Matayo 4:3 - The Holy Bible In Alur (Lur) Revised Orthography

³ Man jabidhe bino ewacu ire de kumae, Tek in i Wod Mungu, ng’ol nia kidi maeni dok ni kwen.

Matayo 4:3 ပူးပေါင်းရင်းမြစ်များ

Ai 16:3

man nyithindho mir Israel uwacu igi kumae, Esagu tek watho i cing’ Yehova i ng’om Misiri, kinde ma wabedo dhu agulu mi ring’o, kinde ma wacamu kwen wayeng’; kum wukelowa i langa maeni, kara wuneg cokri maeni ceke ku kec.

Matayo 14:33

Man ju ma gini i yei girwo ire, giwacu kumae, In i Wod Mungu andha.

Matayo 16:16

E Simon Petro loko lembe ewacu kumae, In i Kristu, Wod Mungu ma kwo.

Matayo 26:63

Ento Yesu bedo pare ling’. Jalam ma dit de wacu ire kumae, Aketho ikwong’o ku Mungu ma kwo, ya iwac iwa tek in i Kristu, ma Wod Mungu.

Matayo 3:17

man nen, dwal uai i polo, uwacu kumae, Meni Woda ma jamerna, ma mutoro nega i kume.

Marko 1:1

Thangambere mi lembanyong’a ma juboth ko pa Yesu Kristu, ma Wod Mungu.

Marko 3:11

Tipo m’ucido de, ka ginene, gipodho piny i wang’e, gikok akoka, giwacu kumae, In i Wod Mungu.

Marko 5:7

ekok ku dwande ma tek, ewacu kumae, Lembe mwa ang’o wakudi, Yesu, in i Wod Mungu ma Malu Ngbir. Aketho ikwong’o ba Mungu, kud imi ira ndiba.

Luka 1:35

Malaika dwoko lembe ewacu ire kumae, Tipo Maleng’ bibino i wii, man tego pa Ng’atu ma Malu Ngbir tipone biumi: kum kumeno bende gin maleng’ m’ibinyolo jubilwong’o Wod Mungu.

Luka 22:70

E kagi ceke giwacu kumae, Ka kumeno in i Wod Mungu? Man ewacu igi kumae, Wuwacu nia an a en.

Luka 4:3

E wonabali wacu ire kumae, Tek in i Wod Mungu, wac ni kidi maeni nia edok ni kwen.

Luka 4:41

Pajogi de wok woko kud i dhanu dupa, gibekok akoka, man giwacu kumae, In i Wod Mungu. Ejukogi, eyio ngo ya giyer, kum ging’eyo nia en e Kristu.

Luka 4:9

Man etelo wie Yerusalem ekethe de wi usimbru mi hekalu, man ewacu ire kumae, Tek in i Wod Mungu, ai ku kuno iredhri piny:

Yohana 1:34

E aneno, man anyutho nia maeni en e Wod Mungu.

Yohana 1:49

Nathanael uloko lembe kumae, Japonji, in i Wod Mijngu; in i Ubimo mir Israel.

Yohana 20:31

ento maeni gore kara wuyi nia Yesu en e Kristu, ma Wod Mungu; man kara ka wuyio wubed ku kwo i nyinge.

Yohana 9:35

Yesu winjo nia girieme woko; kan enwang’e de, ewacu ire kumae, Iyio ni Wod Mungu?

Tic Mi Jukwenda 9:20

e pio pio eyero pi Kristu nia en e Wod Mungu.

2 Jukorinto 1:19

Kum Wod Mungu, Yesu Kristu, en nini ma pire yere i kindwu ni kuma, ndhu ni kuma waku Siluano man Timoteo, en e eyo kud ungo de ngo, ento i ie re en e eyo.

Jugalatia 2:20

An judaru gura waku Kristu; man en e an kendo ngo m’ukwo ento Kristu e m’ubedo i ia; man kwo maeno m’abedo ko i kum akwo i yioyic, yioyic ma ni i Wod Mungu, m’umara, m’umire gire pira.

1 Jutesaloniki 3:5

Kum lembe nini an bende, kan acopo twio cwinya kendo ngo, aoro kara ang’ei yioyic mu, kara jabidhe kud ubidhwu ku yo moko, tic ma wamula kudo maru bedo mananu.

Juebrania 12:16

kara won tarwang’ kud ubed nuti, kadi ng’atu ma rac calu Esau, m’uloko camupacu pare gire ku cemo ma wang’ acel.

Juebrania 4:14

Ka kumeno wan ma wabedo ku jalam ma dit ma dwong’, m’ekadhu kud i polo, en e Yesu ma Wod Mungu, dong’ wamak lembatuca mwa ki.

Juebrania 7:3

m’umbe won, m’umbe min, m’umbe ku thekwaru, ma thek ma ceng’ thekre kudo mbe kude kadok kajik mi kwo de, ento judwoke calku Wod Mungu), m’ebedo jalam thiri thiri.

1 Yohana 3:8

ng’atu ma timo dubo en e pa wonabali; kum wonabali dubo ugambre ku kwong’a. Kum lembe maeni Wod Mungu nyuthre, kara enyoth tic pa wonabali.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.