Matayo 22:4 - The Holy Bible In Alur (Lur) Revised Orthography

⁴ Eoro jumiru mange kendo, ewacu kumae, Yer ni ju ma juwakugi kumae, Nen, ayiko cemo para; koni dhiang’ para ku lim para m’ucwe de junego, gin ceke de bedo ayika: wubin bang’ agba mir ambadha.

Matayo 22:4 ပူးပေါင်းရင်းမြစ်များ

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Lembrieko 15:17

Cemo mi dek ma col, ka ma mer ni i ie, e ber Sagu ring’ dhiang’ ma mio karacelo kud adegi.

Wer Pa Suleman 5:1

Abino i podho para, nyamira, mugole para: Acoko udok ma ng’wice ng’ar para ku yath para ma jwa jwa; Acamu pedekic para ku kic para; Amadhu pigulok para ku cak para. Wucam, E jurimo; Wumadhi, eyo, wumadh k’abamba, E jumer.

Matayo 21:36

Kendo, eoro jumiru mange ma sagu ma kwong’a: e gitimo de kumeca i kumgi.

Matayo 22:5

Ento gidwoko lembene ni tara, gicidho de i yo migi, acel ba podho pare, mange kuloka pare;

Matayo 22:8

Elund ewacu ni jumiru pare kumae, Ambadha bedo ayika, ento ju ma juwakugi giromo ngo.

Luka 14:17

i kinde mi cemo mir uthieno eoro jamiru pare niwacu ni ju ma julwong’ogi kumae, Wubin; kum gin ceke bedo ayika kawono.

Tic Mi Jukwenda 1:8

Ento wun wubinwang’u tego, nwang’u Tipo Maleng’ uwok i wiwu: man wubibedo jumulembe para i Yerusalem, man i Yahudi ngung’ ku Samaria de, man cil i tung’ ng’om bende.

Tic Mi Jukwenda 13:46

Man Paolo giku Barnaba giyero ku fcegocwinygi, giwacu kumae, Maku wakowalar wayer iwu lembe pa Mungu be. Kum wucwale cen kud i kumwu, wupoko giwu ya wuromo ku kwo ma rondo ku rondo ngo, nen, walokra ba Thekdhanumange.

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?