Malaki 3:3 - The Holy Bible In Alur (Lur) Revised Orthography

³ man ebibedo calu jabodho ma wang’u man jadwok mola ma tar leng’, e ebidwoko wot Lawi leng’ man ebidwokogi leng’ calu judwoko mola ma kwar ku mola ma tar leng’; e gibithiero girathiera ni Yehova i bedopwe.

Malaki 3:3 ပူးပေါင်းရင်းမြစ်များ

Zaburi 116:17

Abithiero iri lam mi foyofoc, Man abilwong’o nying’ Yehova.

Zaburi 4:5

Wuthier lam mi bedopwe, Man wuketh genogen mu ba Yehova.

Zaburi 4:6

Dhanu dupa giwacu kumae, Ng’a ma binyutho iwa bero? Yehova, ting’ der mi weng’i i wiwa.

Zaburi 50:14

Thier lam mi foc ni Mungu; Man itim lembang’ola peri ni Ng’atu ma Malu Ngbir;

Zaburi 50:23

Ng’atu ma tek uthiero lam mi foyofoc nwang’u eyunga; Man ng’atu ma twinyo yo pare Abinyutho ire both pa Mungu.

Zaburi 51:19

Anyong’a bilund negi kum lam mi bedopwe. Kum lam m’awang’a ku lam m’awang’a ma bo: Gibilund thiero thwoni dhiang’ wi pemblam peri.

Zaburi 66:10

Kum in, E Mungu, imulo iwa: Iponjowa, calu juponjo mola ma tar.

Lembrieko 17:3

Agulu mi dwoko piny leng’ en e pi mola ma tar, man uka pi mola ma kwar; Ento Yehova ponjo adunde.

Lembrieko 25:4

Kab ceth mola ma tar woko, Man agulu wok ni jabodho:

Isaya 1:25

man abiloko cinga i kumi, man abikabu munyali peri pet, e abikabu usau peri ceke cen;

Isaya 48:10

Nen, adwoki leng’, ento calu mola ma tar ungo; amuli i uka mi masendi.

Isaya 61:6

Ento jubilwong’owu julam pa Yehova; dhanu bilwong’owu jutim pa Mungu mwa: wubicamu lonyo mi thek, man wubilulu giwu ni kum dwong’ migi.

Yeremia 9:7

Ka kumeno Yehova mir udul uwacu kumae, Nen, abilenyogi, man abiponjogi; kum acopo timo tung’ nenedi, kum nya dhanu para?

Ezekiel 20:38

man abihvoko ju ma jai kud i kindwu, ku ju m’udubo ira; abiwodhogi woko kud i ng’om ma gibedo i ie, ento gibimondo i ng’om mir Israel ungo: e wubing’eyo nia an a Yehova.

Daniel 11:35

Man jumoko mi kind ju ma riek bipodho, kara judwokgi leng’, man kara julonygi, man judwokgi tar, cil i nindo mi kajikne; kum fodi en e mi nindo ma jung’olo.

Daniel 12:10

Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Hoseya 14:2

Wugam lembe wucidh kudo, man wudwog ba Yehova: wuwac ire kumae, Kab kier ceke woko, man ijol gin ma ber: e wabithiero lam mi dendhogwa calu lam mi thwoni dhiang’.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Malaki 4:1

Kum, nen, ceng’ ubino, eliel pamir uka; ma jukuhaya ceke, ku dhanu ceke ma timo dubo, gibibedo ni soka; e ceng’ m’ubino biwang’ugi pet, Yehova mir udul uwacu, kara kud ewek igi kadok ulage kadi jange de.

Kitabu Mir Ang’wende Pa Musa Wel 8:6

Gam Julawi kud i kind nyithindho mir Israel, man idwokgi leng’.

Luka 3:16

Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac:

Jurumi 12:1

Ka kumeno, umego, akwayuwu ku kisa pa Mungu, ya wuthier kumwu ubed ni lam ma kwo, ma leng’, ma yire ni Mungu, ma en e rwo mu mi tipo.

Jurumi 15:16

kara abed jatic pa Kristu Yesu ni Thekdhanumange, m’abetimo tic mi lamulam mi lembanyong’a pa Mungu ma juboth ko, kara lam ma Thekdhanumange dok m’eyire, m’edoko leng’ ni kum Tipo Maleng’.

Jufilipi 2:17

Eyo, man tek jubekonja wi lam man wi tic mi yioyic mu, e anyong’a benega, man anyong’a benega wakudu ceke:

Jufilipi 4:18

Ento abedo ku gin ceke, man asagra: ayeng’, kum adaru gamu giki m’uai i beng’wu bang’ Epafrodito, en e ng’wic gin ma ng’wi ng’ar, en e lam ma yire, ma nyayu mutoro i Mungu.

2 Timoteo 4:6

Kum an kawono jubekonja woko, man nindo mi ai para m’aai ko woko tundo.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 12:10

Kum gin andha giponjowa mi nindo moko calu ebedo ber i wang’gi; mana en re pi kuloka mwa, kara wabed jugam leng’cwiny pare.

1 Petro 1:7

kara mulo yioyic mu, ma pire tek ma sagu mola ma kwar ma nyothre kadok jumule ku mac, junwang’e ni pak ku dwong’ ku yung i nyuth pa Yesu Kristu:

1 Petro 2:5

wun bende, calu kidi ma kwo, wugombru wi ot mi tipo, kara wubed ni lamulam ma leng’, ma wuthiero ko lam mi tipo, ma yire ni Mungu ni kum Yesu Kristu.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.

Lembanyutha 5:10

man iketho gibed ni ker ku julam de ni Mungu mwa; man gibimo bim wi ng’om.