Matayo 3:12 - The Holy Bible In Alur (Lur) Revised Orthography

¹² udheru pare ni i cinge, man ebililo laru pare mii; man ebicoko nganu pare i dero, ento ebiwang’u cunge ku mac ma negre ngo.

Matayo 3:12 ပူးပေါင်းရင်းမြစ်များ

Kitabu Pa Yob 21:18

Ma nia gi calu soka i wang’ yamu, Man calu cung’ ma wavuvu leko woko?

Zaburi 1:4

Judubo bedo kumeno ngo, Ento gi calu cung’ ma yamu duny ko.

Zaburi 35:5

Wek gibed calu cung’ i wang’ yamu, Man malaika pa Yehova cwalgi.

Isaya 1:31

Man jutego bibedo calu thondh gonia, tic pare de calu bieimac; e gin ario de gibiwang’ karacelo, e ng’atu moko mbe ma binego maje.

Isaya 17:13

Thek bicore calu cori mi pi dupa: ento ebijukogi, man gibiringo bor cen, man jubiriemogi calu cung’ mi gudi i wang’ yamu, man calu utur mir atido i wang’ wavuvu.

Isaya 27:4

Kwinyo mbe i ia: dok ucok kud ukudho gini f kuma i Jwiny! kuno di awotho i wigi, kuno di awang’ugi karacelo.

Isaya 28:28

Cam mi kwen jurego; kum ebibefode nja ngo: man kadok ukobre mi magali pare ku riuni pare gikethe, erege ngo.

Isaya 30:24

koni dhiang’ bende ku kana ma thindho m’ufuro ng’ombe bicamu cemo ma mit, ma juyero ku lupaukwer man ku gute.

Isaya 41:16

Ibiyekogi, man yamu biduny kugi cen, atido de bikethogi; man anyong’a binegi ni kum Yehova, ibiyungri ni kum Ng’atu Maleng’ mir Israel.

Isaya 5:24

Ka kumeno calu lebmac wang’u soka, man calu lum m’uthwo rungre i lebmac, e ulaggi bibedo kumeca calu gin m’utop, man thiugi biduny calu utur; kum gikwero cik pa Yehova mir udul, man gicayu lembe pa Ng’atu Maleng’ mir Israel.

Isaya 66:24

E gibiwok woko, man gibineno wi avu dhanu m’udubo ira: kum ukoko migi bitho ngo, kadok mac migi de binegre ngo; man gibibedo ni ginmajudagu ni weg kum ceke.

Yeremia 15:7

Man apiedhogi kud udheru i dhugang’ m’i ng’om; ayaku nyithindho migi, anyotho dhanu para; gilokri ngo kud i yo migi.

Yeremia 17:27

Ento tek wubiwinjo dwanda ngo mi dwoko ceng’ sabatu leng’, man mi yeyo ter ungo nilutho i dhugang’ mi Yerusalem i ceng’ sabatu; e abilund cwinyo mac i dhugange, man ebiwang’u udi ma beco mi Yerusalem, e jubinege ngo.

Yeremia 4:11

I nindo maeca jubiwacu ni dhanu maeni man ni Yerusalem kumae, Yamu ma lieth m’uai i ka m’utingre ma lelele i langa yo ba nyar dhanu para, mi kworo ngo, kadi mi lilo de ngo;

Yeremia 51:2

Man abioro juwirok i Babeli ma bipiedhe; e gibiweko i ng’om pare nanu: kum i ceng’ mi can gibibedo i kume gbur.

Yeremia 7:20

Ka kumeno Rwoth Yehova wacu kumae; Nen, ng’ecwiny para ku kwinyo para bikonjre woko wi ka maeni, wi dhanu, man wi lim, man wi yedhi m’i thim, man wi nying’ ng’om; e ebiwang’, man jubinege ngo.

Hoseya 13:3

Ka kumeno gibibedo calu afuru mi kugweno, man calu thoi ma oi pir kugweno, calu cung’ ma duny kud atido ku wi lela mi fodo cam, man calu yiro ku dhu kendo.

Amos 9:9

Kum, nen, abing’olo, man abiyeko ot mir Israel i kind thek ceke, calu juyeko cam i jambyeko, ento nying’ cam acel bipodho wi ng’om ungo.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 13:30

Wek gin ario gidong karacelo cil i palacam: man i nindo mi palacam abiwacu ni jukaicam kumae, Wular wucok ngoli, wutwigi de ni wie kara juwang’gi; nganu re e ma wucok i dero para.

Matayo 13:41

Wod dhanu bioro malaika pare man gibicoko kud i ker pare gin ceke m’uketho jukier, ku ju m’udubo lembe bende,

Matayo 13:42

e gibibologi i majubi: ywak ku kayu lak de bibedo nuti.

Matayo 13:43

Weg bedopwe bilund rieny pami ceng’ i ker pa Weggi. Ng’atu ma ithe nuti wek ewinji.

Luka 3:16

Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac:

Luka 3:17

man udheru pare ni i cinge, m’elilo ko laru pare cu, m’ecoko ko nganu de i dero pare; ento ebiwang’u cunge ku mac ma negre ngo.

Yohana 15:2

Ku ba janga ceke ma ni i ia ma cego nyinge ngo, ekabe woko: man ku ba janga ceke ma cego nyinge, elonye, kara eceg nyinge ma sagu.