi 111:8

Gicungo rondo ku rondo; Jutimogi i lemandha man atira.

Zaburi 119:152

Ang’eyo ni kum lembatuca peri con, Nia ikethe mi nja.

Isaya 40:8

Lum ner, thiuboko kite rwinyo; ento lembe pa Mungu mwa bicungo mi nja.

Isaya 44:26

m’adwoko lembe pa jatic pare tek, m’atimo lembapora mi jukwenda para de; m’awacu pi Yerusalem kumae, Jubibedo i ie; man pir adhura mi Yuda kumae, Jubigomogi, man abiting’o kar udhurune;

Isaya 51:6

Wung’ai weng’wu malu i polo, man wunen wi ng’om ma piny; kum polo birwinyo woko calu yiro, man ng’om biti calu kendi; e ju m’ubedo i ie bitho kumeca: ento both para bibedo mi nja, man jubinyotho bedopwe para ngo.

Matayo 10:15

Andha awacu iwu kumae, I ceng’ mi pokolembe, pokolembe mi ng’om Sodom ku Gomora bibedo ber ma sagu mir adhura maeno.

Matayo 10:23

Ento ka ginyayu ragedo i kumwu i adhura maeni, wuring i mange: kum andha awacu iwu kumae, Wubikadhu ku i adhura pa Israel ungo, ka fodi Wod dhanu kubino ngo.

Matayo 10:42

Ng’atu ma tek bimio kikombe mi pi ma ng’ic ni ng’atu acel m’i kind nyithindho ma thindho maeni ya emadhi, i nying’ jalub, awacu iwu andha sukulia pare birwinyo ire ki ngo.

Matayo 11:11

Andha awacu iwu kumae, Kud i kind dhanu ma mon unyolo ng’atu moko mbe m’uwok ma dit ma sagu Yohana ma Jabaputisi: ento ng’atu ma en e nok i ker m’i polo e ma dit ma sage.

Matayo 13:17

Kum andha awacu iwu, nia jubila man dhanu ma pwe de dupa giyenyo ginen gin ma wuneno, ere ginenogi ngo; giyenyo giwinj gin ma wuwinjo, ere giwinjogi ngo.

Matayo 16:28

Awacu iwu andha kumae, Jumoko ma kind ju m’ucungo kakeni bibilo tho ki ngo, ma fodi gikuneno Wod dhanu ngo m’ubebino i ker pare.

Matayo 17:20

Man ewacu igi kumae, Kum yioyic mu bedo nok: kum awacu iwu andha kumae, Tek wubedo ku yioyic ma ro ku nying atingli, wubiwacu ni got maeni kumae, Ai kakeni ci kuca; e ebiai: gin moko mbe de ma bicopre iwu ngo.

Matayo 18:18

Andha awacu iwu, Gin ceke ma tek wubitwio i ng’om bibedo atwia i polo; gin ceke ke ma tek wubigonyo i ng’om jubigonyo i polo.

Matayo 18:3

ewacu de kumae, Andha awacu iwu kumae, Tek wulokru ngo, wudoko calu nyithindho ma thindho de ngo, wubimondo i ker m’i polo ki ngo.

Matayo 19:23

Yesu wacu ni julubne kumae, Andha awacu iwu kumae, Mondo i ker m’i polo tek ni jalonyo.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 21:21

E Yesu loko lembe ewacu igi kumae, Andha awacu iwu kumae, Tek wubedo ku yioyic, cwinywu de bedo jiji ngo, wubitimo gin m’utimbre ni ulam kende ngo, ento tek wubiwacu cil ni got maeni, Dong’ juting’i jubei de i nam, e ebitimbre.

Matayo 21:31

Makani ma kind juario m’utimo ka cwiny woni? Giwacu kumae, Ma kwong’ane. Yesu wacu igi kumae, Andha awacu iwu, nia weg ajok ku weg tarwang’ gilar gimondo iwu i ker pa Mungu.

Matayo 23:36

Andha awacu iwu kumae, Gin maeni ceke bibino i wi dhanum’utuk maeni.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.

Matayo 24:47

Andha awacu iwu, ya ebikethe wi gin ceke m’ebedo ko.

Matayo 25:12

Ento eloko lembe, ewacu kumae, Awacu iwu andha, Ang’eyowu ngo.

Matayo 25:40

Ubimo de biloko lembe ebiwacu igi kumae, Andha awacu iwu kumae, Kum calu wutime ni ng’atu acel ma kind utumira maeni, cil ni maeni ma gi nyithigiki nwang’u wutime ira.

Matayo 25:45

Ebilund loko lembe igi, ebiwacu kumae, Andha awacu iwu kumae, kum calu wutime ngo ni ng’atu acel mi kind maeni ma nyithigiki, nwang’u wutime ira ngo.

Matayo 5:26

Andha awacu iri kumae, Ibiai keca ki ngo, ma fodi k’iculo wang’ sente kubang’e pet ungo.

