Marko 8:2 - The Holy Bible In Alur (Lur) Revised Orthography

² Ngisi benega kum udul dhanu, kum gibedo i bang’a kawono doko ceng’ adek, ma cam umbe kugi:

Marko 8:2 ပူးပေါင်းရင်းမြစ်များ

1 Ubimo 19:6

E eneno, man, nen, kwen m’apada ma jutedo wi cukmac ni ceng’ni wie, ku cupa mi pi. Man ecamu emadhu de, e evuto kendo.

Zaburi 103:13

Calu won nyithindho bedo ku cwinye ma ng’ic kum nyithindhe, E Yehova de bedo ku cwinye ma ng’ic kumeno kum ju m’ulwore.

Zaburi 145:15

Wang’ gin ceke kuri; Man imio igi cemo migi i nindone.

Zaburi 145:8

Yehova e won bero, man won kisa; Ng’ecwiny nege pio ngo, man e dit ku mer mi bero.

Mika 7:19

Ngisi binege kendo i kumwa; ebinyono kier mwa the tielo; man ibibayu dubo migi ceke i thuth mi nam.

Matayo 14:14

E eai woko, eneno udul dhanu de ma dit, man ngisi nege i kumgi, e ekeyo kum weg tho migi.

Matayo 20:34

E Yesu, ma ngisi benege, emulo wang’gi: e eni eni gimaku neno piny, man gilubo ng’eye.

Matayo 9:36

Ento kan eneno udul dhanu, ngisi nege i kumgi, kum givoc gilal de, calu rombe ma jakwac umbe kugi.

Marko 1:41

E en ma ngisi nege, erieyo cinge, emulo ko kume, ewacu ire kumae, Ayenyo; kumi dok leng’.

Marko 5:19

Man eyio ire ngo, edong’ ewacu ire kumae, Dok i ot peri ba jurimbi, yer igi rama Rwoth utimo ko gin ma dit iri, man rama kisa nege ko i kumi de.

Marko 6:32

E giai ku combo gicidho i ka ma ngele kakendgi.

Marko 6:34

Eai woko eneno udul dhanu ma dit de, e ngisi nege i kumgi, kum gibedo calu rombe ma jakwac migi mbe: man emaku ponjogi ku gin dupa.

Marko 8:3

tek alalugi ya gidok thugi ku kec, gibivoc i yo; jumoko m’i kindgi de giai bor.

Marko 9:22

Ebederedhe i mac kud i pi bende wang’ udul, nik enyothe: ento tek icopo timo gin moko, bed ku ngisi i kumwa, ikonywa.

Luka 15:20

E eai, ebino de ba won. Ento ka fodi eni bor, won unene, ngisi nege de, man eringo, egwaku ng’ute, ecwio limbe de.

Luka 7:13

Ka Rwoth unene, ngisi nege i kume, man ewacu ire kumae, Kud iywaki.

Juebrania 2:17

Kum kumeno emake ya juketh ebed calu utumin i gin ceke, kara edok ni jalam ma dit, ma won kisa mandha de i gin pa Mungu, kara eduny pi dubo mi dhanu.

Juebrania 4:15

Kum wakubedo ku jalam ma dit ungo ma can kunege ngo kum ng’ic ma wa ng’ic ko; endre ng’atu ma jubidhe kum gin ceke ma calu jubidho kowa, ere ma dubo mbe.

Juebrania 5:2

m’ecopo oyo lembe mi ju ma cobo ku ju ma kier, kum en gire bende eni i ng’ic;