Matayo 2:4 - The Holy Bible In Alur (Lur) Revised Orthography

⁴ E kan ecoko julam ma dongo ceke karacelo ku jugorcik mi dhanu bende, epenjogi pi ka ma jubinyolo ie Kristu.

Matayo 2:4 ပူးပေါင်းရင်းမြစ်များ

2 Lemkei 34:13

Man gini wi juyeiter, man gidhulo tic mi dhanu ceke m’utimo tic mi timotim ma kwonde tung’ tung’ kubang’e kubang’e: man mi Julawi jugorcik, ku jego, man jukurdhugola ginuti.

2 Lemkei 34:15

E Hilkia loko lembe man ewacu ni Cafan ma jagorcik kumae, Anwang’u kitabu mi Cik i ot pa Yehova. Man Hilkia mio kitabune ba Cafan.

2 Lemkei 36:14

Mange ke judongo mi julam ceke, ku dhanu, gidubo dit apila tok ginmajudagu ceke mi thek; man gicido ot pa Yehova m’edwoko leng’ i Yerusalem.

Ezra 10:5

Ezra lund uai malu, man eketho julam ma dongo, ku Julawi, man Israel ceke, gikwong’o nia gibitimo calku lembe maeni. Ka kumeno gikwong’o.

Ezra 7:6

Ezra maeni idho malu kud i Babeli. Man en e jagorcik ma yot i cik pa Musa, ma Yehova, Mungu mir Israel, umio; man ubimo mio ire penji pare ceke, calku cing’ Yehova Mungu pare ma ni i wie.

Nehemia 12:7

man Salu, man Amok, man Hilkia, man Yedaya. Maeni gi judongo mi julam man mi uturneggi i nindo pa Yecuwa.

Zaburi 2:2

Ju m’ubimo m’i ng’om gicoko dhoggi, Man jubim giporo lembe karacelo, Kum Yehova, man kum ng’atu m’awira pare, ma giwacu ko kumae,

Yeremia 8:8

Wuwacu nenedi kumae. Wan wa riek, man cik pa Yehova ni kudwa? Ento, nen, kalamu mi ndra mi iugorcik timo ku ndra.

Malaki 2:7

Kum maku dendhu jalam ugwok ng’eyong’ec, man maku giyeny cik i dhoge; kum en e jakwenda pa Yehova mir udul.

Matayo 13:52

Man ewacu igi kumae, Ka kumeno ku ba jugorcik nzu ma judwoke jalub mi ker m’i polo e calu ng’atu ma won ot, m’ewodho woko kud i kind piny pare m’akana giki ma nyen ku giki m’uti.

Matayo 2:3

E ka Herode m’ubimo winjo maeni, cwinye ng’abre, en ku Yerusalem ceke bende.

Matayo 2:5

E giwacu ire kumae, I Beth-lehem mi Yahudi: kum egore kumeno ni kum jubila,

Matayo 21:15

Ento ka julam ma dongo ku jugorcik gineno gin ma wang’u ijo m’etimo, kud awia m’ubekok akoka i hekalu ma giwacu kumae, Hosana ni wod Daudi; e konda makugi dit,

Matayo 21:23

E kinde m’emondo i hekalu, julam ma dongo ku judongo mi dhanu gibino i bang’e kan ebeponjo, man giwacu kumae, Itimo gin maeni ku ng’ol manedi? ng’a m’umio iri ng’ol maeni?

Matayo 26:3

Julam ma dongo ku judongo mi dhanu gilund gicokri karacelo, i pondot pa jalam ma dit, ma julwong’o Kayafa;

Matayo 26:47

Kinde ma fodi ebeweco, nen, Yuda, ma ng’atu acel ma kind juapar wi ario, ubino kud udul dhanu ma dit ma gi weg palamularu ku dul de, ma giai ba julam ma dongo ku judongo mi dhanu.

Matayo 27:1

Nie kinde ma piny uru, julam ma dongo ceke ku judongo mi dhanu de giporo lembe kum Yesu kara ginege:

Matayo 7:29

kum eponjogi calu ng’atu m’ubedo ku ng’ol, calu jugorcik migi de ngo.

Marko 8:31

Emaku ponjogi de, nia Wod dhanu bikosendre be ku gin dupa, judongo ku julam ma dongo ku jugorcik de gibikwere, jubinege de, man ka ceng’ adek ukadhu ebicer kendo.

Luka 20:19

Jugorcik ku julam ma dongo giyenyo giketh cing’gi i kume i saa maeno nino; man gilworo dhanu: kum ging’eyo nia eyero lembabola maeni i kumgi.

Luka 23:10

E julam ma dongo ku jugorcik gicungo, gibedote apila.

Yohana 18:3

Ka Yuda gamu udul asikari, kud asikari mange de m’uai ba julam ma dongo ku Jufarisayo de, elund ebino kakeca ku thala ku ridhro ku jamtho de.

Yohana 3:10

Yesu loko lembe man ewacu ire kumae, In i japonji mir Israel, man ing’eyo gin maeni ngo?

Yohana 7:32

Jufarisayo giwinjo udul dhanu beng’uro gin maeni pire: e julam ma dongo ku Jufarisayo gioro asikari nimake.

Yohana 8:3

Jugorcik ku Jufarisayo de gikelo dhaku ma jurube m’ebegiere swa; e ka gikethe i diere,

Tic Mi Jukwenda 23:9

E piem ujai dit: jugorcik moko ma kind Jufarisayo gicungo, gipiemo, giwacu kumae, Wanwang’u dubo moko ngo i ng’atuni: kuno nyo tipo kadi malaika weco en i bang’e, ka nedi ke?

Tic Mi Jukwenda 4:5

E urwone lembe timbre kumae, ya jubim migi ku judongo man jugorcik de gicoko dhoggi i Yerusalem;

Tic Mi Jukwenda 6:12

Man githubo dhanu, ku judongo, man jugorcik, e gikonjri i kume, gimake, gikele de i wang’ dilo,