Malaki 3:10 - The Holy Bible In Alur (Lur) Revised Orthography

¹⁰ Wukel apajpiny ma bo i odkanpiny, kara cam ubed nuti i ot para, man wumul ia kawono kum maeni, Yehova mir udul uwacu, tek abiyabu iwu wang’ polo ngo, man abikonjo iwu mugisa, kara ka m’urome bed umbe.

Malaki 3:10 ပူးပေါင်းရင်းမြစ်များ

Thangambere 28:22

e kidi maeni m’aketho malu ni mbegi, bilund bedo ot pa Mungu: man kind gin ceke m’ibimio ira abimio apaje iri andha.

Thangambere 7:11

I rundi dak abusiende mi camung’om pa Noa, i dwi mir arionde, i ceng’ apar wi abirone mi dwije, i cenguno kulo ceke mi nam ma dit uthwogre, man wang’ polo yabre.

2 Ubimo 7:19

e jego maeno loko lembe ni dhanu pa Mungu, man ewacu kumae, Kawono, nen, tek Yehova bitimo wang’ot i polo, wadi gin maeni copre? e ewacu kumae, Nen, ibineno maeni ku weng’i, ento ibicamu kume moko ngo:

2 Ubimo 7:2

Jego m’ubimo jeng’ i cinge ulund uloko lembe ni dhanu pa Mungu, man ewacu kumae, Nen, tek Yehova timo wang’ot i polo, e maeni copo bedo? Man ewacu kumae, Nen, ibinene ku weng’i, ento ibicamu kume ngo.

I Lemkei 26:20

Man mi Julawi, Ahija en e wi piny m’akana mi ot pa Mungu, man wi piny m’akana mi gin ma juthiero.

Nehemia 12:44

Man i ceng’ maeca juketho dhanu wi kusika ni piny m’akana, pi lam m’ating’a, pi mwoka, man pi piny mir apaje, kara gicok i igi, calku pothi mir adhura, makapiny mi julam ku Julawi ma jung’olo ku cik: kum anyong’a nego Yuda kum julam ku Julawi ma gikuro.

Nehemia 12:47

Man Israel ceke i nindo pa Zerubabel, man i nindo pa Nehemia, gimio makapiny mi juwer man mi jukur dhugola, calu cande nuti mi ceng’ ku ceng’; e gidwoko maeno leng’ ma mi Julawi; man Julawi gidwoko maeno leng’ ma mi wot Harun.

Nehemia 13:5

eyiko ire kusika ma dit, ka ma naka giketho ie lam mi mogo, kud udok ma ng’wice ng’ar, kud agulu, ku piny mir apaje mi cam, ku pigulok ma nyen, man mo, ma jumio ni Julawi ku lembang’ola, ku juwer, man jukur dhugola; man lam m’ating’a ma ni julam.

Zaburi 37:3

Gen Yehova, man itim ber; Ka kumeno ibibedo i ng’om, man ibicamu m’ibedo agwoka.

Zaburi 78:23

Ento eng’olo ni afuru ma malu, Man eyabu dhugola mi polo;

Eklizia 11:3

Tek afuru pong’ ku koth, gikonjri gigi i ng’om; man tek yen upodho yor ariwa ma piny, kadi yor ariwa ma malu, i ka ma yen podho i ie, ebibedo keca.

Ezekiel 34:26

Man abidwokogi ni mugisa ku ka mi ng’et ungulu got para gbur; man abiketho koth m’ucore ucwi i nindone; koth m’ucore mi mugisa bibedo nuti.

Ezekiel 44:30

Man gin ma kwong’a mi mwoka ceke mi gin ceke kubang’e kubang’e, man lam m’ating’a kubang’e kubang’e mi gin ceke kubang’e kubang’e, mi lam mu ceke, bibedo pa jalam: man wubimio ni julam ng’et kwen mu ma kwong’a, kara uketh mugisa bed wi ot peri.

Hoseya 2:21

Man ebitimbre i ceng’ maeca, abiloko lembe, Yehova wacu, abiloko lembe ni polo, e gibiloko lembe ni ng’om;

Yoel 2:19

E Yehova loko lembe man ewacu ni dhanu pare kumae, Nen, abioro cam i beng’wu, man pigulok ma nyen, ku mo, e cwinywu bikwio kudo; man abidwokowu ni cac kendo ngo kind thek;

Yoel 2:24

Man lela bipong’ ku nganu, jambic de bipong’ hau ku pigulok ma nyen ku mo.

Lembe Mi Julawi 26:10

Man wubicamu ayi ma con, man wubiwodho ayi woko ni ma nyen.

Lembe Mi Julawi 26:3

Tek wuwotho ku cik para, man wugwoko lembang’ola para, wutimogi de:

Lembe Mi Julawi 27:30

Man apaje ceke mi ng’om, kadok mi kodhi mi ng’om, kadi mi nying’ yen, en e pa Yehova; en e leng’ ni Yehova.

Hagai 2:19

Kodhi fodi ni i dero? eyo, ulok, man yendubolo, kud ulemo, man yendulam gicego gin moko ngo; ugambre i ceng’ maeni abimio mugisa iwu.

Kitabu Mir Ang’wende Pa Musa Wel 18:21

Man nen, amio apaje ceke i Israel ni aba ni nyithindho pa Lawi, ka giratima migi ma gitimo, en e giratima mi hema mi cokri.

Matayo 6:33

Ento ma kwong’a wuyeny ker pare, ku bedopwe pare; man gin maeni ceke bimedre iwu.

Poi Mi Cik 12:6

man wuter lam m’awang’a mu, ku lam mu, kud apaje mu, ku lam m’ating’a mi cingwu, ku lembang’ola mu, man lam ma ku berocwiny mu, ku kayu mi dhok mu man mir udul rombe mu:

Poi Mi Cik 14:22

Mi apaje mi nyai ceke mi kodhi peri, maeno m’uai i podho ku ba rundi ku ba rundi.

Poi Mi Cik 14:29

man Jalawi, kum makapiny pare kadi aba pare de mbe karacelo kudi, man umondo, ku kic, man dhaku ma cware tho, ma gini yo i dhugang’ peri, gibibino, man gibicamu gibiyeng’ de; kara Yehova Mungu peri mi mugisa iri i tic ceke mi cingi m’itimo.

Poi Mi Cik 28:12

Yehova biyabu dhu piny m’akana pare ma polo iri, kara emi koth mi ng’om peri i nindone, man kara emi mugisa wi tic ceke m’i cingi: man ibimio banja ni thek dupa, e ibigamu banja ngo.