Matayo 22:3 - The Holy Bible In Alur (Lur) Revised Orthography

³ m’uoro jumiru pare ulwong’ ju ma juwaku ni kwend ambadha: e gikwero bino.

Matayo 22:3 ပူးပေါင်းရင်းမြစ်များ

Zaburi 68:11

Rwoth mio lembe: Mon m’urweyo rwonglembe gin udul ma dit.

Isaya 30:15

Kum Rwoth Yehova, Ng’atu Maleng’ mir Israel, uwacu kumae, Wubiboth ni kum dwogo ku yom; tego mu bibedo nuti ni kum bedoyo man genogen. E wuyenyo ngo;

Yeremia 25:4

Man Yehova oro jutic pare ceke ma jubila i beng’wu, m’eai pir man eorogi (ento wuwinjo ngo, kadi ithwu de wuciko ngo mi winjo),

Yeremia 35:15

Aoro jutic para ceke ma jubila bende i beng’wu, m’aai ko pir man aorogi, m’a wacu kumae, Kawono wudwogi ku ba dhanu ku ba dhanu ng’atuman kud i yo pare ma rac, man wuyik giratima mu, man kud wulub tok mungu mange nia wutim igi, e wubibedo i ng’om m’amio iwu man ni kwaruwu; ento wuciko ithwu ngo, kadi wuwinjo dwanda de ngo.

Hoseya 11:2

Calu jubila lwong’ogi, e giwekogi kumeca: gilamu ni Balim, man giwang’u udok ma ng’wice ng’ar ni ayi gin m’acwia m’ang’ika.

Hoseya 11:7

E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

Zefania 1:7

Bed ling’ i vut Rwoth Yehova; kum ceng’ pa Yehova ni ceng’ni: kum Yehova yiko lam, elonyo welo pare.

Matayo 21:34

E ka nindo mi nyinge dhingo, eoro jumiru pare ba jutipodho, gici gigam nyinge.

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

Matayo 3:2

Wulok cwinywu; kum ker mi polo ni ceng’ni.

Matayo 9:15

Yesu wacu igi kumae, Juwagi won ambadha can copo negogi, ma fodi ginuti giku won ambadhagi? ento ceng’ biwok, ka jubikabu won ambadha woko kud i bang’gi, ka gibilund weko cam.

Luka 13:34

E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Luka 15:28

Ento ng’ecwiny umake, man eyio ngo emondi: e won uwok woko, man ecuke.

Luka 19:27

Ento jukwoja eni, ma giyio ngo nia abim wigi, wukelgi keni, wuneggi de i wang’a.

Yohana 5:40

man wuyenyo ngo wubin i bang’a, kara wubed ku kwo.

Tic Mi Jukwenda 13:45

Ento ka Juyahudi neno udul dhanu, ngiri negogi dwanya, e gipiemo lembe ma Paolo yero, giyanyu ayany de.

Jurumi 10:21

Ento pi Israel ewacu kumae, Ceng’ du ari nithang’u cinga ni ju ma gi juco man jupiem.

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

Juebrania 9:15

Kum lembe nini en e jarib lembariba ma nyen, kara tho m’udaru timbre pi war mi dubo ma gini the lembariba ma kwong’a, ju ma julwong’ogi gijol lembang’ola mi camupacu mi nja.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

1 Samwil 9:13

Ka wumondo i adhura, e wubinwang’e pio pio, ma fokeidho ngo i ka ma malu nicamu; kum dhanu bicamu ngo ma fokebino ngo, kum emio mugisa wi lamne; man yo ku ng’eye ju ma julwong’ogi gicamu. Ka kumeno kawono wuidhi; kum i kinde maeni wubinwang’e.