Malaki 3:5 - The Holy Bible In Alur (Lur) Revised Orthography

⁵ E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Malaki 3:5 ပူးပေါင်းရင်းမြစ်များ

Thangambere 20:11

Man Ibrahim uwacu kumae, Kum ia pido kumae, Andha lworo pa Mungu mbe i ka maeni; man gibinega pi dhaku para.

Thangambere 42:18

Man Yusuf uwacu igi i ceng’ mir adege kumae, Wutim maeni, man wubed kwo; kum alworo Mungu:

Nehemia 5:15

Ento jubim m’utelo yo i wang’a ginuro dhanu, man gigamu kwen ku pigulok i bang’gi, karacelo ku cekel pier ang’wen mi mola ma tar; eyo, cil jutic migi gibimo wi dhanu: ento atimo kumeca ngo, ni kum lworo pa Mungu.

Kitabu Pa Yob 31:12

Kum en e mac ma nyotho ni Nyoth, Man kuno di emugo nyai para ceke.

Kitabu Pa Yob 7:2

Calu jatic ma geno tipopiny hai, Man calu jatic mi sukulia ma kio sukulia pare:

Zaburi 36:1

Camuco pa jadubo wacu yo i adundena kumae, Lworo pa Mungu mbe i wang’e.

Zaburi 81:8

Winji, E dhanu para, man abituco iri: E Israel, tek iwinjo dwanda!

Zaburi 96:13

I wang’ Yehova; kum ebino, Ebino nipoko lembe mi ng’om; Ebipoko lembe mi ng’om ku bedopwe, Man kodhidhanu ku lemandha pare.

Zaburi 98:9

wang’ Yehova; kum ebino nipoko lembe mi ng’om. Ebipoko lembe mi piny ku bedopwe, Man kodhidhanu ku lem m’atira.

Ai 1:17

Ento jucolmon gilworo Mungu, man gitimo calu ubimo mi Misiri ng’olo igi ngo, ento gibodho nyithindho ma co ma kwo.

Ai 18:21

Man ke ibinwang’u dhanu ma cu kud i kind dhanu ceke, wadi dhanu ma julwor Mungu, dhanu mandha, m’udagu azindi; man ibiketho wadi joni i wigi, kara gibed ni jego wi rubanga, jego wi dak, jego wi pier abic, man jego mir apar:

Ai 20:7

Kud ilwong’ nying’ Yehova Mungu peri mananu; kum ng’atu m’ulwong’o nyinge mananu bibedo umbe dubo ngo ku ba Yehova.

Ai 22:20

Ng’atu m’umio lam ni mungu moko, ma ku ni Mungu kende ngo, jubinyothe ma gwei.

Lembrieko 16:6

Kier rucre ni kum kisa ku lemandha; Man dhanu ai i dubo ni kum lworo Yehova.

Lembrieko 8:13

Lworo Yehova en e dagu dubo: Adagu kuhaya, man tingri, ku yo mi dubo, Man dhok ma kite mbe.

Isaya 57:3

Ento wucor ceng’ni keni, wu wot dhaku ma ajoga, wu kodhi ng’atu ma dubre swa ku won asara.

Yeremia 23:10

Kum ng’om upong’ ku weg dubriswa; kum ng’om uywak kum kwong’o kwong’; kakwae mi langa tal. Man woth migi rany, man tego migi en e atira ngo;

Yeremia 27:10

kum giewo ndra iwu, kara uterwu bor ku ng’om mu, man kara ariemwu woko, e wunyothru.

Yeremia 27:9

Ento wun, kud wuwinj jubila mu kadi jung’eilembe mu, kadi lek mu, kadi jurieko mu, kadi ajoga mu, ma giyero iwu, ma giwacu kumae, Wubitimo ni ubimo mi Babeli ngo:

Yeremia 29:23

kum gitimo kasegu i Israel, man gidubri swa ku mon mi juwagi, man giyero lembe ku ndra ku nyinga, m’ang’olo igi ngo; e an a ng’atu m’ung’eyo, man an a jamulembe, Yehova wacu.

Yeremia 42:5

Gilund giwacu ni Yeremia kumae, Yehova bed jamulembe andha man mandha i kindwa, tek watimo ngo calku lembe ceke ma Yehova Mungu peri biori ko i bang’wa.

Yeremia 5:2

Man kadok giwacu kumae, Calu Yehova bedo kwo; andha gikwong’o mi ndra.

Yeremia 5:29

E abiliewo ngo pi gin maeni? Yehova wacu; jubiculo ni ng’eyong’ec para ngo kum wadi thek ma calu maeni?

