Malaki 4:2 - The Holy Bible In Alur (Lur) Revised Orthography

² Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Malaki 4:2 ပူးပေါင်းရင်းမြစ်များ

2 Samwil 23:4

Ebibedo calu der mi nyangu, kinde ma ceng’ uwok, Nyangu m’umbe afuru, Kinde ma lum ma yom uloth kud i ng’om, Ni kum rienyne ma yo ng’ei koth.

Zaburi 103:3

M’eweko ko kier peri ceke woko; M’ekeyo ko tho peri ceke ma kwonde tung’ tung’;

Zaburi 147:3

Ecangu ju ma cwinygi tur, Man eriwo wang’ lero migi.

Zaburi 61:5

Kum in, E Mungu, iwinjo lembang’ola para: Imio ira aba mi ju m’ulworo nyingi.

Zaburi 67:1

Mungu bed ku kisa i kumwa, man imi mugisa iwa, Man eketh wang’e rieny i wiwa; [Sela.

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Zaburi 85:9

Andha both pare ni ceng’ni ju m’ulwore, Kara dwong’ ubed i ng’om mwa.

Lembrieko 4:18

Ento yo mi ju ma pwe calu der mi rupiny, Ma cikusagre asaga ku rieny cil kum ceng’ ma cu.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Isaya 35:6

Jarabala bilund por malu calu thwon ruda, man leb ajuba biwero wer; kum pi bithwogre kud i langa, man kulo kud i ng’omngele.

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 50:10

Ng’a m’i kindwu m’ulworo Yehova, m’uworo dwand jatic pare? ng’atu m’uwotho i mudho, man der umbe kude, wek egen nying’ Yehova, man ejeng’ kum Mungu pare.

Isaya 53:5

Ento jutong’o lero i kume pi gondri mwa, junyayu rem i kume kum kier mwa; ponji mi kwiocwiny mwa ni i wie; man wacangu ni kum goc pare.

Isaya 9:2

Dhanu m’uwotho i mudho gineno der ma dit: gi ju ma gibedo i ng’om mi tipo mi tho, der urieny i wigi.

Yeremia 17:14

Canga, E Yehova, e kuma bikei; bodha, e abiboth: kum in i pak para.

Yeremia 30:17

Kum abidwoko leng’kum iri, man abicangu lero peri, Yehova wacu; kum gilwong’i ng’atu ma jubayu, giwacu kumae, En e Sayuni, ma ng’atu moko mbe m’uyenyo.

Yeremia 33:6

Nen, abikelo leng’kum man cang i bang’e, e abicangugi; man abinyutho igi dit mi kwiocwiny ku lemandha.

Ezekiel 47:12

Man dhu kulo ma dit wi ng’ete, wi ng’ete kucel man wi ng’ete mucelo, yen mi cemo bitwi kubang’e kubang’e, ma ithe biner ungo, kadok nyinge de birem ungo: ebicego nyinge ma nyen ku ba dwi ku ba dwi, kum pige wok woko kud i kamaleng’; man nyinge bibedo mi cemo, man ithe mi cangu.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Hoseya 6:3

E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Malaki 3:16

Ju ma lworo Yehova gilund giwecri i kindgi; e Yehova ciko ithe, man ewinjo, e kitabu mi poi ukieure i wang’e, pi ju ma lworo Yehova, man pia igi pido pi nyinge.

Matayo 11:5

ju ma abinga maku nenopiny, weg abala bende gibewotho, weg joi de kumgi lony, ju ma ithgi dhing’ bende giwinjo, ju m’utho ndhu de gicer, jucan bende jubeyero igi lembanyong’a ma juboth ko.

Matayo 23:37

E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo!

Luka 1:50

Kisa pare de bedo ni dhanum’utuk ku dhanum’utuk Wi ju m’ulwore.

Luka 1:78

Kum kisa ma ng’ic pa Mungu mwa, Ni kum maeni rupiny m’uai malu biliewowa,

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:4

Kwo bedo i ie; man kwone en e der mi dhanu.

Yohana 1:8

En e der ungo, endre ebino kara enyuth lembe mi der.

Yohana 12:40

Ecido wang’gi, edwoko adundegi nwang’; Kara ku ginen ku wang’gi, ku ging’ei kud adundegi, Ku gilokri de, an de kud acanggi.

Yohana 8:12

Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo.

Yohana 9:4

Wakowatimu tic pa ng’atu m’uora be, ma fodi ceng’ nuti: diewor ubebino, ma ng’atu moko mbe ma copo timo ie tic.

Tic Mi Jukwenda 13:26

Umego, nyikwai kodhi Ibrahim, ku ju m’i kindwu ma lworo Mungu bende, lembe mi both maeni juoro iwa.

Tic Mi Jukwenda 13:47

Kum Rwoth ung’olo iwa kumeno, ewacu kumae, Aketho in ni der mi Thekdhanumange, Kara ibed ni both cil i tung’ ng’om.

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

2 Jutesaloniki 1:3

Emaku ya wami foyofoc ni Mungu thiri thiri piwu be, umego, cil calu ebedo adre, kum yioyic mu bemedre dit apila, man ke mer ma wumeru ko ku juwedu ceke sagre;

2 Petro 1:19

Man wabedo ku lembila ma judwoko tek ma sagu; ka kumeno wutimo dre kum wuketho cwinywu kum lembene, calu ni thala m’uberieny i ka ma col, rama piny ru ko, man cerojobi wok i adundewu:

2 Petro 3:18

Ento wudong i bero ku ng’eyong’ec pa Rwoth mwa man Jalar Yesu Kristu. Dwong’ ubed ire kawono man rondo ku rondo. Amen.

1 Yohana 2:8

Kendo, agoro iwu cik ma nyen, ma ginde andha i ie man i iwu; kum mudho bekadhu woko, der mandha de berieny kawono.

Lembanyutha 11:18

Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 2:28

man abimie cero mi rupiny.

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.

Lembanyutha 22:2

i die gengine. Man ng’et kulo kun ku kun yen mi kwo nuti, m’ecego nyinge ma tung’ tung’ apar wi ario, m’ecego ko nyinge ku ba dwi: man ith yende en e mi cangu thek.

Ruth 2:12

Yehova udwok wang’ tic peri, man sukulia ma cu umire iri ku ba Yehova, Mungu mir Israel, m’ibino ninwang’u kagonjo the bombe.