Matayo 11:6 - The Holy Bible In Alur (Lur) Revised Orthography

⁶ Man ng’atu ma tek binwang’u gin moko mbe i ia m’uketho ekier, mugisa ire.

Matayo 11:6 ပူးပေါင်းရင်းမြစ်များ

1 Jukorinto 2:14

Nie ng’atu ma mi kum ejolo gin mi Tipo Mungu ngo: kum gibedo ni lemkasegu ire; man ecopo ng’eyogi ngo, kum jung’iogi ku tipo.

Matayo 26:31

E Yesu lund uwacu igi kumae, Kewu ceke wubikier ni kuma i diewor maeni: kum egore kumae, Abigoyo jakwac, e rombe mir udul bilal mba.

Yohana 6:66

Kum maeni kind julubne dupa gidok cen, man giwotho kugi kendo ngo.

Matayo 24:10

Dhanu dupa de bilund kier, gibimiri de, man gibidagri.

1 Petro 2:8

man, Kidi ma redho jo, ku cana mi kier; kum gikier kum lembe, ma gi juco ko; ma yang’ jukethogi kum maeno bende.

Matayo 18:7

Can wi ng’om kum gin ma ketho jukier! kum ebedo kumeno nia gin ma ketho jukier ukoubin be; ento can wi ng’atu maeno ma gin ma ketho jukier uwok ni kume!

Jugalatia 5:11

Ento an, umego, tek fodi abeyero lembyaa asu, ka ke jubenyayu ragedo i kuma asu nedi? cudho mi kier mi yen m’athara ulund ukadhu woko.

Zaburi 119:1

Mugisa ni ju m’ubedo atira i yo, Ma giwotho ku cik pa Yehova.

Luka 2:34

man Simeon umio mugisa igi, man ewacu ni Mariamu ma min kumae, Nen, nyathin maeni kethre ni podho ku ai mi dupa i Israel; man pi giranyutha ma juyero pire rac:

Matayo 5:29

Man tek weng’i ma yor acwic uketho ikier, wodhe woko, baye cen kud i kumi: kum en e kuloka iri nia wathkumi acel urwiny, man kumi dho re ma ku jubol i gehena.

Matayo 13:21

ento ebedo kud ulage i ie gire ngo, ento ebedo nyangba; man ka masendi kadi ragedo wok kum lembe, e aruca ruca ekier.

Marko 6:3

Maeni jabodho mi bau ngo, ma wod Mariamu, umin mire ke Yakobo, ku Yose, man Yuda, ku Simon de? nyimin mire bende gini i bang’wa ngo? E gikier ni kume.

Luka 7:23

Mugisa ni ng’atu m’unwang’u lembe moko ngo m’ekier i wie ni kuma.

Yohana 16:1

Giki maeni ayero iwu, kara ku juketh wukier.