Matayo 1:12 - The Holy Bible In Alur (Lur) Revised Orthography

¹² Yo ng’ei dak ma Babeli Yekonia nyolo Cealtiel; Cealtiel ke nyolo Zerubabel;

Matayo 1:12 ပူးပေါင်းရင်းမြစ်များ

2 Ubimo 24:14

Man eyaku Yerusalem ceke, ku judongomawijo ceke, ku dhanu ma tek ceke ma jurukara, en e dhanu ma ng’eca rubanga apar, ku jubodho ceke man weg uka; moko mbe m’udong’, ndhu dhanu ma sai m’i ng’ombe.

2 Ubimo 25:27

Man etimbre i rundi pier adek wi abirone mi ng’eca pa Yehoiakin m’ubimo mi Yuda, i dwi apar wi arionde, i ceng’ pier ario wi abirone mi dwije, nia Evilmerodak m’ubimo mi Babeli, i rundi m’emaku camu ie ker, eting’o wi Yehoiakin m’ubimo mi Yuda kud i odkol;

I Lemkei 3:17

Man wot Yekonia, ma jakol gi eni: Cealtiel ma wode,

Ezra 3:2

Yecuwa ma wod Yozadak ulund ucungo malu, ku utumin mire ma julam, man Zerubabel ma wod Cealtiel, man utumin mire, e gigomo pemblam pa Mungu mir Israel, kara gimi lam m’awang’a i wie, calu egore i cik pa Musa ma dhanu pa Mungu.

Ezra 5:2

Zerubabel ma wod Cealtiel, man Yecuwa ma wod Yozadak, ulund uai man gimaku gomo ot pa Mungu ma ni i Yerusalem man jubila pa Mungu gini karacelo kugi, ma gibekonyogi,

Nehemia 12:1

Nie maeni gi julam ku Julawi m’uidho malu karacelo ku Zerubabel ma wod Cealtiel, ku Yecuwa: Seraya, man Yeremia, man Ezra,

Yeremia 22:24

Calu abedo kwo, Yehova wacu kadok Konia ma wod Yehoiakim m’ubimo mi Yuda en e lagith mir ayi i cinga ma yor acwic, ento kuno di akebi ku kuno;

Yeremia 22:28

Ng’atu maeni ma Konia en e agulu m’ung’eny ma jucayu? en e agulu ma ng’atu moko mbe ma anyong’a nege i kume? pirang’o jubayugi woko, en ku kodhine, man jubayugi i ng’om ma ging’eyo ngo?

Yeremia 22:30

Yehova wacu kumae, Wugor ng’atu maeni m’umbe nyathin, ng’atu ma lembe bibedo miero ire ngo i nindo pare; kum ng’atu moko mbe ma nyakware ma bibedo ku mierolembe kendo, ma bibedo wi komker pa Daudi, man ma bibimo i Yuda.

Yeremia 27:20

ma Nebukadnezar m’ubimo mi Babeli yaku ngo, kinde m’etero Yekonia ma wod Yehoiakim ni ng’eca, m’ubimo mi Yuda, kud i Yerusalem etere i Babeli, ku weg yung mi Yuda ceke, man Yerusalem;

Hagai 1:1

I rundi mir arionde pa Dario m’ubimo, dwi mir abusiende, i ceng’ ma kwong’a mi dwije, lembe pa Yehova bino ba Zerubabel ma wod Cealtiel, ma jabim mi Yuda, man ba Yocuwa ma wod Yehozadak, ma jalam ma dit, ku dhu Hagai ma jabila, m’uwacu kumae,

Hagai 1:12

Zerubabel ma wod Cealtiel, man Yocuwa ma wod Yehozadak, ma jalam ma dit, karacelo ku dong’ dhanu, gilund giworo dwand Yehova Mungu migi, ku lembe pa Hagai ma jabila, calu Yehova Mungu migi ore; man lworo maku dhanu i wang’ Yehova.

Hagai 1:14

Man Yehova ting’o cwiny Zerubabel ma wod Cealtiel, ma jabim mi Yuda, ku cwiny Yocuwa ma wod Yehozadak, ma jalam ma dit, ku cwiny dhanu ceke m’udong’; man gibino gitimo tic wi ot pa Yehova mir udul, ma Mungu migi,

Hagai 2:2

Kawono yer ni Zerubabel ma wod Cealtiel, ma jabim mi Yuda, man ni Yocuwa ma wod Yehozadak, ma jalam ma dit, man ni dong’ dhanu, wac kumae,

Hagai 2:23

I ceng’ maeca, Yehova mir udul uwacu, abigemi, E Zerubabel, ma jatic para, ma wod Cealtiel, Yehova wacu, man abiketho ibedo calu lagith mir ayi; kum agoyo wii, Yehova mir udul uwacu.

Matayo 1:11

Yosia ke nyolo Yekonia ku utumin mire nindo ma gidak Babeli.

Matayo 1:13

Zerubabel ke nyolo Abihud; Abihud ke nyolo Eliakim; Eliakim ke nyolo Azor;

Matayo 1:17

Kum kumeno thekwaru ceke m’ugambre kum Ibrahim utundo kum Daudi gi thekwaru apar wi ang’wen; m’ugambre de kum Daudi utundo kum dak ma Babeli de gi thekwaru apar wi ang’wen; m’ugambre kum dak ma Babeli de utundo kum Kristu gi thekwaru apar wi ang’wen.

Luka 3:27

ma wod Yohana, ma wod Resa, ma wod Zorobabel, ma wod Salathiel, ma wod Neri,