Marko 5:7 - The Holy Bible In Alur (Lur) Revised Orthography

⁷ ekok ku dwande ma tek, ewacu kumae, Lembe mwa ang’o wakudi, Yesu, in i Wod Mungu ma Malu Ngbir. Aketho ikwong’o ba Mungu, kud imi ira ndiba.

Marko 5:7 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

1 Ubimo 22:16

E ubimo wacu ire kumae, Abikwong’i wang’ adi nia kud iyer ira gin moko ndhu lemandha ku nying’ Yehova?

Hoseya 14:8

Efraim biwacu kumae, Abibedo kud ang’o kendo ku mungu m’araga? Aloko lembe, man abinene: an a calu sipre ma numu; nyingi nwangre i bang’a.

Matayo 16:16

E Simon Petro loko lembe ewacu kumae, In i Kristu, Wod Mungu ma kwo.

Matayo 26:63

Ento Yesu bedo pare ling’. Jalam ma dit de wacu ire kumae, Aketho ikwong’o ku Mungu ma kwo, ya iwac iwa tek in i Kristu, ma Wod Mungu.

Matayo 4:3

Man jabidhe bino ewacu ire de kumae, Tek in i Wod Mungu, ng’ol nia kidi maeni dok ni kwen.

Matayo 8:29

Man nen, gikok akoka, giwacu kumae, Wabedo kud ang’o wakudu, in i Wod Mungu? ibino kuni nisendowa ma fodi kanindone kutundo ngo?

Marko 1:24

ewacu kumae, Lembe mwa ang’o wakudu, in i Yesu ma Janazareti? ibino ninyothowa? ang’ei in i ng’adi, ma Ng’atu Maleng’ pa Mungu.

Marko 14:61

Ento ebedo ling’, eloko lembe moko ngo. Jalam ma dit upenje kendo, ewacu ire kumae, In i Kristu, Wod Jamugisa?

Marko 3:11

Tipo m’ucido de, ka ginene, gipodho piny i wang’e, gikok akoka, giwacu kumae, In i Wod Mungu.

Marko 5:6

E kan eneno Yesu ku bor, eringo aringa erwo de i bang’e:

Marko 5:8

Kum ewacu ire kumae, Wok woko kud i ng’atuno, in i tipo m’ucido.

Luka 1:32

Ebibedo dwong’, man jubilwong’e Wod Ng’atu ma Malu Ngbir: man Rwoth Mungu bimio ire komker pa kwarumire Daudi.

Luka 4:34

Ha! Yesu in ma Janazareti, wabedo ku lembang’o wakudi? ibino nyothowa? Ang’ei in i ng’adi, Ng’atu Maleng’ pa Mungu.

Luka 6:35

Ento wumar judegiwu, wutimgi ber, wumi banja, kud wugen nia wang’e dwog iwu; man sukulia mu bibedo dit, wun de wubibedo wot Ng’atu ma Malu Ngbir: kum e ber ni ju m’umbe foyofoc ku judubo bende.

Luka 8:28

E kan eneno Yesu, ekok akoka, man epodho piny i wang’e, ewacu kumae ku dwande ma tek, Watim ang’o wakudi, Yesu, in i Wod Mungu ma Malu Ngbiri? Akwei, kud isenda.

Yohana 20:31

ento maeni gore kara wuyi nia Yesu en e Kristu, ma Wod Mungu; man kara ka wuyio wubed ku kwo i nyinge.

Tic Mi Jukwenda 16:17

Nyano kan ebelubo tokwa waku Paologi ekok akoka, ewacu kumae, Joni gi jumiru pa Mungu ma Malu Ngbir, ma giyero iwu yo mi both.

Tic Mi Jukwenda 19:13

Ento Juyahudi moko bende ma giwotho swa, gi weg ajoga, gimaku lwong’o nying Rwoth Yesu wi ju ma weg tipo ma rac giwacu kumae, Wakwong’owu ku Yesu ma Paolo beyero pire.

Tic Mi Jukwenda 8:36

Man ka gibecidho i yo, gitundo kum pi moko; e jamugumba wacu kumae, Nen, pi eni; girang’o m’ucera ku maku baputisi?

Jurumi 16:20

Man Mungu mi kwiocwiny binyono Jok the tiendwu fodi nyanok. Bero pa Rwoth mwa Yesu Kristu bed i beng’wu.

Juebrania 2:14

Kum nwang’u nyithindho gr jurib ring’o ku rimo, en gire bende egamu maeno nino kumeca; kara ni kum tho ethir ng’atu ma jatego mi tho, ma en e wonabali;

Juebrania 7:1

Kum Melkizedek maeni, ubimo mi Salem, jalam pa Mungu ma Malu Ngbir, m’erombo kud Ibrahim nwang’u ebedwogo m’eai i nek mir ubimo man emio ire mugisa,

Yakobo 2:19

Iyio ya Mungu en e acel; itimo dre: pajogi bende giyio, kumgi de bemiel.

2 Petro 2:4

Kum tek Mungu weko malaika m’udubo ngo, ento ebologi i gehena, man ekethogi i vur mi mudho, ma jugwoko kogi cil ni pokolembe;

1 Yohana 3:8

ng’atu ma timo dubo en e pa wonabali; kum wonabali dubo ugambre ku kwong’a. Kum lembe maeni Wod Mungu nyuthre, kara enyoth tic pa wonabali.

Yuda 1:6

Man ke malaika de ma gigwoko ka ker migi gigi ngo, ento giweko kakagi m’umakugi, egwoko i kol ma nja ku nja the mudho, cil i lembapoka mi ceng’ ma dwong’ nini.

Lembanyutha 12:12

Ka kumeno anyong’a negwu, E polo, ku wun ma wubedo i igi de. Can ni ng’om ku nam de: kum wonabali loro piny i beng’wu, ma kwinyo ma dit ni i bang’e, m’eng’eyo ko nia nindo dong’ ire nyanok kende.