Marko 13:9 - The Holy Bible In Alur (Lur) Revised Orthography

⁹ Ento dong’ wukuru giwu: kum jubikethowu i wang’ dilo i kacokri de jubifodowu; wubicungo i wang’ jubim ku ju m’ubimo de pira, ni lembatuca igi.

Marko 13:9 ပူးပေါင်းရင်းမြစ်များ

Matayo 5:22

ento awacu iwu, nia ku ba dhanu nzu ng’atu ma tek ng’ecwiny binege kum umin ma there mbe ebibedo ceng’ni lembapoka; man ng’atu ma tek biwacu ni umin mire kumae, Raka, thelembene kumae, In ma kiti mbe e, ebibedo ceng’ni dilo; man ng’atu ma tek biwacu kumae, In i jakasegu, ebibedo ceng’ni gehena mi mac.

Marko 1:44

ewacu ire kumae, Nen kud iyer gin moko ni ng’atu moko: ento cidhi inyuthri ni jalam, ithier gin mi dwokoleng’ peri ma Musa ng’olo, ni lembatuca igi.

Marko 13:5

E Yesu maku yero igi kumae, Wukuru, kara ng’atu moko kud uwingwu.

Marko 13:8

Kum thek bijai kum thek wadi, ker de kum ker wadi; digidi de bibedo nuti tak tak; ndru de bipodho: gin maeni en e landu wi can.

Marko 6:11

Ka ma tek jujolowu i ie ngo, man giwinjowu ngo, ka wuai keca, wukir utur ma the tiendwu woko ni lembatuca igi.

Luka 9:5

Dhanu ceke m’ujolowu ngo, ka wuai ku i adhura maeni, wukir utur woko kud i tiendwu ni lembatuca igi.

Yohana 15:20

Wupoi kum lembe m’ayero iwu kumae, Jamiru sagu rwodhe ngo. Tek ginyayu ragedo i kuma, gibinyayu ragedo i kumwu bende; tek giworo lembe para, gibiworo mu bende.

Yohana 16:2

Gibiwodhowu woko kud i cokri: eyo, saa bebino, nia ng’atu m’unegowu biwacu nyo ethiero rwo ni Mungu.

Tic Mi Jukwenda 21:11

E ebino i bang’wa, eting’o thondh pier Paolo, etwio ko tiende ku cinge, ewacu kumae, Tipo Maleng’ uwacu kumae, Juyahudi ma i Yerusalem gibitwio ng’atu ma won thondh pier maeni kumeni, gibikethe de i cing’ Thekdhanumange.

Tic Mi Jukwenda 7:54

E ka giwinjo gin maeni ethumo adundegi, man ging’enjo lakgi i kume.

Tic Mi Jukwenda 9:16

kum abinyutho ire kwai gin dupa m’ebikosendre kudo be kum nyinga.

Jufilipi 1:29

kum emire iwu ni kum Kristu, ya wuyie ayia kende ngo, endre ya wusendru pire bende:

2 Jutesaloniki 1:5

m’e giranyutha ngbeng’ mi pokolembe ma pwe pa Mungu; kara jukwanwu ya wuromo ku ker pa Mungu, ma wuneno can pire bende:

2 Yohana 1:8

Dong’wubed ku weng’wu i kumwu giwu, kara kud w urwiny gin ma watimo, endre wunwang’ sukulia m’ubedo dho.

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.