Malaki 1:6 - The Holy Bible In Alur (Lur) Revised Orthography

⁶ Wod yungo won, man jatic jadit pare: ka kumeno tek an a wego, yung para ni kani? man tek an a jadit, lworo para ni kani? Yehova mir udul upenjowu, E julam, ma wucayu nyinga. Man wuwacu kumae, Wacayu nyingi kum ang’o?

Malaki 1:6 ပူးပေါင်းရင်းမြစ်များ

Zaburi 123:2

Nen, calu wang’ jutic neno ba cing’ jadit migi, Calu wang’ bong’ ba cing’ mege pagi; Wang’wa neno ba Yehova Mungu mwa kumeca, Cil m’ebedo ku kisa i kumwa.

Ai 20:12

Yung wuru ku meru, kara nindo peri ng’ad i ng’om ma Yehova Mungu peri mio iri.

Lembrieko 17:6

Nyithindho mi nyithindho en e jamkermiwic mi dongo; Man dwong’ mi nyithindho en e weggi.

Lembrieko 30:11

Dhanum’utuk moko nuti ma lamu weggi, Man ma mio mugisa ngo ni meggi.

Lembrieko 30:17

Wang’ ma ng’iero won, Man ma cayu woro min, Upa m’i poga bifudhe, Man nyithindh acur bicame.

Isaya 1:2

Wuwinji, E polo, man icik ithi, E ng’om; kum Yehova yero kumae: Agwoko man atungo nyithindho, e gijai ira.

Isaya 43:23

Ikelo ira kum rombe peri ngo ni lam m’awang’a; kadi ayunga de iyunga ngo ku lam peri. Anuri ngo ku lam mi mogo, kadi aoli de ngo kud udok ma ng’wice ng’ar.

Isaya 45:10

Can wi ng’atu m’uwacu ni wego kumae, Inyolo ang’o? kadi ni dhaku kumae, le peri en e ang’o?

Isaya 64:7

E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

Isaya 64:8

Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

Yeremia 23:11

kum jabila ku jalam gicido; eyo, anwang’u dubo migi i ot para, Yehova wacu.

Yeremia 3:4

Ugambre i nindo maeni ibiywak i bang’a ngo kumae, Vwa, in i jatelwi aradu para?

Yeremia 31:9

Gibibino ku ywak; man abitelo wigi ku kwac: abiketho giwotho ng’et kulo ma dit mi pi, i yo m’atira ma gibikier i ie ngo; kum an a Wego ni Israel, man Efraim en e kayu para.

Yeremia 35:16

Kum calu wot Yonadab ma wod Rekab utimo lembang’ola pa weggi m’eng’olo igi, enro dhanu maeni giwinjo dwanda ngo;

Ezekiel 22:26

Julamne gitimo rop kum cik para, man gicido gin ma leng’ para: giketho gin ma leng’ ubedo tung’ ungo ku gin ma sai, kadi giketho dhanu de ya ung’i kind gin m’ucido ku gin ma leng’ de ngo, man gipanu wang’gi ni ceng’ sabatu para, man acidra i kindgi.

Hoseya 12:8

Man Efraim uwacu kumae, Andha alony, anwang’u jupiny ira: i tic mi muli para ceke gibinwang’u kier moko ngo i ia ma en e dubo.

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Hoseya 5:1

Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Lembe Mi Julawi 19:3

Kubeng’wu kubeng’wu ng’atuman ulwor min mire, ku won mire; man wugwok ceng’ sabatu para: an a Yehova Mungu mu.

Zefania 3:4

Jubila pare kitgi mbe man gi weg ambili; julam pare gicido kamaleng’, gigondo cik.

Malaki 2:1

Man kawono, E wu julam, lembang’ola maeni en e piwu.

Malaki 2:10

Wan ceke wegwa acel ungo? Mungu acel ucwiowa ngo? nedi watimo kud awondi ng’atuman ku wadi man ku wadi, ma wacido ko lembariba pa kwaruwa?

Malaki 2:8

Ento wukier kud i yo; wuketho dhanu dupa podho i cik; wunyotho lembariba pa Lawi, Yehova mir udul uwacu.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Matayo 15:4

Kum Mungu wacu kumae, Yung wuru ku meru: man, ng’atu m’uyero lembe ma rac kum won kadi min, wek etho athoa.

Matayo 15:6

meca ebiyungo won ungo. E wuthiro lembe pa Mungu kum lembe mi kei mu.

Matayo 19:19

Yung wuru ku meru, man, Imar wedu calu imeri giri.

Matayo 6:9

Ka kumeno wurwo kumae, Wegwa ma ni i polo, Nyingi bed leng’.

Matayo 7:21

Ku ba dhanu nzu ma giwacu ira kumae, Rwoth, Rwoth, gibimondo i ker m’i polo ngo; ento ng’atu m’utimo yeny ma Vwa ma i polo yenyo re.

Marko 10:19

Ing’eyo lembang’ola, Kud ineg nek, Kud igieri swa, kud ikwal kwo, Kud ibal abali, Kud ivug kuvuga, Yung wuru ku meru de.

Marko 7:10

Kum Musa wacu kumae, Yung wuru ku meru; man, ng’atu m’uyero rac kum won kadi min, wek etho athoa:

Luka 10:29

Ento en, m’eyenyo enyuthre nia e pwe, ewacu ni Yesu kumae, Wada en e ng’a?

Luka 18:20

Ing’eyo lembang’ola, Kud igier gier, Kud ineg nek, Kud ikwal kwo, Kud ibed jamulembe mi ndra, Yung wuru ku meru.

Luka 6:36

Kisa negwu, cil calu kisa nego Wegwu.

Luka 6:46

Wulwong’a Rwoth, Rwoth, nedi ke wutimo gin m’awacu ngo?

Juefeso 6:2

Yung wuru ku meru (maeni cik ma kwong’a ma ku lembang’ola),

Poi Mi Cik 1:31

man i langa, ka m’ineno ie maram Yehova Mungu peri ting’i ko, calu dhanu ting’o wode, i yo ceke ma wucidho i ie, maram watundo ko kakeni.

Poi Mi Cik 32:6

Wudwoko ni Yehova kumeno, E wu dhanu mi kasegu man m’umbe ku rieko? En e wuru ngo m’ung’iewi? Etimi, man eketho inyang’.

Poi Mi Cik 5:16

Yung wuru ku meru, calu Yehova Mungu peri ng’olo iri; kara nindo peri ton hai, man kara ibed ber i ng’om ma Yehova Mungu peri mio iri.

1 Petro 1:17

Man tek wulwong’e calu en e Wego, m’epoko lembe mi dhanu ng’atuman calku tic pare ma dhanu bedo ko tung’ tung’ ungo i wang’e, e wubed ku lworo i nindo mi bedo mu: