Malaki 2:10 - The Holy Bible In Alur (Lur) Revised Orthography

¹⁰ Wan ceke wegwa acel ungo? Mungu acel ucwiowa ngo? nedi watimo kud awondi ng’atuman ku wadi man ku wadi, ma wacido ko lembariba pa kwaruwa?

Malaki 2:10 ပူးပေါင်းရင်းမြစ်များ

Nehemia 13:29

Poi pigi, E Mungu para, kum gicido lamulam, ku lembariba mi lamulam, man mi Julawi.

Kitabu Pa Yob 31:15

Ng’atu m’ucwia i ic ecwie ngo? Man ng’atu acel ung’inowa i ic ungo?

Zaburi 100:3

Wung’ei nia Yehova, en e Mungu: En e en m’etimowa, man wa pare; Wan wa dhanu pare, man rombe mi kwac pare.

Ai 19:4

Wuneno gin m’atimo kum Jumisiri, man maram ayeyo kowu wi bomb acur, man akelowu i bang’a gira.

Ai 19:5

Ka kumeno kawono, tek wubiworo dwanda andha, man wubiworo lembariba para, e wubibedo piny para ma dhe ku kind kodhidhanu ceke: kum ng’om ceke para:

Ai 24:3

E Musa bino man eyero ni dhanu lembe ceke pa Yehova, ku lembapoka ceke: e dhanu ceke giloko lembe ku dwandgi acel, man giwacu kumae, Wabitimo lembe ceke ma Yehova wacu.

Ai 24:7

Man egamu kitabu mi lembariba, man esome i vut dhanu: e giwacu kumae, Wabitimo gin ceke ma Yehova wacu, man wabibedo wor.

Isaya 43:1

Ento kawono Yehova m’ucwii wacu kumae, E Yakobo, man ng’atu m’ung’ini, E Israel: Lworo kud unegi, kum aweri; alwong’i ku nyingi, in i para.

Isaya 43:15

An a Yehova, ma Ng’atu Maleng’ mu, ma Jacwic mir Israel, m’Ubimo mu.

Isaya 43:7

ku ba dhanu ceke m’ulwongre ku nyinga, man m’acwio pi dwong’ para, m’ang’ino, eyo, m’atimo.

Isaya 44:2

Yehova m’ucwii, m’ung’ini kud i ic, ma bikonyi, uwacu kumae: Lworo kud unegi, E Yakobo ma jatic para; man in, yecurun, m’agoyo wii.

Isaya 51:2

Wunen bang’ Ibrahim ma kwaruwu, man ba Sara m’unyolowu; kum kinde ma en e acel kende alwong’e, man amio mugisa ire, e adwoke dupa.

Isaya 63:16

Kum in i Wegwa, kadok Ibrahim ung’eyowa ngo, man Israel uyiowa ngo: in, E Yehova, in i Wegwa, Jawar mwa m’ugambre con en e nyingi.

Isaya 64:7

E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

Isaya 64:8

Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

Yeremia 31:9

Gibibino ku ywak; man abitelo wigi ku kwac: abiketho giwotho ng’et kulo ma dit mi pi, i yo m’atira ma gibikier i ie ngo; kum an a Wego ni Israel, man Efraim en e kayu para.

Ezekiel 33:24

Wod dhanu, ju m’ubedo i ka mir uvuru i ng’om mir Israel giyero, giwacu kumae, Ibrahim en e acel, man emaku ng’ombe ni aba: ento wan wa dupa; ng’om bimire iwa ni aba.

Malaki 1:6

Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Malaki 2:11

Yuda timo kud awondi, man ginmajudagu utimbre i Israel man i Yerusalem: kum Yuda cido leng’ pa Yehova m’emaru, man egamu nya mungu ma wi rok.

Malaki 2:8

Ento wukier kud i yo; wuketho dhanu dupa podho i cik; wunyotho lembariba pa Lawi, Yehova mir udul uwacu.

Matayo 10:21

Umego de biting’o umin wang’ tho, won nyathin de biting’o nyathi pare: nyithindho de gibijai kum junyodo migi, e gibiketho juneggi.

