Malaki 4:3 - The Holy Bible In Alur (Lur) Revised Orthography

³ Man wubinyono judubo piny; kum gibibedo ni vuru the tiendwu i ceng’ m’atimo maeni, Yehova mir udul uwacu.

Malaki 4:3 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

2 Samwil 22:39

Man anyothogi, e agoyogi foo, ketho gicopo ai ungo: Eyo, gipodho the tienda.

2 Samwil 22:43

Alund aodogi nyung’u nyung’u calu utur m’i ng’om, Man anyonogi calu ulobo m’i gengi, man amoyogi mba mba.

Kitabu Pa Yob 40:12

Nen wi dhanu ceke kubang’gi kubang’gi ma jakuhaya, man ijwige piny; Man inyon judubo ku ka ma gicungo i ie.

Zaburi 147:6

Yehova jengo ju ma mol Ejwigo jadubo piny i ng’om.

Zaburi 49:14

Jukethogi calu udul rombe ni liel; Tho bibedo jakwac migi: Man ju m’atira bicamu ker i wigi kugweno; Man leng’kumgi bibedo ni liel kara udare, Kara kabedo moko bed umbe ire.

Zaburi 91:13

E ibinyono umvor kud urobi: Nyathin umvor ku thwol de ibinyono the tiendi.

Isaya 25:10

Kum cing’ Yehova biyom i got maeni; man jubinyono Moab piny i kakare, cil calu junyono soka i pi mir udhuru mi weyo.

Isaya 26:6

Tielo binyone piny; en e tielo mi jucan, ku dakutielo mi jucanpiny.

Ywak 1:15

Rwoth udwoko dhanu para ma jukero ceke i kinda; Elwong’o cokri mi rwo i kuma kara ung’eny awobi para: Rwoth unyono nya Yuda ma ng’won calu i pany mir ulok.

Ezekiel 28:18

Icido kamaleng’ peri kud udul kier peri, i gondri mi kuloka peri; ka kumeno awodho mac kud i kindi; eweng’i, man eloki ni vuru wi ng’om i wang’ dhanu ceke m’uneni.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Mika 5:8

Man dong’ Yakobo bibedo i kind thek, i die kodhidhanu dupa, calu umvor i kind yedi m’i luli, calu nyathin umvor i kind udul rombe; ma, tek ekadhu akadha, enyono piny man eyeco nziki nziki, e ng’atu moko mbe ma laru.

Mika 7:10

E jadegina bilund neno maeni, man lewic biumo ng’atu m’uwacu ira kumae, Yehova Mungu peri ni kani? Wang’a bineno yeny ma ia yenyo i wie; kawono jubinyone piny i unzabu mi gengi.

Zekaria 10:5

Man gibibedo calu dhanu ma tek, ma gibenyono jukwojgi i unzabu mi gengi i lwiny; man gibikiedo, kum Yehova ni karacelo kugi; man cwiny ju m’uwotho ku wi riuni bing’abre.

Malaki 3:17

E gibibedo para, Yehova mir udul uwacu, cu piny para ma dhe, i ceng’ m’atimo ie maeni; e kisa binega i kumgi, calu kisa nego dhanu kum wode ma dhe ma timo ire.

Jurumi 16:20

Man Mungu mi kwiocwiny binyono Jok the tiendwu fodi nyanok. Bero pa Rwoth mwa Yesu Kristu bed i beng’wu.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 14:20

Man pany pigulok juyoke woko ng’ei adhura, man rimo ai kud i pany pigulok, cil ni utwindi mi riuni, cil ungolo dak ang’wen.