Matayo 6:16

Mange ke ka wuweko cam, kud wubed, calu dhanu ma weg ambili, ku weng’wu mi can: kum giranju wang’gi, kara dhanu ginen nia giweko cam. Andha awacu iwu kumae, Gidaru maku sukulia migi.

Matayo 6:2

Ka kumeno kinde m’imio giramia kud ikudh agwara i weng’i, calu weg ambili timo i kacokri kud i gengi de, kara ginwang’ dwong’ ba dhanu. Awacu iwu andha kumae, Gidaru maku sukulia migi.

Matayo 8:10

E ka Yesu winjo maeni, ie wang’ lii, ewacu de ni ju m’ulubo ng’eye kumae, Awacu iwu andha kumae, Fodi anwang’u yioyic ma rokeni ngi ngo, ungo, i Israel de ngo.

Marko 10:15

Andha ayero iwu kumae, Ng’atu ma tek bijolo ker pa Mungu calu nyathin ma nyanok ungo, ebimondo i ie ki ngo.

Marko 10:29

Yesu wacu kumae, Andha awacu iri, Ng’atu moko mbe m’uweko ot, kadi umego, kadi nyimego, kadi mego, kadi wego, kadi nyithindho, kadi pothi, pira, ku pi lembanyong’a ma juboth ko de,

Marko 11:23

Andha awacu iwu kumae, Ng’atu ma tek biwacu ni got maeni kumae, Mugri iboli i nam; ma adundene kubedo jiji ngo, ento ebiyio nia gin m’eyero timbre, e gica bibedo ire.

Marko 12:43

Man elwong’o julubne i bang’e ewacu igi kumae, Andha awacu iwu kumae, Dhaku maeni ma cware tho ma jacan ebolo ma sagu ma dhanu ceke gibolo i kakanpiny:

Marko 13:30

Andha awacu iwu kumae, Dhanum’utuk maeni bikadhu woko ngo, ma fodi gin maeni ceke kutimbre kakare ngo:

Marko 14:18

E kinde ma gibedo gibecamu, Yesu wacu kumae, Ayero iwu andha, Acel m’i kindwu biciba, cil ng’atu ma wacamu wakude.

Marko 14:25

Andha ayero iwu kumae, Abimadhu kum pigulok kendo ngo, cil i ceng’ m’abimadhe ie nyen i ker pa Mungu.

Marko 14:30

Yesu wacu ire kumae, Andha awacu iri, nia in tinuni, i diewor maeni, ka fodi kulok kukok wang’ ario ngo, ibikwera wang’ adek.

Marko 14:9

Andha awacu iwu kumae, Ka ceke ma tek jubiyero ie lembanyong’a ma juboth ko i ng’om ngung’, maeno bende ma dhaku maeni timo biyere ni poi pare.

Marko 3:28

Andha awacu iwu kumae, Dubo mi wot dhanu ceke, jubiweko woko igi, man lembacidi migi ma gicido ko Mungu de:

Marko 6:11

Ka ma tek jujolowu i ie ngo, man giwinjowu ngo, ka wuai keca, wukir utur ma the tiendwu woko ni lembatuca igi.

Marko 8:12

Man egamu cwinye kwede kud i ie, ewacu kumae, Dhanum’utuk maeni gibeyenyo giranyutha nedi? andha awacu iwu kumae, Giranyutha moko mbe m’umire ni dhanum’utuk maeni.

Marko 9:1

Man ewacu igi kumae, Andha ayero iwu kumae, Jumoko nuti kind ju m’ucungo keni, ma gibibilo tho ki ngo, cil ma gineno ko ker pa Mungu bino ku tego.

Marko 9:41

Kum ng’atu ma tek bimio iwu pi i kikombe wumadhi, kum wu ju pa Kristu, andha ayero iwu, nia sukulia pare birwinyo ire ki ngo.

Luka 11:51

ugambre kum rimb Habil cil ku rimb Zakaria, m’utho i kind pemblam ku hekalu: eyo, awacu iwu, jubipenjo ba dhanum’utuk maeni.

Luka 12:37

Mugisa ni jumiru maeno, ma ka rwoth migi bino ebinwang’u gibekuro: andha awacu iwu, nia ebitwire gire, e ebiketho gibed piny dhu cemo, man ebibino ebitimo igi.

Luka 13:35

Nen, ot peri dong’ iri ni uvuru: man awacu iwu kumae, Wubinena ngo, cil ma wubiwacu kumae, Mugisa ni ng’atu m’ubino ku nying Rwoth.

Luka 16:17

Ento kadhu woko mi polo ku ng’om e yot, ma sagu podho mi ng’et nyiguta acel mi cik.

Luka 18:17

Andha awacu iwu kumae, Ng’atu ma tek bijolo ker pa Mungu calu nyathin ma nok ungo, ebimondo i ie ki ngo.