Matayo 22:16

Gioro julub migi de i bang’e, Juherodiano, giwacu kumae, Japonji, wang’eyo nia in i ng’atu mandha, man iponjo yo pa Mungu i lemandha, man iparu pi ng’atu moko de ngo: kum ineno dhanu ni wang’gi ngo.

Matayo 3:9

man iwu kud upid nia wuwac i iwu giwu kumae, Wabedo kud Ibrahim ni wegwa: kum awacu iwu, nia Mungu copo ting’o nyithindho ni Ibrahim ku kidi maeni.

Luka 1:73

Kwong’ m’ekwong’o ni kwaruwa Ibrahim,

Luka 3:8

Ka ku meno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni.

Yohana 8:39

Giloko lembe giwacu ire kumae, Wegwa en e Ibrahim. Yesu wacu igi kumae, Tek wu nyithindho pa Ibrahim kuno di wutimo tic pa Ibrahim.

Yohana 8:41

Wutimo tic pa wegwu. Giwacu ire kumae, Junyolowa ku tarwang’ ungo; Wegwa acel, en e Mungu.

Yohana 8:53

In i dit ma sagu wegwa Ibrahim, m’utho? man jubila bende tho: ikethri ni ng’a?

Yohana 8:56

Wegwu ma Ibrahim anyong’a nege kum ebineno ceng’ para: man enene, anyong’a nege de.

Tic Mi Jukwenda 17:24

Mungu m’ucwio ng’om ku gin ceke ma ni i ie de, en, m’e Rwoth mi polo ku ng’om de, ebedo i hekalu ma jugomo ku cing’ ungo;

Tic Mi Jukwenda 17:25

kadok ku cing’ dhanu de jutimo ire ngo, calu ya can gin moko benege, kum en e m’emio kwo ni giki ceke, ku lietho m’i igi de, ku gin ceke;

Tic Mi Jukwenda 17:26

man etimo thek ceke mi dhanu kud acel kara gibed i wang’ ng’om ceke, nwang’u eng’olo rundi migi m’aketha, ku kieu mi kabedo migi;

Tic Mi Jukwenda 7:2

Man eloko kumae, Umego ku wego de, wukowuwinji: Mungu mi dwong’ unyuthre ni wegwa ma Ibrahim, kan eni i Mesopotamia, ka fodi ebedo i Haran ungo,

Tic Mi Jukwenda 7:26

Urwone ewok i bang’gi kinde ma gibenyego, man eyenyo etheggi, ewacu kumae, Paco, wun umego; wutimo rac ba juwedu nedi ma ng’atuman utimo ba wadi man ba wadi e?

Jurumi 4:1

Ka kumeno wabiwacu nia Ibrahim, ma wegwa, unwang’u ang’o calku kumi?

Jurumi 9:10

Man kumeni kende ngo; ento Rebeka bende m’egamu ie ku ng’atu acel, ma en e wegwa Isak,

1 Jukorinto 8:6

ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume.

Juefeso 4:25

Kum kumeno, ma wubeketho ndra cen, ku ba dhanu ku ba dhanu ng’atuman uwec lemandha ku wadi: kum wan wa wathkum ng’atuman pa wadi man pa wadi.

Juefeso 4:6

Mungu de acel ma ceke e Wego, ma ceke ebedo i wie, ma ceke de timbre ni kume, man ke ceke ebedo i ie.

1 Jutesaloniki 4:6

ng’atu moko kud ukadh kieu, etim rac de bang’ umin i lembe nini: kum Rwoth en e jacul kwor kum gin maeni ceke, calu wan bende walar wapoyowu man watuco.

Juebrania 12:9

Mange ke wabedo ku wegwa ma ku kum ma ponjo wa, man wajwigra igi: esagu ngo ya wabed wor ni Won tipo, man wabed kwo?

Yocuwa 24:3

Man agamu kwaruwu ma Ibrahim ku loka Kulo, man atelo wie i ng’om Kanan ceke, man anyayu nyikwaye, man amio ire Isak.