Matayo 5:12 - The Holy Bible In Alur (Lur) Revised Orthography

¹² Anyong’a negwu, ku mutoro ma dit de: kum sukulia mu e dit i polo: kum ginyayu ragedo kum jubila m’ular uwok iwu bende.

Matayo 5:12 ပူးပေါင်းရင်းမြစ်များ

Thangambere 15:1

Yo ng’ei gin maeni lembe pa Yehova bino bang’ Abram i ginmawokiwang’, m’uwacu kumae, Kud ilwor, Abram: an a ban peri, ku sukulia peri ma dit apila.

1 Ubimo 18:13

Juyero ni rwoth para ngo gin m’atimo kinde ma Yezebel unego jubila pa Yehova, maram akanu ko dhanu dak acel ma kind jubila pa Yehova pier abic pier abic i odng’om, man amio igi kwen ku pi gicami?

1 Ubimo 18:4

kum ebedo kumeno, kinde ma Yezebel ukabu jubila pa Yehova woko, nia Obadia gamu jubila dak acel, man ekanugi pier abic pier abic i odng’om, man emio igi kwen ku pi.)

1 Ubimo 19:2

Yezebel ulund uoro jakwenda bang’ Elia, ewacu kumae, Dong’ mungu tim kumeni i bang’a, man mange bende, tek aketho kwo peri bedo ngo calu kwo pa ng’atu acel m’i kindgi urwo unyoni.

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

1 Ubimo 22:8

Man ubimo mir Israel uwacu ni Yehocafat kumae, Fodi ng’atu acel nuti ma wacopo penjo lembe ba Yehova ni kume, en e Mikaya ma wod Imla: ento adage; kum eewo lembe ber pira ngo, ento rac. Man Yehocafat uwacu kumae, Dong’ ubimo kud uwac kumeno.

2 Ubimo 1:9

Ubimo lund uoro jego mir asikari pier abic kud asikari pare pier abic i bang’e. Man eidho malu i bang’e: man, nen, ebedo wi ungulu got. Man eyero ire kumae, E dhanu pa Mungu, ubimo wacu kumae, Lor piny.

2 Lemkei 16:10

Kwinyo lund unego Asa kum jaeulembene, man ekethe i otkol; kum kwinyo nege i kume kum gin maeni. Man Asa timo dhanu moko rac i nindo nica.

2 Lemkei 36:16

ento gicayu jukwenda pa Mungu, man gipiemo lembe pare, gitimo co de ni jubila pare, cil ma kwinyo pa Yehova wok ko kum dhanu pare, maram ma kabothne mbe.

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Zaburi 19:11

Mange ke jutwong’o kugi jatic peri: Sukulia ma dit nuti kum worogi.

Zaburi 58:11

Ketho nia dhanu gibiwacu kumae, Andha sukulia nuti ni won bedopwe: Andha Mungu nuti ma poko lembe i ng’om.

Lembrieko 11:18

Jadubo nwang’u sukulia mir awondi; Ento ng’atu ma coyo bedopwe sukulia pare en e andha.

Isaya 3:10

Wuwac pi won bedopwe, nia lembe bibedo ber ire: kum gibicamu nying’ giratima migi.

Yeremia 2:30

Agoyo nyithindho mu kwe; gijolo ponji ngo: palamularu mu ma dhe daru jubila mu, calu umvor m’ubenyotho anyotha.

Yeremia 26:8

Man etimbre, kinde ma Yeremia daru yero lembe ceke ma Yehova ng’olo ire ya eyer ni dhanu ceke, nia julam ku jubila ku dhanu ceke gimake, giwacu kumae, Ibitho andha.

Yeremia 37:14

Yeremia lund uwacu kumae, En e ndra; abepodho cen ba Jukaldayo ngo. Ento ewinje ngo; kum kumeno Irija maku Yeremia, man ekele ba judongomawijo.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Matayo 6:16

Mange ke ka wuweko cam, kud wubed, calu dhanu ma weg ambili, ku weng’wu mi can: kum giranju wang’gi, kara dhanu ginen nia giweko cam. Andha awacu iwu kumae, Gidaru maku sukulia migi.

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Luka 6:23

Anyong’a negwu i ceng’ maeno, wupor malu de ni mutoro: kum nen, sukulia mu dit i polo; kum kwaru migi timo kumeno ba jubila.

Luka 6:35

Ento wumar judegiwu, wutimgi ber, wumi banja, kud wugen nia wang’e dwog iwu; man sukulia mu bibedo dit, wun de wubibedo wot Ng’atu ma Malu Ngbir: kum e ber ni ju m’umbe foyofoc ku judubo bende.

Tic Mi Jukwenda 16:25

Ento kinde ma piny udoko diewor ma ling’, nwang’u; Paolo giku Sila giberwo gibewero wer de ni Mungu, jukol de gibewinjogi;

Tic Mi Jukwenda 5:41

E ka kumeno giai kud i dilo, ma anyong’a negogi kum jukwanu ya giromo sendri mai jujwigo kogi kum Nying’ maeni.

Jurumi 5:3

Man kumeni kende ngo ento anyong’a negowa i masendi mwa bende: ma wang’eyo ko ya masendi nyayu twiocwiny;

1 Jukorinto 3:8

Nie ng’atu m’upidho ku ng’atu m’ukwoyo pi de gin acel: ento ng’atuman binwang’u sukulia pare gire rom ku tic pare gire.

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

Jufilipi 1:29

kum emire iwu ni kum Kristu, ya wuyie ayia kende ngo, endre ya wusendru pire bende:

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

Jukolosai 1:24

Nie anyong’a nega i masendi m’asendra ko piwu, man appng’o gin maka para mi masendi pa Kristu m’urem i ring’kuma pi kume, ma en e kanisa;

Jukolosai 3:24

ma wung’eyo ko nia wubigamu sukulia mi camupacu ba Rwoth: wutimo ni Rwoth Kristu.

1 Jutesaloniki 2:15

ma ginego Rwoth Yesu ku jubila, giriemo wan de woko, ginyayu mutoro ngo i Mungu, man gi tung’ ku dhanu ceke;

Juebrania 10:34

Kum ngisi negowu kum ju ma gini i kol, man wuyio ku mutoro yak ma juyaku ko piny mu, ma wung’eyo ko nia wubedo ku jukupiny iwu giwu ma ber m’usagu ma kajikne de mbe.

Juebrania 11:26

m’ekwanu cac ma jucayu ko Kristu ni lonyo ma dwong’ ma sagu piny m’akana mi Misiri: kum eneno ba giramia mi sukulia.

Juebrania 11:33

ma ni kum yioyic ginyono ker mir ubimo, gitimo bedopwe, ginwang’u lembang’ola, gimio dhu umvor,

Juebrania 11:6

man ma yioyic umbe nyayu mutoro i ie copre ngo; kum ng’atu m’ubino ba Mungu maku ekoeyi be nia enuti, man e jamic mi ju ma giyenye.

Yakobo 1:2

Umego, tek wupodho i udul abidhe, wukwane ceke ni mutoro;

Yakobo 5:10

Umego, wuting’ jubila ma giyero lembe ku nying Rwoth ni por mi masendi ku mi twiocwiny de.

1 Petro 4:13

ento kum wu jurib mi sendri pa Kristu, anyong’a negwu; kara i nyuth mi dwong’ pare bende anyong’a negwu kud anyong’a ma dit apila.

Ruth 2:12

Yehova udwok wang’ tic peri, man sukulia ma cu umire iri ku ba Yehova, Mungu mir Israel, m’ibino ninwang’u kagonjo the bombe.