Malaki 2:6 - The Holy Bible In Alur (Lur) Revised Orthography

⁶ Cik mi lemandha ni i dhoge, man gondri nwangre ngo i dendhoge: wawotho wakude i kwiocwiny man atira, man eloko dhanu dupa kud i kier.

Malaki 2:6 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Thangambere 6:9

Maeni dhanum’utuk pa Noa. Noa en e ng’atu ma pwe, en e ng’atu ma ndhu cu i kind dhanum’utuk pare: Noa wotho ku Mungu.

Zaburi 119:142

Bedopwe peri en e bedopwe mi nja: Man cik peri en e lemandha.

Zaburi 119:151

In i ceng’ni, E Yehova; Man lembang’ola peri ceke en e andha.

Zaburi 37:30

Dhu won bedopwe weco pi rieko, Man lebe yero pokolembe.

Zaburi 37:37

Nen ng’atu ma cu, man ng’i ng’atu m’atira; Kum kajik pa ng’atu ma won kwiocwiny e ber.

Lembrieko 5:2

Kara igwok lembapora, Man kara dendhogi gwok ng’eyong’ec.

Yeremia 23:22

Ento tek gicungo i lembapora para, kuno di giketho dhanu para winjo lembe para, man kuno di gilokogi kud i yo migi ma rac, man kud i dubo mi giratima migi.

Daniel 12:3

Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Matayo 22:16

Gioro julub migi de i bang’e, Juherodiano, giwacu kumae, Japonji, wang’eyo nia in i ng’atu mandha, man iponjo yo pa Mungu i lemandha, man iparu pi ng’atu moko de ngo: kum ineno dhanu ni wang’gi ngo.

Marko 12:14

E ka giwok, giwacu ire kumae, Japonji, wang’eyo nia in i andha, man ipara pi ng’atu moko ngo; kum ineno dhanu ni wang’gi ngo, ento andha’ iponjo yo pa Mungu: Cik uyio ya jumi ajok ni Kaisari, kadi ku jumi?

Luka 1:6

Gin ario de gibedo pwe i wang’ Mungu, ma gibewotho i cik ku lembapoka ceke pa Rwoth umbe gin ma rac.

Luka 20:21

Man gipenje, giwacu kumae, Japonji, wang’eyo nia iweco iponjo de cu, man ijolo ayi dhanu ngo, ento andha iponjo yo pa Mungu:

Tic Mi Jukwenda 26:18

niyabu wang’gi, kara gilokri kud i mudho giwok i der man kud i tego pa Jok ba Mungu, kara ginwang’ ruc mi dubo, man camupacu kind ju ma judwokogi leng’ ni kum yioyic ma ni kuma.

Poi Mi Cik 33:10

Gibiponjo Yakobo ku lembapoka peri, Man Israel ku cik peri: Gibiketho udok ma ng’wice ng’ar i weng’i, Ku lam m’awang’a ma dho wi pemblam peri,

Poi Mi Cik 33:8

Man pi Lawi ewacu kumae, Thumim peri kud Urim peri gini karacelo ku dhanu peri ma ayi Mungu ni i kume, M’imulo ie i Masa, M’i-ii kude dhu pi mi Meriba;

Poi Mi Cik 33:9

M’uwacu pi won, man pi min kumae, Anene ngo; Kadok utumin mire de eyiogi ngo, Kadi nyithindhe ma dhe de eng’eyogi ngo: Kum giketho cwinygi kum lembe peri, Man gigwoko lembariba peri.

Lembanyutha 14:5

Man junwang’u ndra ngo i dhoggi: lembe de mbe i wigi.

1 Samwil 2:12

Nie wot Eli gi dhanu ma rac; ging’eyo Yehova ngo.