Malaki 2:12 - The Holy Bible In Alur (Lur) Revised Orthography

¹² Ng’atu m’utimo maeni, Yehova bithume cen, ng’atu m’uceu ku ng’atu m’udwoko lembe, kud i hema pa Yakobo, man ng’atu m’uthiero girathiera ni Yehova mir udul.

Malaki 2:12 ပူးပေါင်းရင်းမြစ်များ

I Lemkei 25:8

Man gigoyo gagi mi tic migi, ceke acel, ma thindho calu ma dongo, japonji calu japonja.

Isaya 61:8

Kum an, an a Yehova, amaru pokolembe, adagu ayeki ku kier; man abimio cul migi igi i lemandha, man abitimo lembariba mi nja kugi.

Isaya 66:3

Ng’atu m’unego koni dhiang’ en e calu ng’atu m’unego dhanu; ng’atu m’ulamu nyathi rombo, calu ng’atu m’umino ng’ut gwok; ng’atu m’uthiero girathiera, calu ng’atu m’uthiero rimb kul; ng’atu m’uwang’u udok ma ng’wice ng’ar, calu ng’atu m’umio mugisa ni mungu m’araga. Eyo, gifoyo yo migi gigi, man anyong’a nego ng’eyong’ec migi kum ginmajudagu migi:

Ezekiel 14:10

E gibiyeyo kier migi: e kier pa jabilane bibedo calu kier pa ng’atu m’uyenyo i bang’e;

Ezekiel 24:21

Yer ni ot mir Israel kumae, Rwoth Yehova wacu kumae: Nen, abicido kamaleng’ para, kuhaya mi tego mu, yeny ma weng’wu yenyo, man gin ma ngisi nego ng’eyong’ec mu i kume; e wotwu ku nyigwu ma wuweko yor i ng’eiwu bipodho ku palamularu.

Hoseya 9:12

Kadok gitungo nyithindhgi, ento abimayugi, ketho nia ng’atu moko mbe ma bidong’; eyo, can i wigi bende kinde m’awekogi!

Lembe Mi Julawi 18:29

Kum ng’atu ma tek bitimo ginmajudagu maeni moko, en e ng’eyong’ec m’utimogi jubikabu gi woko ku kind juthugi.

Lembe Mi Julawi 20:3

An bende abiketho wang’a kum ng’atuca, man abikabe woko ku kind juthugi; kum emio kind nyikwaye ni Molek, kara ecid kamaleng’ para, man kara ecid nyinga ma leng’.

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Zekaria 12:7

Yehova bende bilar bodho hema mi Yuda, kara dwong’ mi ot pa Daudi man dwong’ mi dhanu m’ubedo i Yerusalem kud uyungre m’usagu Yuda.

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Malaki 1:13

Wuwacu bende kumae, Nen, gin maeni olojo kumeni! man wucwaku umwu i kume, Yehova mir udul uwacu; man wukelo gin ma jugamu ku rop, ku gin m’abala mi tielo ni i kume, ku gin ma kume ju tho; wukelo girathiera kumeno: maku ajol maeni kud i cingwu? Yehova wacu.

Malaki 2:10

Wan ceke wegwa acel ungo? Mungu acel ucwiowa ngo? nedi watimo kud awondi ng’atuman ku wadi man ku wadi, ma wacido ko lembariba pa kwaruwa?

Kitabu Mir Ang’wende Pa Musa Wel 24:5

E Yakobo, hema peri ber mire ma, E Israel, hema peri mire ma!

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

2 Timoteo 3:13

Ento dhanu ma rac ku ju ma girambri de gibisagri asaga, gibibombo abombi gin de jubibombogi.

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

1 Samwil 3:14

Ka kumeno akwong’o ni ot pa Eli, nia dubo m’i ot pa Eli bikabre woko ngo ku lam kadi ku girathiera mi nja.