Marko 3:2 - The Holy Bible In Alur (Lur) Revised Orthography

² E gikie, tek ebicange i ceng’ sabatu: kara gidote.

Marko 3:2 ပူးပေါင်းရင်းမြစ်များ

Zaburi 37:32

Jadubo libo won bedopwe, Man eyenyo kanege.

Yeremia 20:10

Kum awinjo yeronying’ mi dhanu dupa, ndiri ni kun ku kun. Jurimba ceke ma ceng’ni, gi ju m’ukuro kier para, giwacu kumae, Dote, e wabidote, kuno nyo ebiyio iwa, e wabisage, man wabiculo kwor mwa i kume.

Daniel 6:4

Judongo ku jego gilund giyenyo ginwang’ lembe kum Daniel pi ker; ento gicopo nwang’u lembe moko ngo kadok lem ma rac, kum en e mandha, kadok kier moko kadi lem ma rac de junwang’u i ie ngo.

Matayo 12:10

man nen, ng’atu ma cinge lindre. Gipenje de, giwacu kumae, Cik uyio jukei kum ceng’ sabatu? kara gidote.

Marko 3:3

Man ewacu ni ng’atu ma cinge lindre kumae, Cung i diere.

Luka 14:1

Man etimbre, kan emondo i ot pa ng’atu acel ma kind jubim mi Jufarisayo i ceng’ sabatu nicamu kwen, nia gibekenge.

Luka 20:20

E gioro julib de i bang’e, ma gipali gigi nia gi pwe, kara gimak lembe m’i dhoge, kara gimie ni tego ku ng’ol pa jabim.

Luka 6:7

E jugorcik ku Jufarisayo de gilibe, tek ebikeyo kum ceng’ sabatu; kara ginwang’ maram gidote ko.

Yohana 8:6

E giwacu maeni, ma gibidhe ko, kara ginwang’ agobe i wie. Ento Yesu gung’ piny, man egoro wi ng’om ku lwete.

Yohana 9:16

Ka kumeno jumoko ma kind Jufarisayo giwacu kumae, Ng’atuni ai ba Mungu ngo, kum ekwiro ceng’ sabatu ngo. Ento jumoko wacu kumae, Ng’atu ma jadubo copo timo giranyutha ma kumeni nenedi? E pokri ni i kindgi.