Matayo 10:6 - The Holy Bible In Alur (Lur) Revised Orthography

⁶ ento ma sagu wucidh ba rombe m’urwinyo m’i ot pa Israel.

Matayo 10:6 ပူးပေါင်းရင်းမြစ်များ

Zaburi 119:176

Akier calu rombo m’urwinyo; yeny jatic peri; Kum wia wil ungo kum lembang’ola peri.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Yeremia 50:17

Israel en e rombo ma julalu; umvor urieme cen: ma kwong’ane, ubimo mir Ascur ucame; man kawono ma cen Nebukadrezar m’ubimo mi Babeli turo cogone.

Yeremia 50:6

Dhanu para gibedo ni rombe m’urwinyo: jukwac migi ketho gikier; gilokogi cen wi gudi; gicidho ugambre kum got cil kum ungulu got; wigi wil kum kayom migi.

Ezekiel 34:16

Abiyenyo maeno m’urwinyo, man abidwoko maeno ma juriemo woko, man abitwio maeno m’utur, man abimio tego ni maeno ma kume lith; ento m’ucwe ma jutego de abinyotho; abikakugi ku pokolembe.

Ezekiel 34:4

Ma tho ni kume wumio tego ngo ire, kadi wucangu maeno ma kume lith de ngo, kadi wutwio gin m’utur de ngo, kadi wudwoko maeno ma juriemo cen de ngo, kadi wuyenyo maeno m’urwinyo de ngo; ento wubimo i wigi ku tego man ku kero.

Ezekiel 34:6

Rombe para wire kud i gudi ceke, man wi ungulu gudi kubang’e kubang’e; eyo, rombe para lal wi wang’ ng’om ceke; e ng’atu moko mbe m’uyenyo kadi m’usayu tokgi.

Ezekiel 34:8

Calu abedo kwo, Rwoth Yehova wacu, andha kum rombe para doko ni amaci, man rombe para doko ni cemo ni yedi ceke m’i thim, kum jakwac umbe, kadi jukwac para yenyo rombe para ngo, ento jukwac gikakri gigi ku cemo, man gikaku rombe para ku cemo ngo;

Matayo 18:10

Nen nia kud wucai acel m’i kind ju ma thindho maeni: kum awacu iwu, ya malaika migi m’i polo gineno wang’ Vwa m’i polo thiri thiri.

Matayo 18:11

Kum Wod dhanu bino nilaru ju m’urwinyo.

Luka 24:47

man kara juyer pi lokocwiny ku rucodubo i nyinge ni thek ceke, ugambre Yerusalem.

Tic Mi Jukwenda 13:46

Man Paolo giku Barnaba giyero ku fcegocwinygi, giwacu kumae, Maku wakowalar wayer iwu lembe pa Mungu be. Kum wucwale cen kud i kumwu, wupoko giwu ya wuromo ku kwo ma rondo ku rondo ngo, nen, walokra ba Thekdhanumange.

Tic Mi Jukwenda 18:6

E ka gipiembri giyanyu ayany de, eyengo bongu pare man ewacu igi kumae, Dong’ rimo mu bed i wiwu giwu; an a leng’ ugambre kawono a dong’ cidho ba Thekdhanumange.

Tic Mi Jukwenda 26:20

ento ku kwong’a ayero ni ju ma Dameski, i Yerusalem de, kud i ng’om Yahudi ngung’ bende, ni Thekdhanumange bende, nia gilok cwinygi man gilokri ba Mungu, gitim tic de m’uromo ku lokocwiny.

Tic Mi Jukwenda 3:26

Mungu m’edaru ting’o Jatic pare malu, elar eore iwu kara emi iwu mugisa, ku lokowu kubeng’wu kubeng’wu kum camuco mu.

1 Petro 2:25

Kum nwang’u wubekiewo calu rombe; ento kawono wudwogo ba Jakwac ku Jalieu mi ng’eyong’ec mu.