Matayo 4:10 - The Holy Bible In Alur (Lur) Revised Orthography

¹⁰ Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Matayo 4:10 ပူးပေါင်းရင်းမြစ်များ

I Lemkei 21:1

Man Jok ucungo wi Israel, man eting’o cwiny Daudi ya ekwan Israel.

Kitabu Pa Yob 1:12

E Yehova wacu ni Jok kumae, Nen, gin ceke m’ebedo ko ni i cingi; ndhu i kume re ma kud iketh cingi. Kum kumeno Jok uwok woko kud i wang’ Yehova.

Kitabu Pa Yob 1:6

Nie etimbre i ceng’ ma wot Mungu cidho nithieri gigi ni wang’ Yehova, nia ma Jok bende bino kindgi

Kitabu Pa Yob 2:1

Man etimbre kendo i ceng’ ma wot Mungu cidho thieri gigi i wang’ Yehova, nia Jok bende cidho i kindgi nithiere gire i wang’ Yehova.

Zaburi 109:6

Keth dhanu ma jadubo i wie; Man wek jasend ucung i cinge ma yor acwic.

Ai 23:25

Man wutim ni Yehova Mungu mu, e ebimio mugisa kum kwen peri, man pi peri; man abikabu tho kud i kindi.

Isaya 30:22

Man wubicido girauma peri mir ayi gin m’acwia mi mola ma tar m’ang’ika, man giramwona mir ayi gin m’acwia peri mi mola ma kwar m’atwaga; ibibayugi cen calu gin m’ucido; ibiwacu ire kumae, Ai kakeni.

Matayo 16:23

Ento elokre, man ewacu ni Petro kumae, Kadh i ng’eya, Jok: kum ibedo ni cudho mi kier ira: kum ii pido pi gin pa Mungu ngo, ento gin mi dhanu re.

Marko 1:13

Ebedo i yamba ceng’ pier ang’wen ma Jok ubedubidhe ko; man ebedo karacelo ku yedi m’i thim; e malaika gitimo ire.

Luka 10:18

Man ewacu igi kumae, Aneno Jok upodho kud i polo calu lukoth.

Luka 11:18

Man tek Jok bende pokre i kume gire, ker pare bicungo nenedi? kum wuwacu nia awodho pajogi woko ni kum Beelzebul.

Luka 13:16

Man emaku ngo nia dhaku mae, m’e nyar Ibrahim, ma Jok utwie, rundi apar wi abora, ugonjre kud i twic maeni i ceng’ sabatu?

Luka 22:3

E Jok umondo i Yuda ma julwong’o Iskariote, ma en e kind juapar wi ario.

Luka 22:31

Simon, Simon, nen, Jok upenjo nia ebed kudi, kara epiedhi pami nganu:

Luka 4:8

Yesu dwoko lembe ewacu ire kumae, Egore kumae, Rwo ni Rwoth Mungu peri, man itim ire kende.

Yohana 13:27

Yo ng’ei gamu kwende, e Jok umondo i ie. Ka kumeno Yesu wacu ire kumae, Gin m’itimo, tim pio.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Tic Mi Jukwenda 5:3

Ento Petro wacu kumae, Anania, Jok upong’o adunden inedi m’icwayu ko ndra ni Tipo Maleng’, m’ikanu ko kum welpiny mi ng’omi?

1 Jukorinto 5:5

kara jumi ng’atu ma kumeno ni Jok pi nyoth ma junyotho ko kum, kara cwiny uboth i ceng’ pa Rwoth Yesu.

1 Jukorinto 7:5

Kud wukwer ribru karacelo, ma tek wukuripo pire ngo mi nindo moko, kara wumiru giwu ni rwo, e ka wudong’ wubed karacelo kendo, kara Jok kud ubidhwu ku lembe mi dhiro wi kum ungo.

2 Jukorinto 11:14

Man wang’uijo mbe; kum cil Jok loko kite gire, ni malaika mi der.

2 Jukorinto 12:7

Man kara kud atingra malu ma sagu ni kum giranyutha ma dit apila, ukudho ma i ring’kum umire ira, jakwenda pa Jok kara epada, kara kud atingra ma sagu.

2 Jukorinto 2:11

kara Jok kud unwang’ kuloka i wiwa: kum wan wacobo ngo kum pidoic pare.

Poi Mi Cik 10:20

Lwor Yehova Mungu peri; tim ire, mok i kume, man ikwong’ ku nyinge.

Yakobo 4:7

Dong’ wumond kumeno ni Mungu: ento wugut ni wonabali, e ebiringowu.

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

1 Petro 5:9

wujul ni ng’atuca ma wubed ko tek i yioyic mu, ma wung’eyo ko nia sendri ma calcal timbre ni juwedwu ma gini i ng’om.

1 Samwil 7:3

Man Samwil uyero ni ot mir Israel ceke, ewacu kumae, Tek wulokru ba Yehova kud adundewu ceke, e dong’ wukab mungu ma juwirok kud Actaroth cen kud i kindwu, man wudwok adundewu ba Yehova, man wutim ire kende; e ebibodhowu kud i cing’ Jufilisti.