Malaki 1:3 - The Holy Bible In Alur (Lur) Revised Orthography

³ ento Esau adagu, man adwoko gudi pare ni uvuru, man amio camupacu pare ni utho m’i yamba.

Malaki 1:3 ပူးပေါင်းရင်းမြစ်များ

Thangambere 25:23

Man Yehova wacu ire kumae, Thek ario gini ii, Man kodhidhanu ario jubikoyo kud ii: Man kodhidhanu acel bibedo tek ma sagu kodhidhanu wadi; E jadit bitimo ni nyathin.

Isaya 35:7

Man kwio m’urieny bidoko ni kut, ng’om mi rieu de bidoko ni kulo mi pi: i kabedo mir utho, ka ma givuto i ie, lum bibedo nuti ku kolo man usi.

Yeremia 49:10

Ento adwoko Esau muneru, ayabu ka ma mung’ mung’ pare, e ebicopo pondo gire ngo: kodhine nyothre, ku utumin mire, man wat pare; man embe.

Yeremia 49:20

Ka kumeno wuwinj lembapora pa Yehova, m’eting’o kum Edom; man lembakeca pare, m’ekeco kum ju m’ubedo i Teman kumae: Andha gibiywayugi cen, cil nyithindh udul rombe; andha ebidwoko kabedo migi ni uvuru i wigi.

Yeremia 49:33

Man Hazor bidoko ni kabedo mir utho, uvuru mi nja: ng’atu moko mbe ma bibedo kuca, kadok wod dhanu moko de bibedo ngo i ie ni umondo.

Yeremia 49:7

Lembe mir Edom. Yehova mir udul uwacu kumae: Rieko mbe kendo i Temani? lembapora rwinyo ni jurieko? rieko migi rwinyo?

Yeremia 49:8

Wuringi, wudok cen, wubed i ka ma thuth, E wu ju m’ubedo i Dedan; kum abikelo ruvwa pa Esau i wie, en e nindo m’abiliewe i ie.

Yeremia 51:37

E Babeli bidoko ni uvuru, man kabedo mir utho, ku wang’uic, man cac, ma ng’atu moko mbe m’ubed i ie.

Yeremia 9:11

Man abidwoko Yerusalem ni udhuru, ni kabedo mir utho; man abidwoko adhura mi Yuda ni uvuru, ma ng’atu moko mbe m’ubedo i ie.

Ywak 4:22

Masendi mi kier peri timbre, E nya Sayuni; ebiteri cen i ng’eca kendo ngo: Ebiliewo kier peri, E nyar Edom; ebiyabu dubo peri.

Ezekiel 36:7

ka ku meno Rwoth Yehova wacu kumae: Akwong’o kwong’, m’awacu kumae, Andha thek ma ni ng’etwu gbur, gibiyeyo lewic migi.

Ezekiel 36:9

Kum, nen, an a jabeng’wu, man abilokra iwu, man wubibedo afura man acoya;

Yoel 3:19

Misiri bibedo ni udhuru, man Edom bibedo langa mir udhuru, kum rop m’utimbre kum nyithindho pa Yuda, kum gioyo rimo m’umbe dubo i ng’om migi.

Obadia 1:10

Kum rop m’utimbre kum umeru ma Yakobo, lewic biumi, man ibithumbri woko mi nja.

Luka 14:26

Tek ng’atu moko bino i bang’a, ma k’edagu won mire ngo, ku min mire, ku cege, ku nyithindhe, ku utumin, ku nyimin de, eyo, ku kwo pare bende, ecopo bedo jalubna ngo.