Matayo 3:10 - The Holy Bible In Alur (Lur) Revised Orthography

¹⁰ Meni cil kawono lei uvuto ther ulag yen: ka kumeno ku ba yen ceke m’ucego nyinge ma ber ungo jung’ole piny, jubole de i mac.

Matayo 3:10 ပူးပေါင်းရင်းမြစ်များ

2 Samwil 23:7

Ento ng’atu m’umulogi Maku ebed kud umbu i cinge man ku yendtong’: Man jubiwang’ugi kot ku mac ku i kakagi.

Zaburi 1:3

Man ebibedo calu yen ma jupidho dhu kulo mi pi, Ma cego nyinge ku ba nindone, Ma ithe de ner ungo; Man gin ceke ma tek etimo bibedo miero.

Zaburi 140:10

Wek cukmac m’uwang’ upodh i wigi: Wek jubaigi i mac, I vur ma thuth, ma gibiai kud i ie ngo.

Zaburi 92:12

Ng’atu ma pwe bijany calu yendthith: Ebidongo calu musonge i Lebanon.

Isaya 27:11

Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Yeremia 17:8

Kum ebibedo calu yen ma jupidho dhu pi, m’uguro ulage dhu kulo ma dit, man lworo binege ngo kinde ma lietho bino, ento ithe bibedo numu; man ie bipido ngo i rundi mi ndru, kadok nyinge de ebiweko cego ngo.

Daniel 4:14

Ekok ma tek, man ewacu kumae, Ng’ol yende piny, lwer ithe de woko, man keth nyinge woko: dong’ yedi ai woko kud i there, man winyo kud i jange.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Matayo 21:19

E kan eneno ulam dhu yo, ebino i bang’e, enwang’u gin moko de mbe i wie, ento ithe kende; man ewacu ire kumae, Dong’ nyingi kud ucek i kumi ki cil nja ku nja. E ulam uner ndhu ndhu nica.

Matayo 7:19

Ku ba yen ceke ma cego nyinge ma ber ungo jung’ole piny, jubole de i mac.

Luka 23:31

Kum tek gitimo gin maeni i yen ma numu, ang’o ma bitimbre i yen m’uthwo?

Luka 3:9

Cil kawono de lei ubedo ther ulag yedhi: ka kumeno ku ba yen ceke m’ucego nyinge ma ber ungo jung’ole piny, jubole i mac de.

Yohana 15:2

Ku ba janga ceke ma ni i ia ma cego nyinge ngo, ekabe woko: man ku ba janga ceke ma cego nyinge, elonye, kara eceg nyinge ma sagu.

Yohana 15:6

Tek ng’atu moko bedo i ia ngo, jubaye woko calu jange, ener de; e jucokogi, jubologi de i mac, man giwang’.

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

Juebrania 6:8

ento tek etwio ukudho kud ucok, e jukwere man e ceng’ni ku kwong’; ma kajikne juwang’e ku mac.