Lembe Mi Julawi 19:13

Kud isend wedu, kadi kwalu piny pare: sukulia pa jatic mi sukulia kud ubed i beng’i diewor soro cil kugweno.

Lembe Mi Julawi 20:10

Man ng’atu m’udubre ku ci ng’atu mange, en e ng’atu m’udubre ku ci wadi, ng’atu ma won dubriswane ku dhaku ma won dubriswane de jubinego andha.

Lembe Mi Julawi 20:27

Ng’atu ma nico bende kadi ng’atu ma dhaku ma won tipo, kadi ma en e jacwitho, jubinege andha: gibicanyugi ku kidi; rimo migi bibedo i wigi.

Lembe Mi Julawi 20:6

Man ng’eyong’ec m’ulokre ba ju ma weg tipo, man ba jucwitho, kara utim tarwang’ kugi, abiketho wang’a kum ng’ej’ong’ec maeca, man abikabe woko ku kind juthugi.

Mika 1:2

Wuwinji, wu kodhidhanu, kewu ceke; winji, E ng’om, ku gin ceke ma ni i ie: man wek Rwoth Yehova bed jamulembe i kumwu, Rwoth kud i hekalu pare ma leng’.

Habakuk 1:12

In igembri nja ngo, E Yehova Mungu para, Ng’atu Maleng’ para? wabitho ngo. E Yehova, ikethe ni lembapoka; man in, E Cana, ikethe ni ponji.

Zekaria 11:12

Man awacu igi kumae, Tek e ber i weng’wu, wumi ira sukulia para; tek kumeno ngo, wuweki. Ka kumeno giporo ira sente mi mola ma tar pier adek ni sukulia para.

Malaki 1:6

Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Malaki 2:14

Ento wuwacu kumae, Nedi? Kum Yehova en e jamulembe i kindwu wuku dhaku mir aradu peri, m’itimo ire kud awondi, kadok en e wedu, man dhaku mi lembariba peri.

Malaki 2:17

Wuolo Yehova ku lembe mu. Ento wuwacu kumae, Waole kud ang’o? Kum wuwacu kumae, Ku ba dhanu ceke ma timo dubo ebedo ber i wang’ Yehova, man anyong’a nege i kumgi; kadi Mungu mi pokolembe eni kani?

Luka 23:40

Ento wadi dwoko lembe, ejuke, ewacu kumae, E ilworo cil Mungu de ngo, in m’ini i lembapoka ma rac ma cal aceli?

Jurumi 3:8

nedi wayero ngo (calu jubeyero nyingwa, man calu jumoko giyero ya wawacu kumae), Dong’ watimu rac, kara lembe ma ber uwoki? ma pokolembe ma rac migi bedopwe.

Poi Mi Cik 15:13

Man kinde m’iweko eai i beng’i agonya, kud iyi eai ma cinge nanu:

Poi Mi Cik 18:10

Ku junwang’ ng’atu moko i beng’i ma ketho wode kadi nyare kadh kud i mac, ng’atu ma lamu bila, ng’atu ma jakilgot, kadi jalamlam, kadi jawodhtho,

Poi Mi Cik 24:17

Kud iroc pokolembe p’umondo, kadi pa kic, kadi kud igam kendi pa dhaku ma cware tho ni mukwatu;

Poi Mi Cik 27:19

Kwong’ ubed wi ng’atu m’uroco pokolembe p’umondo, ku kic, man dhaku ma cware tho. E dhanu ceke biwacu kumae, Amen.

Poi Mi Cik 5:11

Kud ilwong’ nying’ Yehova Mungu peri mananu: kum ng’atu m’uhyong’o nyinge mananu Yehova bikwane ngo y a embe ku dubo.

1 Jutesaloniki 4:6

ng’atu moko kud ukadh kieu, etim rac de bang’ umin i lembe nini: kum Rwoth en e jacul kwor kum gin maeni ceke, calu wan bende walar wapoyowu man watuco.

Juebrania 13:4

Wek gam ma jugambri ko bed ku yung i kind jo ceke, kavuto de kud ubed m’ecido: kum weg tarwang’ man weg gier Mungu bipoko lembe migi.

Yakobo 5:12

Ento ma sagu wi gin ceke, juwada, kud wukwong’ kwong’, kadi ku polo, kadok ku ng’om, kadok ku kwong’ mange de: endre wuwek eyo mu bed ndhu ni eyo, man ungo mu de ubed ndhu ni ungo; kara pokolembe kud upodh i wiwu.

Yakobo 5:4

Nen, sukulia mi jutic m’unyaru i podho mu, ma wutwonogi kud azindi, ubeywak: man ywak mi ju m’unyaru mondo i ith Rwoth mir udul.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.