Matayo 1:1 - The Holy Bible In Alur (Lur) Revised Orthography

¹ Kitabu mi thekwaru pa Yesu Kristu, wod Daudi, wod Ibrahim.

Matayo 1:1 ပူးပေါင်းရင်းမြစ်များ

Thangambere 12:3

man abimio mugisa ni ju m’umio mugisa iri, man ng’atu m’ulemi abilame: man wat ceke m’i ng’om binwang’u mugisa ni kumi.

Thangambere 2:4

Maeni thek piny m’i polo man m’i ng’om kinde ma jucwiogi, i ceng’ ma Yehova Mungu cwio ie ng’om ku polo.

Thangambere 22:18

man i kodhini thek ceke m’i ng’om binwang’u mugisa; kum iworo dwanda.

Thangambere 5:1

Maeni kitabu mi dhanum’utuk pa Adamu. I ceng’ ma Mungu cwio ie dhanu, ecwie kud ayi Mungu;

Zaburi 132:11

Yehova kwong’o ni Daudi ku lemandha; Ebidok cen ungo kud i kume: Abiketho kodhi mi kumi wi komker peri.

Zaburi 89:3

Atimo lembariba ku ng’atu m’agoyo wie para, Akwong’o ni Daudi ma jatic para:

Zaburi 89:36

Kodhine bibedo mi nja, Man komker pare calu ceng’ i wang’a.

Isaya 11:1

Man giralotha biloth ku kum dund Yese, man jange m’uai i ulage bicego nyinge.

Isaya 53:8

Jukabe cen ni kum masendi ku pokolembe; man pi dhanum’utuk pare, ng’a m’i kindgi m’uparu nia jukabe woko kud i ng’om mi ju ma kwo pi gondri mi dhanu para ma maku goc upodh i kumgi?

Yeremia 23:5

Nen, nindo bino, Yehova wacu, nia abiting’o Jang ma pwe ni Daudi, man ebicamu ker calu ubimo man ebitimo ku rieko, e ebitimo pokolembe ku bedopwe i ng’om.

Yeremia 33:26

e abibayu kodhi Yakobo, man pa Daudi ma jatic para bende, ketho nia abigamu kodhine ngo ubed ni ubimo wi kodhi Ibrahim, kud Isak, man Yakobo: kum abiketho ng’eca migi dwogo, man kisa binega i kumgi.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Zekaria 12:8

I ceng’ maeca Yehova bicungo i kum ju m’ubedo i Yerusalem; man ng’atu m’ubedo ng’ic i kindgi i ceng’ maeca bibedo calu Daudi; man ot pa Daudi bibedo calu Mungu, calu malaika pa Yehova i wang’gi.

Matayo 1:18

Nwang’u nyol pa Yesu Kristu bedo kumae; Kinde ma min mire ma Mariamu Yusuf umaku benyome, ka fodi gibino karacelo ngo junwang’u egamu ic ku Tipo Maleng’.

Matayo 1:2

Ibrahim unyolo Isak; Isak ke nyolo Yakobo; Yakobo ke nyolo Yuda ku utumin mire;

Matayo 15:22

Man nen, Dhakananaya uai kud i kieu maeno, man ekok akoka, ewacu kumae, Bed ku kisa i kuma, E Rwoth, i wod Daudi; nyara besendre dit ku pajogi.

Matayo 3:16

Yesu de, kan emaku baputisi, eai malu tho kud i pi: nen, polo yabre ire, man eneno Tipo Mungu beloro calu akuru, ebino de i wie;

Matayo 9:27

E ka Yesu ai ku kakeca, dhanu ario m’abinga gilubo ng’eye, gikok akoka, giwacu kumae, Bed ku kisa i kumwa, in i wod Daudi.

Luka 1:33

Man ebicamu ker wi ot pa Yakobo mi nja; kajik mi ker pare de bibedo umbe.

Yohana 7:42

Lembagora pa Mungu wacu ngo nia Kristu ai ba kodhi Daudi, man i Beth-lehem, pacu ma yang’ Daudi bedo i ie?

Tic Mi Jukwenda 2:30

Kum en e jabila, m’eng’eyo de nia Mungu ng’olo ire ku kwong’, nia kum kodhi mi kume ebiketho ng’atu acel wi komker pare:

Jurumi 1:3

pi Wode, ma junyolo mi kodhi Daudi calku kum,

Jurumi 4:13

Kum lembang’ola mire ni Ibrahim ku nyikwaye de ni kum cik ungo nia ebed jacampacu m’i ng’om, endre ni kum bedopwe mi yioyic.

Jurumi 9:5

ma kwaru en e migi, ma Kristu bende ai i bang’gi calku kum, ma ceke eni i wie, Mungu ma won mugisa ma nja. Amen.

Jugalatia 3:16

Nie lembang’ola pa Mungu jung’olo ni Ibrahim, man ni nyakware. Ewacu ngo kumae, Man ni nyikwaye, calu ya gi dupa; ento calu ma acel, Man ni nyakweri, ma en e Kristu.

1 Timoteo 2:5

Kum Mungu en e acel, jakind Mungu ku dhanu de acel, en de e dhanu, ma Kristu Yesu,

2 Timoteo 2:8

Poi kum Yesu Kristu, m’eai ku kind ju m’utho, mi kodhi pa Daudi, calku lembanyong’a para ma juboth ko:

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.