Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.
Aneno maram juketho ko komker, man ng’atu m’uti mi ceng’ ujany: kendi pare tar calu pei, man yukwie calu yuk rombe ma leng’; komker pare lebmac m’uliel, ukobrene mac m’uliel.
E Kornelio wacu kumae, Ceng’ ang’wen m’ukadhu dre unyoni, abekwiro saa mir abung’wende mi rwo i ot para; nen, ng’atu moko cungo i wang’a ku kendi m’urieny,
kara wucam ring ju ma gin ubimo, man ring ju ma gi jego, man ring dhanu ma dongo, man ring riuni ku mi ju m’ubedo i wigi, ku ring dhanu ceke, paker ku jumiru bende, ju ma thindho ku ju ma dongo de.
Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.
Yo ng’ei gin maeni aneno, man nen, udul dhanu ma dit, ma ng’atu moko mbe ma copo kwanu, m’uai kud i thek ceke kubang’gi nzu man kud i suru ceke man kodhidhanu ku dhok, gicungo wang’ komker man i wang’ Nyathi Rombo, ma gironyo kendi ma tar ma lot, ku ndhendhe i cing’gi;