Matayo 17:5 - The Holy Bible In Alur (Lur) Revised Orthography

⁵ Kinde m’ebeweco, nen, afuru m’urieny uketho tipo i wigi: man nen, dwal uwacu ku i afuru kumae, Meni Woda ma jamerna, ma anyong’a nega i kume; wuwinje.

Matayo 17:5 ပူးပေါင်းရင်းမြစ်များ

Matayo 3:17

man nen, dwal uai i polo, uwacu kumae, Meni Woda ma jamerna, ma mutoro nega i kume.

Matayo 12:18

Nen, jatic para m’agoyo wie; Jamerna ma mutoro nego ng’eyong’ec para i kume: Abiketho Tipo para i wie, Man ebiyero lembapoka ni Thekdhanumange.

Marko 9:7

Afuru bino ketho tipo i wigi: dwal uai i afuru de wacu kumae, Maeni Woda ma jamerna: wuwinje.

Poi Mi Cik 18:15

Yehova Mungu peri biting’o jabila iri kud i kindi, mi utumeru, ma calu an; wubiwinjo dwande;

Yohana 3:35

Wego maru Wod, man emio gin ceke i cinge.

Marko 1:11

e dwal uai kud i polo kumae, In i Woda ma jamerna, ma mutoro nega i kumi.

Lembanyutha 1:7

Nen, ebino kud afuru; man ku ba wang’ ceke binene, ku ju m’ucobe de; man thek ceke m’i ng’om biywak ire. Cil kumeno. Amen.

Luka 3:22

man Tipo Maleng’ uloro i wie ku kum, calu mir akuru, dwal de ai i polo kumae, In i Woda ma jamerna; ma anyong’a nega i kumi.

Isaya 42:1

Nen, jatic para, m’ajengo; ng’atu m’afoya para, ma anyong’a nego cwinya i kume: aketho Tipo para i wie; ebikelo pokolembe ba Thekdhanumange.

Juebrania 5:9

en ma judaru dwoke ndhu cu, edoko jathekboth ma rondo ku rondo ni ju ma giwore ceke;

Poi Mi Cik 18:19

Man ebitimbre, nia ng’atu ma tek biwinjo lembe para ngo m’ebiyero ku nyinga, abilwong’e i bang’e.

Tic Mi Jukwenda 7:37

En e Musa maeno m’ewacu ni nyithindho pa Israel kumae, Mungu biting’o iwu jabila kud i kind juwedu, ma calu an.

Yohana 5:37

Man Wego m’uora, enyutho pira. Fodi wuwinjo dwande ngo nindo moko, kadi kite de fodi wuneno ngo.

Jukolosai 1:13

m’elaruwa kud i tego mi mudho, man elokowa i ker pa Wode mi mer pare;

Juefeso 1:6

ni pak mi dwong’ mi berone, m’edhenyo bwom iwa i Jamer;

Yohana 3:16

Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

Isaya 42:21

Enyayu mutoro i Yehova, ni kum bedopwe pare, ya eyungo cik, man edwoke mi yung.

Poi Mi Cik 5:22

Yehova yero lembe maeni ni cokri mu ceke wi got kud i die mac, mir afuru, man mi mudho ma bii, ku dwal ma dit: e emedo moko ngo. Man ekiewogi wi bankidi ario, e emiogi i bang’a.

Ai 19:19

E kinde ma dwal mir agwara doko dit man esagre, Musa yero, man Mungu loko ire lembe ku dwal.

Tic Mi Jukwenda 1:9

E kan edaru yero lembe maeni, kinde ma gibenene, e juting’e malu; afuru de jole kud i wang’gi.

Zaburi 81:7

Ilwong’o i can, man abodhi; Aloko iri lembe i ka m’ipondo ni morpolo, Amulo ii kum pi mi Meriba. [Sela.

Kitabu Pa Yob 38:1

Yehova lund uloko lembe ni Yob kud i wavuvu, man ewacu kumae,

Matayo 17:6

Ka julubne giwinjo maeni, gipodho arieba wang’gi, lworo de makugi dit.

Lembanyutha 14:14

E aneno, man nen, afuru ma tar; man aneno ng’atu m’ubedo wi afurune calu wod dhanu, ma jamkermiwic mi mola ma kwar ni i wie, man uligu ma bith ni i cinge.