Malaki 1:2 - The Holy Bible In Alur (Lur) Revised Orthography

² Amaruwu, Yehova wacu. Ento wuwacu kumae, Imaruwa ni kum ang’o? Esau en e umin Yakobo ngo? Yehova wacu: ento amaru Yakobo:

Malaki 1:2 ပူးပေါင်းရင်းမြစ်များ

Thangambere 25:23

Man Yehova wacu ire kumae, Thek ario gini ii, Man kodhidhanu ario jubikoyo kud ii: Man kodhidhanu acel bibedo tek ma sagu kodhidhanu wadi; E jadit bitimo ni nyathin.

Thangambere 25:25

Man ma kwong’ane wok ma kwar, kume ceke calu kendi mi lesi; e gilwong’o nyinge Esau.

Thangambere 25:26

Man yo ng’ei maeni umin uwok, man cinge maku ufunytiend Esau; man julwong’o nyinge Yakobo: e Isak rundi pare pier abusiel kinde m’enyologi.

Thangambere 27:33

E kum Isak umiel dit apila, man ewacu kumae, E ka ng’a m’ugamu ring’o, man ekele ira, man adaru camu ceke ma fokiwok ungo, man amio mugisa ire? eyo, man ebibedo jamugisa.

Thangambere 48:4

man ewacu ira kumae, Nen, abiketho inyai, man abimedi, man abikethi ni udul kodhidhanu, man abimio ng’om maeni ni kodhini yo ng’ei ni piny mi nja.

1 Ubimo 10:9

Mugisa bed ni Yehova Mungu peri, m’enwang’u mutoro ii, ketho ekethi wi komker mir Israel: kum Yehova maru Israel mi nja, ka kumeni ekethi ni ubimo, kara itim pokolembe ku bedopwe.

2 Ubimo 3:8

E ewacu kumae, Wabiidho malu yo kani? Man eloko lembe kumae, Yor i langa mir Edom.

Isaya 43:4

Kum in i gin ma pire tek i wang’a, man mi yung, man ameri; ka kumeno abimio dhanu kakeri, man kodhidhanu ka kwo peri.

Isaya 63:1

Maeni ng’a m’uai i Edom, ku kendi ma jukworo m’uai Bozra? maeni m’edwong’ i kendi pare, m’ubewotho i dit mi tego pare? An m’aweco ku bedopwe, m’a jarukara mi bodho.

Yeremia 2:31

E dhanum’utuk, wunen lembe pa Yehova. Abedo ni langa ni Israeli? kadi ni ng’om mi mudho ma bi? dhanu para wacu kumae pirang’o, Wagonjra; wabibino i beng’i kendo ngo?

Yeremia 2:5

Yehova wacu kumae, Gondri ang’o ma kwaruwu mvang’u i ia, m’uketho gicidho bor i kuma, man m’uketho giwotho tok gin ma ie nanu, m’uketho gidoko ma kitgi mbe de?

Yeremia 31:3

Yehova wok i bang’a con, ewacu kumae, Eyo, ameri ku mer mi nja: ka kumeno apei ku mer mi bero.

Amos 1:11

Yehova wacu kumae; Mi gondri adek mir Edom, eyo, mir ang’wen, abiloko masendine cen ungo; kum eriemo umin ku palamularu, man ebayu ngisi ceke cen, man ng’ecwiny pare yeco thiri thiri, ekanu kwinyo pare de mi nja.

Malaki 2:17

Wuolo Yehova ku lembe mu. Ento wuwacu kumae, Waole kud ang’o? Kum wuwacu kumae, Ku ba dhanu ceke ma timo dubo ebedo ber i wang’ Yehova, man anyong’a nege i kumgi; kadi Mungu mi pokolembe eni kani?

Luka 10:29

Ento en, m’eyenyo enyuthre nia e pwe, ewacu ni Yesu kumae, Wada en e ng’a?

Yohana 15:12

Maeni cik para, nia wumeru, cu calu amaruwu.

Poi Mi Cik 10:15

Ento anyong’a nego Yehova ni kum kwaru ketho emarugi, man egoyo wi kodhigi yo ng’eigi, en e wun ma sagu kodhidhanu ceke, calu tinuni.

Poi Mi Cik 23:5

Ento Yehova Mungu peri yio ngo ewinj Balam; ento Yehova Mungu peri loko lam ni mugisa iri, kum Yehova Mungu peri meri.

Poi Mi Cik 33:3

Eyo, emaru suru mi dhanu; Jumaleng’ pare ceke ni i cingi: E gibedo piny the tiendi; Kubang’gi ceke ng’atuman bijolo kum lembe peri.

Poi Mi Cik 4:37

Man kum emaru kwaru, ka kumeno egoyo wi kodhigi yo ng’eigi, man ewodhoi woko ku wang’e, ku tego pare ma dit, kud i Misiri: