Matayo 13:8 - The Holy Bible In Alur (Lur) Revised Orthography

⁸ mange ke podho wi ng’om ma ber, ecego nyinge de, moko acel bang’ dak, moko acel bang’ pier abusiel, moko acel bang’ pier adek.

Matayo 13:8 ပူးပေါင်းရင်းမြစ်များ

Thangambere 26:12

E Isak ucoyo kodhi i ng’om maeno, man enwang’u i rundi nica cam acel bang’ dak: e Yehova mio mugisa ire.

Matayo 13:23

Man maeni ma jucoye i ng’om ma ber ke, maeni en e ng’atu m’uwinjo lembe, man eng’eye; m’ecego nyinge andha, ecego de, moko acel bang’ dak, moko acel bang’ pier abusiel, moko acel bang’ pier adek.

Matayo 13:7

Mange ke podho kind ukudho; ukudho de dongo man edeyogi:

Marko 4:20

Ju maeni ke gi ju ma jucoyogi i ng’om ma ber; gi wagi ju m’uwinjo lembe, gijole de, man gicego nying’gi, acel bang’ pier adek, acel bang’ pier abusiel, acel bang’ dak.

Marko 4:8

Mange ke podho i ng’om ma ber, ecego nyinge de, edongo enyai de; man ecego nyinge, acel bang’ pier adek, man acel bang’ pier abusiel, man ke acel bang’ dak.

Luka 8:15

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Luka 8:8

Mange ke podho i ng’om ma mio, etwi de, man ecego nyinge, acel bang’ dak. Kan eyero gin maeni, ekok akoka kumae, Ng’atu ma ithe nuti m’ewinjo ko, wek ewinji.

Yohana 15:8

I maeni Vwa doko dwong’ ya wucego nyingwu dupa; man wubibedo julubna.

Jurumi 7:18

Kum ang’eyo nia i ia, lembene kumae, i kuma, gin moko m’ubedo ber umbe: kum yeny ma ia yenyo nia atim ko ber nuti kuda, ento tim ma nia atime kudo mbe.

Jufilipi 1:11

ma nying’ bedopwe, ma ni kum Yesu Kristu, e m’uyeng’wu, ni dwong’ pa Mungu ku pak ma jupake ko.