Malaki 2:9 - The Holy Bible In Alur (Lur) Revised Orthography

⁹ Ka kumeno an bende adwokowu ni gin mi cac ku gin ma ng’ic i wang’ dhanu ceke, calku yo para ma wugwoko ngo, ento dhanu bedo tung’ tung’ iwu i cik.

Malaki 2:9 ပူးပေါင်းရင်းမြစ်များ

1 Ubimo 22:28

Man Mikaya wacu kumae, Tek idwogo ku kwiocwiny, nwang’u Yehova yero kuda ngo. Man ewacu kumae, Wuwinji, wu dhanu, kewu ceke.

Kitabu Pa Yob 32:21

Akwayuwu, kud wuyi anen wang’ dhanu; Kadok nying’ mi pak mananu de abimio ngo ni ng’atu moko.

Lembrieko 10:7

Poi ma pi ju ma pwe en e mugisa; Ento nying’ judubo bitop.

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Ezekiel 13:21

Kitambala mu bende abiyeco, man abibodho dhanu para kud i cingwu, kara ku gibed i cingwu kendo kara wuyenygi; e wubing’eyo nia an a Yehova.

Ezekiel 7:26

Lem ma rac bibino wi lem ma rac, man rwonglembe bibedo wi rwonglembe; man gibiyenyo ginmawokiwang’ pa jabila; ento cik birwinyo ku ba jalam, man lembapora ku ba judongo.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Nahum 3:6

Man abibolo cilo ma judagu i wii, man abidwoki ni won cilo, man abikethi calu giranena.

Malaki 2:3

Nen, abijuko kodhi mu, man abiwiro weyo i weng’wu, en e weyo mir agba mu; e jubikabuwu woko, karacelo kude.

Malaki 2:8

Ento wukier kud i yo; wuketho dhanu dupa podho i cik; wunyotho lembariba pa Lawi, Yehova mir udul uwacu.

Luka 10:29

Ento en, m’eyenyo enyuthre nia e pwe, ewacu ni Yesu kumae, Wada en e ng’a?

Luka 11:42

Ento can i wiwu, Jufarisayo! kum wumio apaje mir ukuju kud usiga man uboko ceke, e wuweko ng’olo lembe ma pwe ku mer pa Mungu: ento emaku wutim maeni, man kud wuwek timo wagi maeno.

Jugalatia 2:6

Ento ju ma pigi yik ya gi dit (bedo ma naka gibedo ko, en e gin moko ngo ira: Mungu jolo kit dhanu ngo) joni, awacu, gi ju ma pigi yik nini gimedo lembe moko ira ngo:

Poi Mi Cik 1:17

Kud wunen dhanu tung’ tung’ i pokolembe; wuwinj ju ma nok ku ju ma dwong’ calacel; kud wulwor wang’ dhanu; kum pokolembe en e pa Mungu: man lembe ma tek m’uloyowu wukel i bang’a, e abiwinje.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.