Matayo 3:6 - The Holy Bible In Alur (Lur) Revised Orthography

⁶ gimaku baputisi de i bang’e i kulo Yordan, ma gituco ko lemdubo migi de.

Matayo 3:6 ပူးပေါင်းရင်းမြစ်များ

Ezra 10:1

Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Lembrieko 28:13

Ng’atu ma umo kier pare lembe pare bibedo miero ngo; Ento ng’atu ma tek utuco man ewekogi ebinwang’u kisa.

Ezekiel 36:25

Man abikiro pi ma leng’ i kumwu, e wubibedo leng’: abidwokowu leng’ ni cilo mu ceke, man ni mungu m’araga mu ceke.

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Lembe Mi Julawi 16:21

man Harun biketho cinge ario i wi diel ma kwone, man ebituco i wie kier ceke mi nyithindho mir Israel, ku gondri migi ceke, en e dubo migi ceke; e ebikethogi i die wi diende, man ebiore cen i langa i cing’ ng’atu ma juketho:

Lembe Mi Julawi 26:40

E gibituco kier migi, ku kier mi kwarugi, i dubo migi ma gidubo ira, man bende, kum giwotho ku co ira,

Kitabu Mir Ang’wende Pa Musa Wel 5:7

ebilund tuco dubo pare m’edubo: man ebiculo pi dubo pare kpo, man ebimedo ng’ete mir abije i kume, man ebimie ni ng’atu m’edubo ire.

Matayo 3:11

Amio iwu baputisi i pi mi lokocwiny: ento ng’atu m’ulubo ng’eya ebedo ku tego ma sagu an, ma wara pare aromo ngo ya ayei: ebimio baputisi iwu i Tipo Maleng’ i mac bende:

Marko 1:5

Ng’ommi Yahudi ngung’ gicidho i bang’e, ku ju ma Yerusalem ceke; man emio igi baputisi i kulo Yordan, ma gituco ko dubo migi.

Luka 1:16

Man dhanu dupa mi nyithindho pa Israel ebiloko ni Rwoth Mungu migi.

Luka 3:16

Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac:

Tic Mi Jukwenda 1:5

kum Yohana mio baputisi ku pi andha ento wun re wubimaku baputisi ku Tipo Maleng’ ma fodi nindo dupa kukadhu ngo.

Tic Mi Jukwenda 11:16

E apoi pi lembe pa Rwoth, maram ewacu ko kumae, Yohana mio baputisi andha ku pi; ento wun re wubimaku baputisi ku Tipo Maleng’.

Tic Mi Jukwenda 19:18

Man dhanu dupa bende ma giyio gibino, gituco, giyero pi tic migi de.

Tic Mi Jukwenda 22:16

Kawono igalu nedi? ai malu, mak baputisi, lwok dubo peri woko, m’ilwong’ ko nyinge bende.

1 Jukorinto 10:2

man ke kagi ceke jumio igi baputisi ba Musa i afuru kud i pi bende;

Jukolosai 2:12

ma judaru yikowu wukugi i baputisi, man juting’owu bende i ie wukugi ni kum yioyic i timotim pa Mungu, m’uting’e ku kind ju m’utho.

Juebrania 6:2

mi ponji mi baputisi, man mi ketho cing’, man mi cer mi ju m’utho, man mi lembapoka ma nja.

Juebrania 9:10

ma gi, (giracama man giramadha man giralwoka ma tung’ tung’) lembapoka mi kum, ma juketho cil i nindo mi yikolembe.

Yakobo 5:16

Ka kumeno dong’ wutuc dubo mu ng’atuman utuc ni wadi man ni wadi, man wurwo ma ng’atuman urwo pi wadi man pi wadi, kara kumwu kei. Kwac pa ng’atu ma pwe yire dit i ticne.

Yocuwa 7:19

E Yocuwa wacu ni Akan kumae, Woda, akwei, mi dwong’ ni Yehova, Mungu mir Israel, man ituc ire; yer ira kawono pi gin m’itimo; kud imung’e ira.

1 Petro 3:21

m’ubodho wun kawono calkud ayi mandha, en e baputisi, m’iketho cilo m’i kum cen re ngo, ento en e penji mi pidocwiny ma ber yo ba Mungu, ni kum cer pa Yesu Kristu;

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.