Luka 18:29

Man ewacu igi kumae, Andha awacu iwu, Ng’atu moko mbe m’uweko ot, kadi dhaku, kadi umego, kadi junyodo, kadi nyithindho, pi ker pa Mungu,

Luka 23:43

E ewacu ire kumae, Andha awacu iri kumae, Tin wabibedo wakudi i Paradis.

Luka 4:24

Man ewacu kumae, Andha ayero iwu kumae, Jabila moko mbe ma yire i ng’om ma thugi ma dhe.

Yohana 1:51

Man ewacu ire kumae, Andhandha, awacu iwu, Wubineno polo yabre, man malaika pa Mungu m’ubeidho m’ubeloro de wi Wod dhanu.

Yohana 10:1

Andhandha, ayero iwu kumae, ng’atu ma mondo i dwol mi rombe ku dhugola ngo, ento eidho ku yo ku mange, ng’atuca en e jakwo, man jayek.

Yohana 10:7

Ka kumeno Yesu wacu igi kendo kumae, Andhandha, awacu iwu, An a dhugola mi rombe.

Yohana 12:24

Andhandha, ayero iwu, Tek nying’ nganu kupodho i ng’om ungo etho de ngo, ebedo e kende; ento tek etho, ecego nyinge dupa.

Yohana 13:16

Andhandha, awacu iwu kumae, Jamiru sagu jadit pare ngo; kadok jakwenda de sagu ng’atu m’uore ngo.

Yohana 13:38

Yesu loko lembe kumae, Ibimio kwo peri pira? Andhandha, awacu iri kumae, Kulok bikok ungo, ma fodi k’ikwera wang’ adek ungo.

Yohana 14:12

Andhandha, awacu iwu kumae, Ng’atu m’uyio ira, tic m’atimo ebitimo bende; ebitimo tic ma sagu maeni de; kum acidho ba Wego.

Yohana 16:20

Andhandha, ayero iwu, nia wubiywak ku goyo nduru de, ento anyong’a binego ng’om: can binegowu, ento can mu bilokre ni anyong’a.

Yohana 16:23

I ceng’ maeno wubipenja ku penji moko ngo. Andhandha, ayero iwu kumae, Tek wubikwayu gin moko ba Wego, ebimie iwu ku nyinga.

Yohana 21:18

Andhandha, ayero iri kumae, Ma fodi in i ayada, itwiri giri, iwotho de ka ma ii yenyo: endre kan ibiti, ibirieyo cingi, man ng’atu mange e ma bitwio iri, biteri de ka m’iyenyo ngo.

Yohana 3:11

Andhandha, awacu iri kumae, Wayero pi gin ma wang’eyo, man wanyutho pi gin ma waneno; wun re wujolo lembanyutha mwa ngo.

Yohana 3:3

Yesu dwoko lembe ewacu ire kumae, Andhandha, awacu iri kumae, Tek junyolo dhanu nyen ungo, ecopo neno ker pa Mungu ngo.

Yohana 3:5

Yesu dwoko lembe kumae, Andhandha, awacu iri kumae, Tek jukunyolo dhanu ku pi ku Tipo de ngo, ecopo mondo i ker pa Mungu ngo.

Yohana 5:19

Yesu lund uloko lembe ewacu igi kumae, Andhandha, awacu iwu, Wod copo timo gin moko gire ngo ma k’eneno Wego betimo ngo: kum gin ma tek etimo, e Wod bende timo ginde kumeca.

Yohana 6:26

Yesu dwoko lembe igi ewacu kumae, Andhandha, awacu iwu, Wuyenya ngo kum wuneno giranyutha, ento kum wucamu lungu kwen wuyeng’.

Yohana 6:32

Ka kumeno Yesu wacu igi kumae, Andhandha, ayero iwu, Kwen m’uai i polo Musa mio iwu en ungo; ento Vwa e m’umio iwu kwen mandha m’uai i polo.

Yohana 6:47

Andhandha, ayero iwu kumae, Ng’atu m’uyio ebedo ku kwo ma rondo ku rondo.

Yohana 6:53

Ka kumeno Yesu wacu igi kumae, Andhandha, awacu iwu, Tek wucamu ring’ kum Wod dhanu ngo, wumadhu rimbe de ngo, wumbe ku kwo i iwu giwu.

Yohana 8:34

Yesu loko lembe igi kumae, Andhandha awacu iwu, Ku ba dhanu ceke ma timo dubo en e jamiru mi dubo.

Yohana 8:51

Andhandha, ayero iwu kumae, Tek ng’atu moko woro lem para, ebineno tho ki ngo.

Yohana 8:58

Yesu wacu igi kumae, Andhandha, awacu iwu, Ku kwong’a ma fodi jukunyolo Ibrahim ungo, nwang’u anuti.

1 Petro 1:25

Ento lembe pa Rwoth bedo rondo ku rondo. Maeni lembe mi lembanyong’a ma juboth ko ma juyero iwu.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.