Malaki 2:8 - The Holy Bible In Alur (Lur) Revised Orthography

⁸ Ento wukier kud i yo; wuketho dhanu dupa podho i cik; wunyotho lembariba pa Lawi, Yehova mir udul uwacu.

Malaki 2:8 ပူးပေါင်းရင်းမြစ်များ

2 Ubimo 16:11

E Urija ma jalam uguro pemblam: calku gin ceke ma Ahaz m’ubimo oro kud i Dameski, Urija ma jalam utime kumeca ni dwogo p’ubimo ma Ahaz kud i Dameski.

Nehemia 13:29

Poi pigi, E Mungu para, kum gicido lamulam, ku lembariba mi lamulam, man mi Julawi.

Zaburi 119:102

Alokra cen ungo ni lembapoka peri; Kum iponja

Zaburi 18:21

Kum agwoko yo pa Yehova, Man acamu co ngo ni Mungu para.

Lembrieko 12:8

Jubifoyo dhanu calku rieko pare; Ento jubicayu ng’atu ma kit adundene mbe.

Isaya 30:11

wuai kud i yo, wulokru cen kud i gengi, wuketh Ng’atu Maleng’ mir Israel ujik kud i wang’wa.

Isaya 59:13

ma wabegondra man wabekwero Yehova, ku lokri cen ku lubo Mungu mwa, ma wabeyero pi masendi ku jai, ma wabeporo man wabeweco lemndra kud i cwiny.

Isaya 9:16

Kum ju m’utelo wi dhanu maeni giketho gikier; man ju ma gitelo wigi junyothogi.

Yeremia 17:13

E Yehova, ma genogen mir Israel, jubinyayu lewic wi dhanu ceke m’uweki. Ju m’uweka jubikiewogi i ng’om, kum giweko Yehova, ma kulo mi pi mi kwo.

Yeremia 17:5

Yehova wacu kumae: Kwong’ ni wi ng’atu m’ugeno dhanu, man m’uketho ring’kum ni bote, man ma cwinye ai ku ba Yehova.

Yeremia 18:15

Kum dhanu para wigi wu pira, giwang’u udok ma ng’wice ng’ar ni mungu mi ndra; e juketho gikier i yo migi, i yo ma con, ya giwoth kud i yo ma vorovoro, i yo ma judhuro adhura ngo;

Yeremia 2:8

Julam upenjo ngo kumae, Yehova ni kaai? e ju ma timo cik de ging’eya ngo: jubim bende gidubo ira, man jubila giewo ni kum Bal, man gilubo tok gin ma kulokane mbe.

Ezekiel 22:26

Julamne gitimo rop kum cik para, man gicido gin ma leng’ para: giketho gin ma leng’ ubedo tung’ ungo ku gin ma sai, kadi giketho dhanu de ya ung’i kind gin m’ucido ku gin ma leng’ de ngo, man gipanu wang’gi ni ceng’ sabatu para, man acidra i kindgi.

Ezekiel 44:10

Ento Julawi m’ucidho bor i kuma, kinde ma Israel ukier, m’ukier i kuma tok mungu m’araga migi, gibiyeyo kier migi.

Ezekiel 44:12

Kum gitimo igi i wang’ mungu m’araga migi, man gidoko ni cudho mi kier ni ot mir Israel; ka kumeno ating’o cinga i kumgi, Rwoth Yehova wacu, man gibiyeyo kier migi.

Ezekiel 44:7

kum wukelo juwirok, ma jutimo yaa kum adundegi ngo man jutimo yaa i ring’kumgi de ngo, ubed i kamaleng’ para, kara ucide, en e ot para, kinde ma wuthiero kwen para, mio man rimo, man gituro lembariba para kara umed kum ginmajudagu mu ceke.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Lembe Mi Julawi 21:15

Man kud ecid nyikwaye i kind juthugi: kum an a Yehova m’udwoke leng’.

Zefania 3:4

Jubila pare kitgi mbe man gi weg ambili; julam pare gicido kamaleng’, gigondo cik.

Malaki 1:6

Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Malaki 2:5

Lembariba para bedo kude mi kwo man mi kwiocwiny; man amiogi ire kara lworo nege; e elwora, man ndiri make kum nyinga.

Kitabu Mir Ang’wende Pa Musa Wel 25:12

Kum kumeno wac kumae, Nen, amio ire lembariba para mi kwiocwiny:

Kitabu Mir Ang’wende Pa Musa Wel 25:13

man ebibedo ire, man ni nyikwaye yo ng’eye, lembariba mi lamu lam mi nja; kum nyeko time pi Mungu pare, man etimo adunya pi nyithindho mir Israel.

Jurumi 14:21

En e ber nicamu ring’o ngo, kadi madhu pigulok, kadi timo gin moko m’umeru kier i kume.

Juebrania 3:12

Wubed ku weng’wu, umego, kara adunde ma rac ma yioyic umbe i ie kud ubed i ng’atu moko m’i kindwu, i kier ma jukier ko woko kum Mungu ma kwo:

1 Samwil 2:17

E dubo mir awobi maeno ubedo dit hai i wang’ Yehova; kum dhanune gicayu lam pa Yehova.

1 Samwil 2:24

Ungo, wota; kum en e rwonglembe ma ber ungo m’awinjo: wuketho dhanu pa Yehova kier.

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.